Ntu̧ Ntsɔ̧̀ MAK 9:50 - Mundani

⁵⁰ “Angwaŋ nàà mbɔ̀, ka angwaŋ bakà wua ntsia ndɨ̧̀à, ko bɔ̀ɔ ghɨ̀ na tè naa mě me lɨ̧̌ à? Bɨ̀ wu mbɨ̀Ꞌɨ̀ angwaŋ nàa ndɨ̧̀à la ayɔa bɔbȩ, mè me tseke ntsɔ̧̀ nè bòt.”

Ntu̧ Ntsɔ̧̀ MAK 9:50 ပူးပေါင်းရင်းမြစ်များ

Matìù 5:13

“Bɨ wu mbɨ̀Ꞌɨ̀ angwaŋ ayɔɔ bòt sitsǎꞋ, ka angwaŋ bakà wua ntsia ndɨ̧̀à, ko bɔ̀ɔ ghɨ̀ na tè naa mě me lɨ̧̌ à? È tsiꞋ àghɨ aku, ntsiꞋi e kùꞋù wuê ndɨ bɔ̀ɔ maꞋa àbȩ bòt aa me tɔ̀Ꞌtè la.

Ntu̧ Ntsɔ̧̀ MAK 9:34

Ka bɔ tu̧ tsɔꞋɔ èngǎ̧ tò ndɨ̀ wu bɔ wua nkàànà ànəa wòt tà tsě bòt bàgème a kèfɔ̧̀ Mbɔ̧ɔ̧mà la.

Ntu̧ Ntsɔ̧̀ MAK 9:49

Bɔɔ li zǐ èwet ane wòt ègème wuê mbɨ̀Ꞌɨ̀ bɔ̀ɔ ndzìà angwaŋ ane èghɨjɨ la.

Lûm 12:18

Bɨ̀ ghɨ̌ àghɨa àgème betsiꞋa bɨ ko ngɨ̀ la ndze nê bɨa ntsèka ane àlàŋkè nè waa waa.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

Kɔ̀losìà 4:6

Bɨ̀ tsiꞋ mèngǎ̧ mɨ̧ wu me nàa mbɔ̀, bòt e mè me kɔ̀ŋke eyute la. Bɨ̀ me ghɨ̀ ale, mbɨ̀Ꞌɨ̀ me koa ntsɔꞋɔ èngǎ̧ waa waa ane ndɨ bɔ̀ɔ zə la.

1 Tèsàlonikà 5:13

Bɨ̀ la me kukte awɔb mè nkɔ̀ŋkà àwɔb ntsɔ̧̀ ane àfàꞋ yu bɔ̀ɔ fàꞋà la. Bɨ̀a mbɔŋ è me tseke ane àlàŋkè bɨ bɔnyɨ bɨ̧.

2 Tɔ̀màtià 2:22

Ko mbɨ̀Ꞌɨ̀ à zì àbu ayê a èbem èghɨ kàbɔ̀ŋ bu bɔkèsà àa nkɔ̀ŋkà a màngɨa la. Me ghɨ̀ wuê àghɨa Mbɔ̧ɔ̧mà nàa nkɨà la, ndzìà èntɨ̧ɨ̧ wê ane Yesò, nkɔ̀ŋkà bòt mè ntsèka ane àlàŋkè bɨ bòt bɔ̀ɔ ntsàꞋta Mbɔ̧ɔ̧mà nè èntɨ̧ɨ̧ kèfə, nê tà tɨŋe awɔb la.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.

Jimsì 1:20

Aa ale nkàà nê wòt nàa me tsoo tà kà ko nyɨ̀Ꞌte mèntsèke ntsɔ̧̀ mu Mbɔ̧ɔ̧mà nàa nkɨà la.

1 Pità 3:8

Enɨ lìà àyaa nè ànəê, tsiꞋ è shu abua yɨ̧ bɨ̀agème nê, bɨ̀ wu ane ètsəê wemɔꞋ, me ku tèsȩte bɔnyɨ bɨ̧, mè nkɔ̀ŋkà wɔb. Bɨ̀ me yu ane mènəè mɨ̧, mè mbɔ̌ èntɨ̧ɨ̧ ntsɔ̧̀ ane bòt.