Ntu̧ Ntsɔ̧̀ MAK 8:38 - Mundani

³⁸ Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”

Ntu̧ Ntsɔ̧̀ MAK 8:38 ပူးပေါင်းရင်းမြစ်များ

Matìù 12:39

Yesò bɨ̀ɨ̀lè nê “Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨa nkɨà nê è nyɨꞋte awɨ̧ àlȩê ka bɨ̀ ka wu ye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.

Matìù 13:41

Waã Wòt naa li tsà bɔntu̧ bi, bea kɨꞋɨ etsǐ èghɨ ègème àa ngɨ̀a kàbɔ̀ŋ la, nè bòt bàgème bɔ̀ɔ ngɨa kàbɔ̀ŋ la a èbem kèfɔ̧̀ vi.

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Matìù 16:28

Ane nkûŋ, tsiꞋ è shu awɨ̧ nê bòt ko aa adzìꞋ yaa betsiꞋa èvə è ka nɨ awɔb kà bɔ ye Waã Wòt nkɨ̀Ꞌa nè Kèfɔ̧̀ Mbɔ̧ɔ̧mà la.”

Matìù 16:4

Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨà nkɨà nê è nyɨꞋte awɨ̧ àlȩê ka bɨ̀ ka wu eye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.” Tà ghɨ̀ ale, sà àwɔb me ghǎ.

Matìù 24:30

“ÀfɨꞋa mbɔŋ, àghɨa àa nyɨꞋte nê, Waã Wòt kɨꞋɨ la, a saꞋ a ègwet, bòt èndà̧ ègème a sitsǎꞋ e bùù mèdɨ̀, mbɨ̀Ꞌɨ̀ bɔ ye Waã Wòt nkɨ̀Ꞌa ègwelebuule a èbem mbàꞋ, nè mètàŋ bɔ̂ mèngùꞋte ènɨ̧ Mbɔ̧ɔ̧mà la.

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Matìù 26:64

Yesò bɨ̀ɨ̀lè nê, “Wuê mbɨ̀Ꞌɨ̀ à shu la, ka tsiꞋ è shua wɨ̧ bɨ̀agème nê, ebuꞋu àfɨ̀Ꞌ yaa me ghà ne mbì, bɨa ye Waã Wòt, tà tseke àbâ àbualu̧ a Mbɔ̧ɔ̧mà Àtsèàngɔ̀ŋ la, e mě ye atò nchua a ègwet a èbem mbàꞋ la!”

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Ntu̧ Ntsɔ̧̀ MAK 13:26

“ÀfɨꞋa mbɔŋ, ko Waã Wòt naa dzə a èbem mbàꞋ a ègwet, nè mètàŋ bɔ̂ mèngùꞋte ènɨ̧ Mbɔ̧ɔ̧mà.

Ntu̧ Ntsɔ̧̀ MAK 14:62

Yesò nê, “E ngu tòà. Bɨa li ye Waã Wòt tà tseke àbâ àbualu̧ a Mbɔ̧ɔ̧mà Àtsèàngɔ̀ŋ, e mě ye atò nchua a ègwet a èbem mbàꞋ la!”

Ntu̧ Ntsɔ̧̀ MAK 8:37

Kò àghɨa ko aà və betsiꞋa wòt ŋa nɨŋ nchùꞋ àtsəa zi la à?

Lûk 19:26

“TsiꞋ è shu awɨ̧ nê, ‘Wòt tà bɔ àghɨ la, bɔɔ kwèꞋne aa taꞋa yaãaã, ka è me wu wu kà bɔ àghɨ la, ko bɔɔ paa kàyaã wu tà bɔ la enɨ.

Lûk 9:26

Ale, àtsəa wòt a me kɔꞋɔ ambo yaã nè mèngǎ̧ mɔ̧, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ vi, nè we Tǎt vi bɔ̂ bɔntu̧ bi la.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:51

Yesò mè shu abua tò nê “TsiꞋ è shua wê ane nkûŋ nê, àa ye ègwet e ghaꞋa bɔntu̧ Mbɔ̧ɔ̧mà e me ghȩ̀ȩ̀na nchua ndzea Waã Wòt mè nkɔ̀Ꞌa ngà la.”

