Ntu̧ Ntsɔ̧̀ MAK 8:33 - Mundani

³³ Ka Yesò ghèble avi ndɨ̀ŋkè bɔkatè bi, mbɔ̂ ŋȩte Pità nê, “LɔꞋɔ a ngèt yaã à Satàn! Àà nkèla alu̧ am. Mènəè maa à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Ntu̧ Ntsɔ̧̀ MAK 8:33 ပူးပေါင်းရင်းမြစ်များ

Matìù 15:23

Tà làꞋ ale, Yesò kà lem mbɨ̀ɨ̀lè èngǎ̧ tò. Bɔkatè tò e kɨꞋɨ̀ shù̧ù̧te atò nê “Fəa àvi wàà, tà ka tsi nkùŋà wa ŋȩ̂ àtsəa ya.”

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

Ntu̧ Ntsɔ̧̀ MAK 3:34

Tà ghɨ̀ ale, tà lɨ̀ŋkè bòt bu bɔ tsekè ngààle tò la mbɔ̂ nê, “Eyaa wu nyɨ̌ am bɔ̂ bɔnyɨ bɔ̧.

Ntu̧ Ntsɔ̧̀ MAK 3:5

Yesò me lɨ̀ŋkè àwɔb nè èntɨ̧ɨ̧ bɨ̌, ntsòa ndɨ̀ wu bɔ tu̧ zǐ èntɨ̧ɨ̧ wɔb ane tò la, shu abua mbê wu nê, “Nyààbè àbu ayê.” Tà nyààbè àbu azi yu, a bê nkwèèlê.

Lûk 22:61

Yesò Lefɨ̀Ꞌ ghèble avi ndɨ̀ŋkè a Pità àghɨ atò, Pità bê nkù̧ù̧te mèngǎ̧ Yesò è ghɨ̂ shu la nê “Lu̧nkɔ̀Ꞌ naa me laꞋ nê yea ntɔa aa tu̧ ngò̧ tetat nê ye bakà ko am.”

Lûk 4:8

Yesò bɨ̀ɨ̀lè nê, “Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzəa wuê atò la’.”

Lûk 9:55

Yesò è ghèble avi ŋȩ̀ àwɔb nê, [“Bɨ bakà ko fo yu ane yɨ̧ ngɨ̀à bɨ làꞋà ale la. Waã Wòt li tà kà wua nkɨ̀Ꞌà eliime bɔbȩ, tà li ngua nkɨ̀Ꞌa e ghɨ̌ bɔɔ peme.”]

1 Kɔlìn 5:5

bɨ zì èwuu wòt waa a tèkitebu Satàn, mbɨ̀Ꞌɨ̀ tà ŋèꞋne mbɨ̧̀ ènyit tò ane kàbɔ̀ŋ tò, è wu ane àlia Yesò Lefɨ̀Ꞌ kɨꞋɨ la tà ghɨ̀ àlɨ̀ŋkè a ŋut a pem.

Filìpȩ 3:19

Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

1 Tɔ̀màtià 5:20

È me wu bòt bu bɔ̀ɔ ngɨ̀à mènəè kàbɔ̀ŋ nɨa ngà wuê nè mbì la, à me tsia wɔb a kètsìà bòt ŋȩ̀te awɔb, mbɨ̀Ꞌɨ̀ bòt ko aa ye e bɔɔ.

Tȩtɔ̀s 1:13

Ànəê yaa tà li shu la a bɔ̂ ngu nkûŋ. Mbɨ̀Ꞌɨ̀ aa anè la, à bɔ ndɨ àa taꞋa ŋȩte awɔb mbɨ̀Ꞌɨ̀ bɔɔ me nèèta nkùŋà alu̧ Mbɔ̧ɔ̧mà la.

1 Pità 4:1

Ba ko nê Yesò Klistò li ntsìꞋi wɔ̀bȩ̂, ndzě ngoꞋ. Ale, bɨ̀ bɔ èwuu mèmɨ̀ɨ̀te mbɔŋ ntàŋka awɨ̧ eye ngoꞋ mbɨ̀Ꞌɨ̀ tà li ndze la. Bɨ̀ ghɨ̀ ale, nkàà nê wòt tà bɨ̧ɨ̧ne eye ngoꞋ la, bakà tsi mbɔ̀ àghɨa ko tàa ghɨ̀ nê kàbɔ̀ŋ la.

1 Jɔ̌n 2:15

Ko mbɨ̀Ꞌɨ̀ wòt zì èntɨ̧ɨ̧ vi adù̧ ngɔ̀ŋ yaa kò ane èghɨ è wu a èbem ngɔ̀ŋ ngaa la leꞋ. Wòt zìà èntɨ̧ɨ̧ vi ane èghɨ ngɔ̀ŋ yaa tà ko nê èntɨ̧ɨ̧ vi e te ntsě ane Mbɔ̧ɔ̧mà.

Ètsə 3:19

“ ‘Bòt bu màa nkɔ̀ŋkà la wu bòt màa ŋȩ awɔb, mè mbà̧à̧ta wɔb ane èbu kekweelè mbɨ̀Ꞌɨ̀ bɔɔ bɔ èyì la. È wu ale, bɨ̀ kwàꞋte ntsɔ̧̀ nkùbte mènəè kàbɔ̀ŋ mɨ̧.