Tȩtɔ̀s 2:14 - Mundani

¹⁴ Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 2:14 ပူးပေါင်းရင်းမြစ်များ

Matìù 1:21

Taa bi wambâ̧ bɨa tsì èlen tò nê Yesò, nkàà nê taa li tsǐ bòt bi a èbem mènəè kàbɔ̀ŋ mɔb e ghɨ̌ bɔɔ peme.”

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Matìù 3:12

Ankì tò wu àbu atò, tàa nɨ foa ntsəè ti la. Taa foa ntsəè tu, efete nɔ̀ŋe a ète li, ka è me wu èfaa, tà maꞋa a èbem èwet kà wu li elema.”

Jɔ̌n 10:15

wuê mbɨ̀Ꞌɨ̀ mâ ko a Tǎt am Mbɔ̧ɔ̧mà, tà mè nkǒ am la. Ale, mâ bɨ̧ɨ̧ne eŋa àtsə am ane njɨ̀ taã.

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

ÀfaꞋa 15:14

Simùn bê nyɨ̀Ꞌte awɨ̧ ndɨ Mbɔ̧ɔ̧mà li mbɨ̀ ndȩ̀ bòt ayɔɔ bòt kà wu Bèjuê ane bòt bi, nɨŋ nyɨ̀Ꞌte nê, yeà nkɔ̀ŋkà àwɔb bàgème la.

ÀfaꞋa 15:9

Tà li nyɨ̀Ꞌte nê ba tò ba e tsiꞋi àghɨ yeamɔꞋ, ndzòò mèntɨ̧ɨ̧ mɔb, ndɨ̀ wu bɔ zì mèntɨ̧ɨ̧ mɔb ane Yesò la.

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

ÀfaꞋa 9:36

Àvi kǒ li ngu a Jopà, èlen tò wu Tàbità, tà wu wakatè Yesò la. (Ane ndɨ̧ Glɨ̂k èlen tò lu wu Dɔkàs, ngua shua nê tà wu èmvə.) Tà li ntàꞋa wua ngɨ̀à ntsɔ̧̀ mè ntɨ̀ŋa bòt ntseb àfɨ̀Ꞌ àgème.

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Gàlashìà 3:13

Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”

Efesɔ̀s 1:11

Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

1 Tɔ̀màtià 2:10

Ka bɔ me ghɨ̌ wuê mènəè ntsɔ̧̀ nàa nyɨ̀Ꞌte nê bɔ wu bèzi bɔ̀ɔ ngùꞋtà a Mbɔ̧ɔ̧mà la.

1 Tɔ̀màtià 2:6

Tà li ŋà àtsəa azi nɨŋ ngɨ̀ bòt bàgème e pem. Àyaa a li ngɨ̀ àfɨꞋa ntsɔ̧̀ nɨŋ nyɨ̀Ꞌte nê, Mbɔ̧ɔ̧mà nàà nkɨ etsǐ wòt ègème a èbem mènəè kàbɔ̀ŋ tò.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 10:24

Bà bɔ èntɨ̧ɨ̧ ane bɔnyɨ ba, me tɨŋe awɔb nyɨ̀Ꞌta èkɔŋ, ngɨ̀a ntsɔ̧̀ ane yɔb.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Jimsì 4:8

Bɨ̀ tente awɨ̧ nga a mbɨ̧̀ Mbɔ̧ɔ̧mà, ko taa səèꞋtè àvi kɨꞋɨ a mbɨ̧̀ yɨ̧. Bɨ̀a bòt mènəè kàbɔ̀ŋ, bɨ̀ tsì èbu bɨ̧ a èbem mènəè kàbɔ̀ŋ. Bɨ̀a bòt èntɨ̧ɨ̧ tebe è shùù mèntɨ̧ɨ̧ mɨ̧.

1 Pità 1:18

Bɨ ko àghɨa Mbɔ̧ɔ̧mà li ŋa nɨŋ nchùꞋù àtsəa yɨ̧ ngɨ̀ bɨ peme ane èbɨꞋte ènəê bu bètǎt nyaꞋ bɨ̧ e li sa abua yɨ̧ la. È li è kà wu àghɨa ko mbɨ̀Ꞌɨ̀ silbà kò goêl leꞋ, betsiꞋa a bɨ la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

1 Jɔ̌n 1:9

Ka ba bɨ̧ɨ̧ne mènəè kàbɔ̀ŋ ma a mbì Mbɔ̧ɔ̧mà, ko taa ghɨ̀ mbɨꞋɨ̀ tà li nkàꞋ la, e ghɨ̀ àghɨa a kùꞋù la, e waꞋà bèkàbɔ̀ŋ ba, e mě shùù awa ane èbɨꞋte ènəê ègème ba li mè ghɨ̀ la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.