Tȩtɔ̀s 3:1 - Mundani

¹ Neeta shu abua bòt Yesò nê, bɔ̀ me zə bòt bɔ̀ɔ mbà̧aã àlaꞋ la, mè ngɨ̀à àghɨa bɔ shu la, mè me taŋke à màngɨa mènəè ntsɔ̧̀.

Tȩtɔ̀s 3:1 ပူးပေါင်းရင်းမြစ်များ

Matìù 22:21

Bɔ bɨ̀ɨ̀lè nê “Àtsəa Sisà.” Ale, Yesò shu abua yɔb nê “Bɨ̀ ŋa àghɨa è wu àyea Sisà la abua tò, ŋà àghɨa è wù àyea Mbɔ̧ɔ̧mà la abua Mbɔ̧ɔ̧mà.”

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

1 Tɔ̀màtià 2:2

Bɔ mè tsàꞋte a Mbɔ̧ɔ̧mà àtsəa bèfɔ̧̀, nè waa waa tàa mbà̧aã àlaꞋ la, mbɨ̀Ꞌɨ̀ baa me tseke ane àlàŋkè kà ye ànəa kàbɔ̀ŋ. À wu anè mbɨ̀Ꞌɨ̀ baa me nèèta ndzəèa a Mbɔ̧ɔ̧mà, mènəè ma naa mě me tsě ndɨŋndɨ̀ŋ.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

2 Tɔ̀màtià 1:6

Ale, e ngua nkù̧ù̧ta awê nê, ko mbɨ̀Ꞌɨ̀ à sàŋ àghɨ yu Mbɔ̧ɔ̧mà li ŋǎ abua yê àfɨ̀Ꞌ yu e ndi nɔ̀ŋè èbu bɔ̧ adù̧ yê la, a fi.

2 Tɔ̀màtià 2:14

Ghɨ̌ bòt bê è ku̧u̧te mèngà̧ mu e shu awê la, mè nèètè səèŋkè ètû̧ bɔb a mbì Mbɔ̧ɔ̧mà nê, bɔ̀ ka me yɔ̌ a ègwet mèngǎ̧ àku. Nê, lə mèngǎ̧ àku è ntsě, nàà ntsòkà wuê mèntɨ̧ɨ̧ bòt bu bɔ̀ɔ njùtâ mèngǎ̧ mbɔŋ la.

2 Tɔ̀màtià 2:21

È wu ale, wòt me kɨ ewu mbɨ̀Ꞌɨ̀ bapfəèꞋ bu bɔ̀ɔ mbà̧à̧ta wuê àfɨꞋa ngule ànəê a saꞋa la, tà yòò èntɨ̧ɨ̧ vi ane mènəè kàbɔ̀ŋ mi ègème, ko Mbɔ̧ɔ̧mà naa enɨ atò enɨ fàꞋà ngule efàꞋ ebi. Mbɔ̧ɔ̧mà naa ghɨ̌ ale nkàà nê ŋut tsiꞋi wòt èntɨ̧ɨ̧ kèfə, mè nkùꞋ abua tǎt vi a màngɨa àfaꞋa ntsɔ̧̀ àgème.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 3:14

NyɨꞋte bòt Yesò baa nê, bɔ̀ me zì ètsə bɔb fàꞋa èfàꞋ ntsɔ̧̀, mbɨ̀Ꞌɨ̀ e me tɨŋe bòt bu bɔ̀ɔ nkɨ̀ŋkà èghɨ la. Nê, bɔ̀ ka me tseke mbɨꞋɨ̀ bòt kà ye àtsə ànəê àyɔb.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

2 Pità 1:12

Bɨ batè nko èghɨ bàa, tè ndâ me kweele ane nkûŋ yu bɔ li shu awɨ̧ la, ka e mbɔ̂ ngu me tseka nkù̧ù̧ta wɨ̧ ànəa èghɨ mbɔŋ.

Jûd 1:5

TsiꞋ è mèe nkù̧ù̧te awɨ̧ ànəê ya bɨ ko tê ndɔ̀Ꞌ la. Mbɔ̧ɔ̧mà li ntsì bòt bi a èbem ngoꞋ a Ejìb, bɔ ghà àfɨ̀Ꞌ a me wu tà lììme èbu bɔ li bɔ̀ ka zi mèntɨ̧ɨ̧ mɔb ane tò la.