Ntu̧ Ntsɔ̧̀ MAK 8:34 - Mundani

³⁴ Tà ghɨ̀ ale, tà tɔ ènɔ̧̂ bòt bu nè bɔkatè bi shu abua yɔb nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Ntu̧ Ntsɔ̧̀ MAK 8:34 ပူးပေါင်းရင်းမြစ်များ

Matìù 10:38

Wòt bakà bɨ̧̀ɨ̧̀ne eŋeꞋe mbasa vi ekùŋè am, tà kà kuꞋu ewe tàa wu wɔ̧ la.

Matìù 16:24

ÀfɨꞋa mbɔŋ Yesò shu abua bɔkatè bi nê “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Matìù 27:32

Mbɨ̀Ꞌɨ̀ bɔ lɔꞋ me ghà la, bɔ ye wòt Silenè kǒ èlen tò wu Simùn la, mbà̧à̧ atò tà ŋèꞋe mbasa Yesò.

Ntu̧ Ntsɔ̧̀ MAK 10:21

Yesò tsìte àghɨ azi ane tò ane èkɔŋ, mbɔ̂ shu abua tò nê, “È tsiꞋi àghɨ yeamɔꞋ àa ghɨ̀ la. Ghǎ fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, ko aa li jandèlè a ègwet. À ghɨ̀ ale, à kɨ̀Ꞌɨ̂ nkùŋè am.”

Ntu̧ Ntsɔ̧̀ MAK 7:14

Ale, Yesò mè ntɔ ènɔ̧̂ bòt bu shu abua yɔb nê “Bɨ̀ zə am bɨ̀agème, à nyi àtsəa yɨ̧ ntsɔ̧̀!

Lûk 13:24

“Nyɔ̀Ꞌta a mànyia ane ètsələèꞋ techɨɨle, nkàà nê bòt nyaŋ aa li me nùa nyɔ̀Ꞌtà nkɨ enyi ka èlu̧ è ka wu wu abua yɔb.

Lûk 14:33

Yesò me lìa nê, “Wu wuê a èlɨ mbɔŋ betsiꞋa wòt ane yɨ̧ ka kuꞋù wòt tàa wu wakatè am la kà bɨ lèène àghɨ àgème tà bɔ la.”

Lûk 18:22

Yesò zə ayaa ale, shu abua tò nê, “À bela mbùa àghɨ yeamɔꞋ àa ghɨ̌ la. Ghǎ fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, mbɔ̂ nkɨ̀Ꞌɨ̂ nkùŋè am, ko aa li jandèlè a ègwet.”

Lûk 20:45

Mbɨ̀Ꞌɨ̀ bòt bu bàgème è wua njùta mènəè Yesò shua la, tà ghèble avi shu abua bɔkatè bi nê,

Lûk 9:23

Tà shu abua yɔb bàgème nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi àlia àgème nkùŋè am.

Jɔ̌n 10:27

Njɨ̀ taã teà ndzəa ànəa màa shua la, e mè ndâ nko awɔb, te mè me kùŋè am.

Jɔ̌n 19:17

Tà ŋèꞋe mbasa vi ngà àbȩ, adzìꞋ yu bɔ̀ɔ ntɔ nê àdziꞋa àghele àtsə la. Èlen àdziꞋa mbɔŋ ane ndɨ̧ Ebùlù li ngu Golgotà.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

Lûm 6:6

Baa ko nê mènəè nyaꞋ ma è pfə nè Yesò Klistò a mbɨ̧̀ mbasa, mbɨ̀Ꞌɨ̀ tsòke àghɨ yu àa ŋwèèlà mbɨ̧̀ ta te ghɨa kàbɔ̀ŋ la, mbɨ̀Ꞌɨ̀ baa baka tsi ngu èbùꞋ abua kàbɔ̀ŋ.

