Ntu̧ Ntsɔ̧̀ MAK 8:29 - Mundani

²⁹ Tà mè ntsìꞋi biite awɔb nê, “È me wu awɨ̧ bɨ shu nê è ngu wàà?” Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la.”

Ntu̧ Ntsɔ̧̀ MAK 8:29 ပူးပေါင်းရင်းမြစ်များ

Ntu̧ Ntsɔ̧̀ MAK 4:11

Yesò bɨ̀ɨ̀lè nê “Bɔ tuꞋu ànəa ndò̧ Kèfɔ̧̀ Mbɔ̧ɔ̧mà abua yɨ̧, ka è wu bòt kà zi mèntɨ̧ɨ̧ mɔb ane yaã ko bɔɔ̀ ndzəèa mènəè ègème ane mèngà̧teme,

Lûk 9:20

Tà mè ntsìꞋi biite awɔb nê, “È me wu awɨ̧ bɨ shu nê è ngu wàà?” Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la.”

Jɔ̌n 11:27

Tà bɨ̀ɨ̀lè nê, “Oò Tè, mâ bɨ̧ɨ̧ne, nê à wu Waã Mbɔ̧ɔ̧mà, à wu Fɔ̧̀ wu tà li ndzɔꞋ etsàà la, ye wu tà bɔ ndɨ tàa kɨꞋa sitsǎꞋ la.”

Jɔ̌n 4:42

Bòt bu e shu abua àvi wu nê “Bà ka zià mèntɨ̧ɨ̧ ma ane tò àfɨ̀Ꞌ yaa nkàà ànəa à yaã shua wa la, ba tsiꞋa ndzìà nkàà nê bàambɔŋ e zə ànəa tà làꞋà la, mè nko nê tà lâ ngu Mpemnà bòt ngɔ̀ŋ yaa.”

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

Jɔ̌n 6:69

Ba bɨ̧ɨ̧ne mè nko nê, à wu ngule wòt wu Mbɔ̧ɔ̧mà tsàà la.”

ÀfaꞋa 8:36

Mbɨ̀Ꞌɨ̀ bɔ̀ɔ ngȩ̀ȩ̀nà aa alu̧ və nchua ngà la, bɔ ye àtɨ̀ŋ a mèleb adzìꞋ ako, wɔ̀jûŋ wu shu abua tò nê, “Ye mèleb, e ghǎ àa kele am nê ko mbɨ̀Ꞌɨ̀ bɔ zì am a èdzî à?”

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

1 Pità 2:7

Tà wu ngule wòt abua yɨ̧ wu bɨ zi èntɨ̧ɨ̧ wɨ̧ ane tò la. È me wu bòt bu bɔ̀ baka zi èntɨ̧ɨ̧ wɔb ane tò la ko Àkata Mbɔ̧ɔ̧mà a làꞋa ànəa yɔb nê, “Èti lu bèmbɔ̧ɔ̧ lob e li ngwaꞋ la, e tsiꞋi ngule èti tɔ̀Ꞌà lob.”

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.