Ntu̧ Ntsɔ̧̀ MAK 8:11 - Mundani

¹¹ Bèfalèsiì ko e li nkɨ̀Ꞌɨ̂ abua Yesò, mbùꞋ me kààne mènəè bɔ̂ tò ba. Me kɨ enyɔꞋte atò shu abua tò nê tà nyɨꞋte awɔb àlȩê nê Mbɔ̧ɔ̧mà ka tà tsàà vi la.

Ntu̧ Ntsɔ̧̀ MAK 8:11 ပူးပေါင်းရင်းမြစ်များ

Matìù 12:38

ÀfɨꞋa mbɔŋ bènyɨꞋtà mbɨ̧te Musì nè Bèfalèsiì ko e shu abua Yesò nê “NyɨꞋtà, baa nkɨà nê nyɨ̀Ꞌte awa àlȩê.”

Matìù 19:3

Bèfalèsiì ko e kɨꞋɨ me kɨ enyɔ̀Ꞌte a Yesò, mbììte atò nê “Tè mbɨ̧ ta te bɨ̧ɨ̧nè nê, ànəa ko aà və betsiꞋa a ghɨ̀ tè wòt tû̧ vi vi mbɨ̀Ꞌɨ̀ tà kɔ̀ŋkè la à?”

Matìù 21:23

Mbɨ̀Ꞌɨ̀ Yesò mee nyi a èbem lob nɨ̧ Mbɔ̧ɔ̧mà tè me nyɨꞋte mènəè la, bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê e kɨ̀Ꞌɨ̂ mbììte atò nê “Àa nɨa àtɔŋ nè ŋa ka ngɨ̀à èghɨ baà? Waa ka tà ŋa awê àtɔŋ ngaa la à?”

Matìù 22:15

ÀfɨꞋa mbɔŋ Bèfalèsiì ko e ghà taŋke ndɨ bɔ̀ɔ baãaã Yesò ane èngǎ̧ tò la.

Matìù 22:18

Yesò ko mèmɨ̀ɨ̀te kàbɔ̀ŋ mɔb nê, “Bɨ̀a wu bɨ̀a shua nê bɨ wu àghɨa kà wu yùà la, bɨ ghɨ̀ na ka me taãaãte am à?

Matìù 22:23

È li ngu ane àlia mbɔŋ Bèsadùsiì, bòt bu bɔ̀ɔ shua nê betsiꞋa wòt kà pfə mè njù̧ù̧me la, e kɨꞋɨ ndze a Yesò mbììte atò

Ntu̧ Ntsɔ̧̀ MAK 12:15

Ka Yesò tuꞋa yuŋ wɔb ntsɔ̀Ꞌɔ èngǎ̧ wu nê, “Bɨ ghɨ̀ na ka me taãaãte am à? Bɨ̀ nyɨꞋte am àkwȩkab è ndze.”

Ntu̧ Ntsɔ̧̀ MAK 2:16

BènyɨꞋtà mbɨ̧te Musì ko è wu Bèfalèsiì la e ye ndɨ tà fɔta èghɨjɨ bɔ̂ bènɨa èkab taksì nè bòt kàbɔ̀ŋ la, mbììtè bɔkatè Yesò bu nê, “Tà ghɨ̀ na ka me fɔte èghɨjɨ bɔ̂ èwuu bòt ba à?”

Ntu̧ Ntsɔ̧̀ MAK 9:16

Yesò bììte bɔkatè bi nê, “Bɨ bòt baa è kààna ka ànəa à?”

Lûk 10:25

NyɨꞋtà mbɨ̧te Musì ko li nkɨ̀Ꞌɨ̂ me kɨ etaãaãte a Yesò, mbììte atò nê, “NyɨꞋtà, betsiꞋa e ngɨ̀ nà ka mbɔ̀ mèmpème kàlìà à?”

Lûk 11:16

ÀbəèꞋ àyɔb ako a me kɨ enyɔꞋte atò shu abua tò nê tà nyɨꞋte awɔb àlȩê nê Mbɔ̧ɔ̧mà ka tà tsàà vi la.

Jɔ̌n 4:48

Tà làꞋ ale Yesò shuê abua tò nê “Bɨa anè ngu bòt bɔ bakà ye am ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la, nè ngɨŋa mènəè, wòt ane yɨ̧ ka zî èntɨ̧ɨ̧ vi ane yaã la.”

Jɔ̌n 6:30

Yesò làꞋ ale bɔ mè mbììte atò nê “Àa ghɨ̌ ka ànəa kà ye fɨ̀Ꞌ enɨ nyɨꞋte mètàŋ Mbɔ̧ɔ̧mà mbɨ̀Ꞌɨ̀ bɔɔ ye ebɨ̧ɨ̧ne èngǎ̧ wè à?

Jɔ̌n 7:48

Tè bɨ ko wajûŋ kǒ, kò wòt kǒ ayɔɔ Bèfalèsiì tà zi èntɨ̧ɨ̧ vi ane tò la à?

Jɔ̌n 8:6

Bɔɔ ndàꞋà ale ngua ntà̧à̧ta tò nkɨ eyute èngǎ̧ tàa shu la, mbɨ̀Ꞌɨ̀ eko ànəa bɔ̀ɔ zǐ àtsəa tò la. Yesò ŋɔ̀Ꞌne a si, nɨ̀ kèti fi me shɨ a si.

ÀfaꞋa 5:9

Ale, Pità è bììte atò nê, “Ghǎ ghɨ̂ ka bɨ lu̧ wê e kwàꞋtè nê bɨa fɨte Fo Mbɔ̧ɔ̧mà à?” Mbɔ̂ mè shu abua tò nê, “Bòt bu bɔ nɨ lu̧ wê ngà ntuê la, bɔ kɨꞋɨ tê ngu a ètsələèꞋ. Bɔɔ ŋeꞋe awê àfɨ̀Ꞌ yaa enɨ ghǎ etu mɨ̧̂.”

1 Kɔlìn 10:9

Bà ka nkɨka a Mbɔ̧ɔ̧mà nê ba kɨ e ye àghɨa tàa ghɨ̌ ane ya la, mbɨ̀Ꞌɨ̀ àbəèꞋ àyɔb ako a li ngɨ̀ nyaãtekàbɔ̀ŋ te bùŋè àwɔb la.