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

1 Kɔlìn 15:31

Bɔnyɨ bɔ̧, èvə aa nəèꞋa a tèdzi taã àli àgème. E nkà̧à̧ àyaa ane kèghàꞋtè fu mâ bɔ ane yɨ̧ ndɨ̀ wu bà wu àghɨ yeamɔꞋ nè Yesò Klistò Lefɨ̀Ꞌ wa la.

1 Kɔlìn 8:13

Ale, è wu nê e njɨ̀a èghɨjɨ ko aa ghɨ̌ wanɔ̧ naa ghɨ̌ a kàbɔ̀ŋ, ko è nka tsi lɔ̀Ꞌɔ̀ àlia e kwele nyà̧ a, mbɨ̀Ꞌɨ̀ ka e ngɨ̀ wanɔ̧ ghɨ a kàbɔ̀ŋ.

1 Kɔlìn 9:19

Àghɨa ko a ntsě a kuule èbu bɔ̧ ŋa abua wòt ko la, e mbɔ̂ ngɨ̀ am mmɔ̌ mbɔŋ ane àbùꞋ abua wòt ègème, mbɨ̀Ꞌɨ̀ ghɨ̌ bòt bɔ̀ɔ ndzìà mèntɨ̧ɨ̧ mɔb ane Yesò Klistò la aa paa yaã.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Gàlashìà 6:14

Ka betsiꞋa mmɔ̌ mbɔŋ è nka wuꞋte am ane ànəa ko tsa kà wu mbasa wu Yesò Klistò Lefɨ̀Ꞌ wa li pfə adù̧ la. Èvə tò e li ngɨ̀ e mpfə àghɨ a ngɔ̀ŋ yaa, ngɔ̀ŋ yaà mè mpfə àghɨ am.

Filìpȩ 3:10

NdàꞋ àghɨa è ntsiꞋa nkɨ̀a la wu nê, è ndâ nko a Yesò Klistò, mè bɔ mètàŋ mu tà li mbɔ̀ mbɨꞋɨ̀ wòt tà yu̧u̧me la. Maà nkɨ kùŋe atò eye ngoꞋ mɨ̧̂, e mě pfə nkàà nê tà li mpfə mɨ̧̂.

Filìpȩ 3:7

Ka èghɨ mbɔŋ bu e ndi ngua ndzèa mbɨ̀Ꞌɨ̀ àbȩ̀ la, e te ntsě èghɨ abua am àfɨ̀Ꞌ yaa, ndɨ̀ wu màa nkɨ eko a Yesò Klistò la.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

2 Tèsàlonikà 3:11

Ba làꞋà anè nkàà nê, bɔ shu awa nê bòt ko ayɔɔ yɨ̧ aa ndȩȩta a màfaꞋa, bɔ̀ ka wua ngɨ̀à àghɨ, me ŋeꞋe wuê awɔb nchɨ̧̀a a èbem mènəè bòt tsa.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

Ebùlù 13:13

Ale, bɨ̀ ghɨa bà dzə a èbem àpfəè nga àbȩ nkwene ane tò, mbɔ̀ àtsəa kɔꞋɔ, mbɨ̀Ꞌɨ̀ tà li mbɔŋ la.

1 Pità 4:1

Ba ko nê Yesò Klistò li ntsìꞋi wɔ̀bȩ̂, ndzě ngoꞋ. Ale, bɨ̀ bɔ èwuu mèmɨ̀ɨ̀te mbɔŋ ntàŋka awɨ̧ eye ngoꞋ mbɨ̀Ꞌɨ̀ tà li ndze la. Bɨ̀ ghɨ̀ ale, nkàà nê wòt tà bɨ̧ɨ̧ne eye ngoꞋ la, bakà tsi mbɔ̀ àghɨa ko tàa ghɨ̀ nê kàbɔ̀ŋ la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

2 Pità 1:14

Maà ngɨ̀à ale ngu nê mâ ko nê è mbele yàŋe epfə sǎ sitsǎꞋ yàa mbɨ̀Ꞌɨ̀ Yesò Klistò Lefɨ̀Ꞌ wa nyɨꞋte am la.

1 Jɔ̌n 3:16

Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.