Ntu̧ Ntsɔ̧̀ MAK 9:42 - Mundani

⁴² “Wòt ŋwèèlè waã kǒ ane bɔ̧ bàa bɔ zì mèntɨ̧ɨ̧ mɔb ane yaã la ngɨ̀ tà fà̧à̧ ànəê, a bɔ̂ŋ nê bɔ̀ sèlè taꞋà èti àmî a ŋut, maꞋa tò a èbem *èdzî.

Ntu̧ Ntsɔ̧̀ MAK 9:42 ပူးပေါင်းရင်းမြစ်များ

Matìù 17:27

Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Matìù 18:6

Ka wòt tà ghɨ̂ watèchɨɨle kǒ ane baa waꞋa ntɨ̀ yu tà bɔ ane yaã la, a bɔ̂ŋ nê bɔ̀ sèlè taꞋà èti àmî atò maꞋa tò tea èbem *èdzî.

ÀfaꞋa 9:4

Tà debe a si me zə àtɔŋ ako a shu abua tò nê, “Sɔ̂l, Sɔ̂l, ghǎ ghɨ̂ ka à me ghɨa kàbɔ̀ŋ ane yaã à?”

Lûm 14:13

Mbɨ̀Ꞌɨ̀ àa anè la à ka ntsì mpəəte wanyɨ wè, ka la nɔ̀ŋe a èntɨ̧ɨ̧ wê nê à ka ghɨ̀ àghɨa àa ghɨ̌ wanyɨ wè nàa sèmne ko e kwene a èbem kàbɔ̀ŋ la a.

Lûm 15:21

Mbɨ̀Ꞌɨ̀ Àkata Mbɔ̧ɔ̧mà a shu la, “Bòt bu bɔ̀ le kaꞋa laꞋà ànəa tò abua yɔb la àa li ye, bòt bu bɔ̀ le kaꞋa zə la e mè ngu zə e ko.”

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

2 Kɔlìn 6:3

Baa kà tɨ̧ɨ̧ alu̧ wòt, mbɨ̀Ꞌɨ̀ wòt kǒ fèèlè awa ane àfàꞋ àya mbɨ̀Ꞌɨ̀ bɔntu̧ Mbɔ̧ɔ̧mà.

Filìpȩ 1:10

A wu ale, ko bɨa me ntsèka nkoa àghɨa è wù àyea ntsɔ̧̀ la. Ko bɨa tsiꞋi bòt mèntɨ̧ɨ̧ kèfə, kà wòt wuê ko eshu nê bɨ ghɨa kàbɔ̀ŋ te eghǎ edzə ane àli yu Yesò Klistò nàa li e mě ekɨꞋɨ la.

1 Tɔ̀màtià 5:14

Mbɨ̀Ꞌɨ̀ àa ale la, è wu nè mmɔ̌, ko bènempfə bu bɔ̀ bele bɔɔ̀zi techɨɨle la e mě ndzɔ̀Ꞌɔ bèlu̧, mbì bɔ̧ bɔb, mè ntsèke a si me taŋke lob tɔb. Bɔ ghɨ̀ ale, ko bɔmbù̧ ba è ka ye èlu̧ elàꞋa mènəè kàbɔ̀ŋ adù̧ ya a.

2 Pità 2:2

Bòt Yesò nyaŋ aa me kùŋe èbɨꞋte ènəê bòt baa, te ghɨ̌ bòt aa me làꞋa kàbɔ̀ŋ ane ànəa alu̧ Mbɔ̧ɔ̧mà wu è wû nkûŋ la.