Ntu̧ Ntsɔ̧̀ MAK 9:23 - Mundani

²³ Yesò bɨ̀ɨ̀lè nê, “À wu bɨ̧ɨ̧ne! Ko àghɨa ko à ntsě àa tsě wòt tà zǐ èntɨ̧ɨ̧ vi ane Mbɔ̧ɔ̧mà la.”

Ntu̧ Ntsɔ̧̀ MAK 9:23 ပူးပေါင်းရင်းမြစ်များ

Matìù 14:29

Yesò shu abua tò nê, “KɨꞋɨ.” Ale, Pità dzə a èbem ànkànuꞋ yu mbùꞋ me ghȩ̀ȩ̀ne a ègwet mèleb mu eghǎ kwene ane tò.

Matìù 17:20

Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.”

Ntu̧ Ntsɔ̧̀ MAK 11:23

Ane nkûŋ, mâ shu awɨ̧ nê wòt shu abua èbȩ la nê, ‘Kȩ ngà nkwene a èbem *èdzî’, mbɔ̂ ntɨ̀ nê ànəa ye shua la aa wu ale, mbakà màkè, ko Mbɔ̧ɔ̧mà naa ghɨ̌ abua tò.

Ntu̧ Ntsɔ̧̀ MAK 9:22

A màꞋà atò a èbem èwet nè mèleb a ngo̧ a ngò̧ nê ye kɨ ebùŋe atò. Ku tèsȩ ta, ntɨ̀ŋe awa na à wu ko etɨŋe la.”

Ntu̧ Ntsɔ̧̀ MAK 9:24

Tǎt waã wu bê ŋȩ nê, “Mâ zi èntɨ̧ɨ̧ am ane Mbɔ̧ɔ̧mà ka è nka paà. Tɨŋe am è ndzì tê mpàa!”

Lûk 17:6

Yesò bɨ̀ɨ̀lè nê, “Bɨ bɔ ntɨ̀ mbɨ̀Ꞌɨ̀ èsaãaãme maŋkaŋa kǒ e taꞋa wua nkòòta la, ko betsiꞋa bɨ shu abua àyɨt yaa nê, ‘ŊeꞋe awê nè tèghàŋ adzìꞋ yaa ngà ntsèmè a èbem *èdzî’, ko àyɨt a ngaa aa ghɨ̌ mbɨ̀Ꞌɨ̀ bɨ shu la.”

Jɔ̌n 11:40

Yesò shu abua tò nê, “Mâ yaã è nka shu abua yê nê, à zìà èntɨ̧ɨ̧ wê ane Mbɔ̧ɔ̧mà ko àa ye mètàŋ tò?”

ÀfaꞋa 14:9

È li ngu ane àli ako tà wu a si tà tsekè me yute Ntu̧ Ntsɔ̧̀ yu Pɔ̂l tsɔ̀tà la. Pɔ̂l ye nê, betsiꞋa tà zì èntɨ̧ɨ̧ vi ane Yesò tè tà bə atò. Ale, tà tsìte àghɨ azi ane tò,

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.