Jɔ̌n 12:34

Ale, ènɔ̧̂ bòt bu e bɨ̀ɨ̀lè èngǎ̧ tò nê, “Ba ko aya nê, Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa li ewu ane àlia nè àlia. Ale, à ghɨ̀ na ka nê bɔɔ lɔ̀kè Waã Wòt a si etsoŋa ègwet à? Waã Wòt nàa ně ngu wà à?”

Jɔ̌n 5:27

Tà ŋa tò àtɔŋ ane ndɨ tàa saꞋa mènəè bòt te lià la, nkàà nê, tà wu Waã Wòt.

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Gàlashìà 6:14

Ka betsiꞋa mmɔ̌ mbɔŋ è nka wuꞋte am ane ànəa ko tsa kà wu mbasa wu Yesò Klistò Lefɨ̀Ꞌ wa li pfə adù̧ la. Èvə tò e li ngɨ̀ e mpfə àghɨ a ngɔ̀ŋ yaa, ngɔ̀ŋ yaà mè mpfə àghɨ am.

1 Tèsàlonikà 2:19

Ane nkûŋ, wu bɨ̀a ka bɨ ghɨ̂ ba bɔ ntɨ̀ nè mèngùꞋte mè mbɔ̀ lə bàa me ghàꞋtè àwa a mbì Yesò Lefɨ̀Ꞌ ane àlia tàa kɨꞋɨ la.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Tɔ̀màtià 1:16

È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.

2 Tɔ̀màtià 1:8

Ale, à ka mbɔ̀ àtsə kɔꞋɔ e làꞋa ànəê à ko ane Lefɨ̀Ꞌ wa la. À ka mè ngɨ̀ ngaa mbɨ̀Ꞌɨ̀ à bakà ko am è ngu wòt tèfȩ nkàà ànəa Yesò la. Ka nɨ mètàŋ mu Mbɔ̧ɔ̧mà è ŋa abua yê la, ndzě ye nè ngoꞋ nkàà Ntu̧ Ntsɔ̧̀ Yesò, mbɨ̀Ꞌɨ̀ mmɔ̌.

Ebùlù 11:16

Ka mbɨ̀Ꞌɨ̀ àa la, bɔ li ngua nkɨà àlaꞋ a bɔŋ te ntsè àyùà la, è wu àlaꞋ yu à wu a ègwet la. Ale, àtsəa Mbɔ̧ɔ̧mà aà kà kɔꞋ màmbɨ̧ɨ̧na laꞋnê ye wu Mbɔ̧ɔ̧mà wɔb nkàà nê tà tàŋke àpfəèà nɨ̧ abua yɔb.

Ebùlù 11:26

Tà li nko nê ye tseka ane ngɨ̧̀ɨ̧̀nè nkàà ànəa Yesò Klistò, ko aa taꞋa bɔ̀ te ntsě ndɨ yea bɔ èghɨ ntsɔ̧̀ ègème a Ejìb la. Tà li ngɨ̀ anè nkàà nê èntɨ̧ɨ̧ tò e li ngu wuê ane àbȩ̀ yu tàa li lɔ̀Ꞌɔ ebɔ la.

Ebùlù 13:13

Ale, bɨ̀ ghɨa bà dzə a èbem àpfəè nga àbȩ nkwene ane tò, mbɔ̀ àtsəa kɔꞋɔ, mbɨ̀Ꞌɨ̀ tà li mbɔŋ la.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

1 Jɔ̌n 2:23

Wòt tù̧a Waã Mbɔ̧ɔ̧mà, a wu nê tà tu̧ a Tǎt tò Mbɔ̧ɔ̧mà mɨ̧̂. Ka wòt tà bɨ̧ɨ̧ne ànəa Waã Mbɔ̧ɔ̧mà la, è bɨ̧ɨ̧ne a Tǎt tò Mbɔ̧ɔ̧mà mɨ̧̂.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

Ètsə 14:10

tà kò nê ntsǒ Mbɔ̧ɔ̧mà naa nɔ̀ŋke àtsəa tò. Taa nu mèlùꞋ kèkweelè Mbɔ̧ɔ̧mà, è wu ntsǒ tò la. Ntsǒ mbɔŋ naa wu mbɨ̀Ꞌɨ̀ mèlùꞋ kà bɔ fȩ̀ȩ̀tè nè mèleb. Tàa li nyi a èbem èwet àa nkòòla mbɨ̀Ꞌɨ̀ èkem la, e me ye ngoꞋ kèkweelè a mbì bɔntu̧ Mbɔ̧ɔ̧mà nè Wanjɨ̀ wu.