Tȩtɔ̀s 1:9 - Mundani

⁹ Ŋut bɔ ndɨ tàa nèète ebaãaã èngǎ̧ nkûŋ waa ba nyɨ̀Ꞌta la. Tà ghɨ̀ anè, ko taa ko enyɨꞋte bòt ko èngà̧ wu è wû nkûŋ la, e mě ghɨ̌ aa pùùla ayaã nê bòt bu bɔ̀ɔ ntù̧a èngà̧ waa la wu bòt mèfà̧.

Tȩtɔ̀s 1:9 ပူးပေါင်းရင်းမြစ်များ

ÀfaꞋa 18:28

Bɔ̂ Bèjuê e li ngua nkàànà mènəè Yesò àsà̧aã èwen, tà tɔ èdziꞋ èkatè Mbɔ̧ɔ̧mà nyɨ̀Ꞌte awɔb ndɨ Yesò wu Fɔ̧̀ wu Mbɔ̧ɔ̧mà li ndzɔꞋ ntsà la, tè mètsəê mɔb lem.

1 Kɔlìn 14:24

Ka bɨ̀agème bɨ me làꞋa àtɔŋ Mbɔ̧ɔ̧mà, wòt kà zi èntɨ̧ɨ̧ vi ane Yesò Klisto kò wòt kànəè leꞋ kɨꞋɨ ayɔɔ yɨ̧, ko mènəè ngaa ègème tà zə la naa baãaãte èntɨ̧ɨ̧ tò, e ghɨ̌ taa ko nê ye wu wòt kàbɔ̀ŋ,

1 Tèsàlonikà 5:21

Bɨ̀ lȩ̂ èngà̧ ègème waa waa làꞋà la, ndze nê tè e dzə abua Mbɔ̧ɔ̧mà leꞋ, mbɔ̂ mbɨ̧̀ɨ̧̀nê èwe àa mbɔ̀ la.

2 Tèsàlonikà 2:15

Bɔnyɨ, è wu ale bɨ̀ ka mbɨ̧̀ɨ̧̀nê àghɨa ko a tsì èntɨ̧ɨ̧ wɨ̧ ane mènəè Yesò. Bɨ̀ neeta mbà̧aã nkûŋ yu bɔ li nyɨ̀Ꞌte awa, bàambɔŋ e mè nyɨ̀Ꞌte àfɨ̀Ꞌ yu ba li ngua ndàꞋà èngǎ̧ Mbɔ̧ɔ̧mà abua yɨ̧, mè shu a èbem àkatè yu ba li shɨ abua yɨ̧ la.

1 Tɔ̀màtià 1:10

Mbɨ̧ taa te wu abua bòt bu bɔ̀ɔ nɔ̀ŋkà nè bèzi kà wu ebɔb la, nè mbâ̧ tu tèa mpàꞋta teko la. Mbɔ̧ɔ̧mà li ngɨ̀ mbɨ̧ taa abua bòt bu bɔ̀ɔ mbà̧aã bɔbȩ efɨ̧̀ɨ̧̀nà la. Mè ngɨ̀ abua bòt mèfà̧, nè bòt bu bɔ̀ɔ ndàꞋà mèfà̧ àtsəa bòt ko la, nè bòt bu bɔ̀ɔ ngɨ̀à mènəè kà kuꞋ ane èlɨ wu Mbɔ̧ɔ̧mà è nyɨꞋte awa nê bà me ghɨ̌ la.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

1 Tɔ̀màtià 4:9

Eyaa wu èngǎ̧ nkûŋ ba wu nèète ebɨ̧ɨ̧ne e mě ezì mèntɨ̧ɨ̧ ma adù̧ la.

1 Tɔ̀màtià 6:3

Wòt ègème tàa nyɨ̀Ꞌta mènəè tsǎ, mè ntù̧ ngule mènəè Yesò Klistò Lefɨ̀Ꞌ wa, nè ndɨ bàa nyɨ̀Ꞌta mènəè Mbɔ̧ɔ̧mà ma la,

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

2 Tɔ̀màtià 3:14

Ka è wu awê àwɔ̀ mbɔŋ, ko mâ laꞋnê, me kùŋè wuê mènəè mu bɔ li nyɨ̀Ꞌte awê, à mè mbɨ̧̀ɨ̧̀ne nè èntɨ̧ɨ̧ wê ègème la. Me kùŋè mènəè mbɔŋ ndɨ̀ wu à ko èwuu bòt bu bɔ li nyɨ̀Ꞌte awê la,

2 Tɔ̀màtià 4:3

Ko nê àfɨ̀Ꞌ àko aa nkɨ̀Ꞌa kà bòt e wu tsi me yute bòt bu bɔ̀ɔ ndàꞋà mènəè nkûŋ la. Bɔɔ li egha ambo ndɨ bɔ̀ɔ nkɨa wuê àghɨa mèntɨ̧ɨ̧ mɔb nàa nkɨà la, etsiꞋi me nɨ wuê bènyɨꞋtà bu bɔ̀ɔ me shu awɔb èghɨ ètû̧ bɔb aa ntèa nkɨ ezə la, e bɔ̂ me kwèꞋnè àwɔb nɨa ngà nè mbì.

Tȩtɔ̀s 1:11

Bòt bu àtsəa bòt Yesò la e bɔ̂ ndɨ bɔ̀ɔ ghɨ̌ bèŋût aa kate mètsəê mɔb la, nkàà nê bɔɔ̀ ngèèba ntsòkà lobte bòt, nyɨ̀Ꞌta awɔb mènəè bɔ ghɨ bɔ̀ ka wu nyɨꞋte la. Bɔɔ̀ nyɨ̀Ꞌta mènəè maa anè ngua nkɨà wuê èkab, ale nko nê bɔ loà mèkù mɔb.

Tȩtɔ̀s 2:1

È me wu awê, ko mâ laꞋnê, me nyɨꞋte bòt wuê mènəè mu è wù mènəè Mbɔ̧ɔ̧mà mu è wû nkûŋ la.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.

Ètsə 2:25

Ka bɨ baãaã èghɨ bu bɨ ko tê ndɔ̀Ꞌ la ntsɔ̧̀, tè è ngɨa nkɨ̀Ꞌɨ̂.

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.