Ntu̧ Ntsɔ̧̀ MAK 7:2 - Mundani

² bɔ ye bɔkatè tò ko njɨ̀a èghɨjɨ nè èbu mèkɨ, ngua shua nê bɔ bakà shuù èbu bɔb ndɨ Bèfalèsiì e laꞋnê bòt è me shùù la.

Ntu̧ Ntsɔ̧̀ MAK 7:2 ပူးပေါင်းရင်းမြစ်များ

Matìù 15:2

“Àghɨ yu a ghɨ̂ ka bɔkatè bê è ka wua nkùŋà mènəè bètǎt nyaꞋ ba e li sa abua ya la wu ghà à? Bɔ̀ɔ njɨ̀a èghɨjɨ kà wua shùà èbu bɔb a shua yu bòt ko àa shùà la.”

Ntu̧ Ntsɔ̧̀ MAK 7:5

Bèfalèsiì bu nè bènyɨꞋtà mbɨ̧ tu e biite a Yesò nê, “Àghɨ yu a ghɨ̂ ka bɔkatè bê è ka wua nkùŋà mènəè bètǎt nyaꞋ ba e li sa abua ya la wu ghà à? Bɔ̀ɔ njɨ̀a èghɨjɨ kà wua shùà èbu bɔb a shua yu bòt ko àa shùà la.”

Lûk 11:38

A taꞋa tsě wòt Falèsiì wu e ye nê Yesò nàà njɨ̀a èghɨjɨ kà shuu èbu bi a shua yu bòt ko àa shùà la.

ÀfaꞋa 10:28

Tà shu abua yɔb nê, “Bɨ̀a mbɔŋ bɨ ko ntsɔ̧̀ ntsɔ̧̀ nê, mbɨ̧te Bèjuê te bakà bɨ̧̀ɨ̧̀ne nê wòt nyi ayɔɔ bòt kà wu Bèjuê. Ka Mbɔ̧ɔ̧mà è nyɨꞋte am nê, è nka nkwàꞋtê nê wòt kǒ bakà kùꞋu wòt màa bɔ lèmù ba tò la.

ÀfaꞋa 11:8

“Ka e nê, ‘Ngaŋ à Lefɨ̀Ꞌ, àghɨa mèshɨ̀kè a te bakà nyi a ètsəê am.’

Lûm 14:14

Mâ lâ nko, ndɨ̀ wu è ntsiꞋi àghɨ yeamɔꞋ nè Yesò Lefɨ̀Ꞌ la nê àghɨa jɨ ako àa mbɨ̀a a mànjɨa la a ntsě, ka wòt yèa nê àghɨa ko bɔ̀ɔ njɨ̀a la wu àghɨa kàbɔ̀ŋ, mbɔ̂ njɨ, ko wu kàbɔ̀ŋ tà ghɨ̀ la.

Ebùlù 10:29

Tè a wu ewu anè ane bòt baa, ko bɨ mɨɨtè nê, àa wu na ane wòt wu tà waa Waã Mbɔ̧ɔ̧mà la à? Àa wu na nè wòt wa tà nɨ̀ àlo̧ yu bɔ nɨŋ ngɨ̀ mènkàꞋa kèkweelè mu è shùa kàbɔ̀ŋ tò la, mbɨ̀Ꞌɨ̀ è ntsě àghɨ, mè ndaꞋa kàbɔ̀ŋ adù̧ Fo Mbɔ̧ɔ̧mà yu nàa nyɨ̀Ꞌta a ntsɔ̧̀ Mbɔ̧ɔ̧mà la à? Bɨ̀ la nkwàꞋtè èwuu ngoꞋ ŋut wu nàa eye la!

Ètsə 21:27

Ka àghɨa kàbɔ̀ŋ ko àa li nyi a èbèm la à ka wuê, fɔɔle nê bòt bɔ̀ɔ ngɨ̀à èbɨꞋte mènəè, kò fɨ̀ta la leꞋ. Bòt bu bɔ li shɨ tèlen tɔb a èbem àkatè mèmpème Wanjɨ̀ wu la, ka bɔ̀ɔ li e nyi a èbem àpfəèà nɨ̧ a mbɔŋ la.