Ntu̧ Ntsɔ̧̀ MAK 6:12 - Mundani

¹² Bɔkatè Yesò bu e zə ànəa tà shu la, ngà me tsɔ̀te nê bòt è waꞋa mènəè kàbɔ̀ŋ mɔb.

Ntu̧ Ntsɔ̧̀ MAK 6:12 ပူးပေါင်းရင်းမြစ်များ

Matìù 11:1

È li ngu àfɨꞋa Yesò paa a màŋa nkɨ̀atsə abua bɔkatè bi bu ntsɔ̀b babe la, tà lɔꞋɔ abot me ghȩ̀ȩ̀ne nyɨ̀Ꞌta mè ndàꞋà èngǎ̧ Mbɔ̧ɔ̧mà a èbem èpfəè ènɨ̧ bu a ngèt abot la.

Matìù 11:20

Yesò ghɨ̀ ale, mbùꞋ me tsò̧o̧ èpfəè bu tà ghɨ̀ tèwuute ènəê kà ye efəa nyaŋ abàꞋ və la, nkàà nê bɔ li bɔ̀ ka waꞋa mènəè Kàbɔ̀ŋ mɔb.

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 3:8

Bɨ̀ ghɨ̌ èghɨ bu àa nyɨ̀Ꞌta nê bɨ waꞋa mènəè kàbɔ̀ŋ mɨ̧ la.

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Matìù 9:13

Bɨ̀ ghǎ nkɨ lə èngà̧ waa e shua la, ‘Maà nkɨà wuê bèmǎnkua tèsȩ, è nka kɨa banyà̧ bɔ kɨ̧ɨ̧me la.’ È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

Ntu̧ Ntsɔ̧̀ MAK 1:15

shua nê “Ngule àfɨ̀Ꞌ yu a kùꞋ. Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧. Bɨ̀ waꞋa mènəè kàbɔ̀ŋ mɨ̧, mbɨ̧̀ɨ̧̀ne Ntu̧ Ntsɔ̧̀.”

Ntu̧ Ntsɔ̧̀ MAK 1:3

Wòt kǒ nàa ŋȩ̀a àbâ àlaꞋ àyuube shua nê, Bɨ̀ nèètè èlu̧ abua Lefɨ̀Ꞌ, ndɔ̀ktè alu̧ tò è tɨ̧ɨ̧ ndɨŋndɨ̀ŋ.”

Lûk 11:32

Naa li ngu ane àlia saꞋa Mbɔ̧ɔ̧mà, bòt àlaꞋ a Ninevè e lɔꞋɔ a si mbà̧ wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê bɔ li ngwàꞋ mènəè kàbɔ̀ŋ mɔb àfɨꞋa Jɔnà li ntsɔ̀tè ntu̧ Mbɔ̧ɔ̧mà abua yɔb la. TsiꞋ è shu awɨ̧ nê wòt kǒ naa àdzìꞋ yàa mènəè tò è tsě me Jɔnà la.

Lûk 13:3

A ntsě ale! Ka e ngu a si shua wɨ̧ nê, bɨ bakà kùbte mèntɨ̧ɨ̧ mɨ̧ ewaꞋa mènəè kàbɔ̀ŋ mɨ̧, ko bɨa li pfəꞋte bàgème mbɨ̀Ꞌɨ̀ bɔ̀ɔ̀ba.

Lûk 13:5

A ntsè ale! E ngu a si shua wɨ̧ nê, bɨ bakà kùbte mèntɨ̧ɨ̧ mɨ̧ ewaꞋa mènəè kàbɔ̀ŋ mɨ̧, ko bɨa li pfəꞋte bàgème mbɨ̀Ꞌɨ̀ bɔ̀ɔ̀ba.”

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

Lûk 15:7

Ale, kwàꞋ ane nkûŋ tsiꞋ è shu awɨ̧ nê wu wuê èlɨ mèngùꞋte nàa wu a ègwet ane wòt kàbɔ̀ŋ wemɔ̀Ꞌ tà kubte èntɨ̧ɨ̧ vi, ngwàꞋà mènəè kàbɔ̀ŋ mi la, tè ntsè me nàa ane bòt èghem yebəèꞋa ntsɔ̀b babəèꞋa bɔ̀ wu bòt ntsɔ̧̀ kà tsi mbɔ̌ ndɨ bɔ̀ɔ kubte mèntɨ̧ɨ̧ mɔb la.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Lûk 9:6

Bɔkatè Yesò bu e zə ànəa tà shu la, ale mbà̧à̧ èlu̧ ngȩ̀ȩ̀nè bɔbɔpfəè ègème ntsɔ̀tè Ntu̧ Ntsɔ̧̀ yu, è dzə abua Mbɔ̧ɔ̧mà la, mè mbəâ bòt bɔ̀ɔ ngò̧ò̧nà la àdzìꞋ àgème.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

ÀfaꞋa 3:19

È wu ale, bɨ̀ waꞋa mènəè kàbɔ̀ŋ mɨ̧, nkuŋe a Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ wɨ̧,