Tȩtɔ̀s 3:8 - Mundani

⁸ Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Tȩtɔ̀s 3:8 ပူးပေါင်းရင်းမြစ်များ

Matìù 20:4

shu abua yɔb nê ‘Bɨ̀ ghǎ a mbȩ me faꞋa mɨ̧̂ ko maa ŋa wɨ̧ àghɨa a kuꞋu ane àfàꞋ àyɨ̧ la.’ Mbɨ̀Ꞌɨ̀ tà làꞋ ale la bɔ bê ndɔ̀Ꞌ me ghǎ.

Jɔ̌n 12:44

ÀfɨꞋa mbɔŋ Yesò ŋȩ nê, “Wòt tà zǐ èntɨ̧ɨ̧ vi ane yaã la ka zia wuê ane yaã, tà wua ndzìà fɔɔle ane wòt wu tà tsàà am la.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

ÀfaꞋa 12:15

Bɔ shu abua tò nê “À be”, ka tà me shu wuê shu nê wu nkûŋ. Ale, bɔ tsiꞋi bɨ̀ɨ̀le nê, “Naa wu wantu̧ Mbɔ̧ɔ̧mà tò.”

Lûm 4:5

Ka wòt bakà wua ngɨ̀à èfàꞋ nkɨà àbȩ̀, mbɔ̂ ndzì èntɨ̧ɨ̧ vi ane Mbɔ̧ɔ̧mà wu betsiꞋa tà nɨ wòt mènəè kàbɔ̀ŋ mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko tàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà èntɨ̧ɨ̧ wu ŋut zi ane tò la.

2 Kɔlìn 4:13

Àkata Mbɔ̧ɔ̧mà a laꞋnê “Mâ zǐ èntɨ̧ɨ̧ am ane Mbɔ̧ɔ̧mà ale ngu elàꞋa ànəa tò.” Bàa mbɔŋ e bɔ èwuu mèmɨ̀ɨ̀te mà, ale ba zǐ èntɨ̧ɨ̧ ane Mbɔ̧ɔ̧mà ngu elàꞋa ànəa tò mɨ̧̂.

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

1 Tɔ̀màtià 2:8

Maà nkɨà nê, àdzìꞋ àgème bòt e bù̧ù̧te etsàꞋte a Mbɔ̧ɔ̧mà la, mbâ̧tsə tè lɔ̀kè èbu bɔb ntsà a ègwet ntsàꞋtè a Mbɔ̧ɔ̧mà. Bɔ bɔ ndɨ bɔ̀ɔ wu mbaãte mènəè mɔb tɨ̧ɨ̧ ndɨŋndɨ̀ŋ e mbì Mbɔ̧ɔ̧mà bɔ̀ ka meè ngua ntsòa kò ndzɔ̀ nè bòt la.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

Tȩtɔ̀s 1:9

Ŋut bɔ ndɨ tàa nèète ebaãaã èngǎ̧ nkûŋ waa ba nyɨ̀Ꞌta la. Tà ghɨ̀ anè, ko taa ko enyɨꞋte bòt ko èngà̧ wu è wû nkûŋ la, e mě ghɨ̌ aa pùùla ayaã nê bòt bu bɔ̀ɔ ntù̧a èngà̧ waa la wu bòt mèfà̧.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Tȩtɔ̀s 3:1

Neeta shu abua bòt Yesò nê, bɔ̀ me zə bòt bɔ̀ɔ mbà̧aã àlaꞋ la, mè ngɨ̀à àghɨa bɔ shu la, mè me taŋke à màngɨa mènəè ntsɔ̧̀.

Tȩtɔ̀s 3:14

NyɨꞋte bòt Yesò baa nê, bɔ̀ me zì ètsə bɔb fàꞋa èfàꞋ ntsɔ̧̀, mbɨ̀Ꞌɨ̀ e me tɨŋe bòt bu bɔ̀ɔ nkɨ̀ŋkà èghɨ la. Nê, bɔ̀ ka me tseke mbɨꞋɨ̀ bòt kà ye àtsə ànəê àyɔb.

Fȩlemùn 1:11

Tà lɔ̀Ꞌ ngu àghɨ aku abua yê, ka nè àfɨ̀Ꞌ yaa, tà lâ ntsìꞋi wòt betsiꞋa tà tɨ̀ŋe awê mè ntɨŋe am la.

Ebùlù 10:24

Bà bɔ èntɨ̧ɨ̧ ane bɔnyɨ ba, me tɨŋe awɔb nyɨ̀Ꞌta èkɔŋ, ngɨ̀a ntsɔ̧̀ ane yɔb.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.