Ntu̧ Ntsɔ̧̀ MAK 5:7 - Mundani

⁷ mbɔ̂ ŋȩ ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Ane èlen Mbɔ̧ɔ̧mà, mâ shu̧u̧te awê nê à ka ngɨ̧̀ɨ̧̀nè am.”

Ntu̧ Ntsɔ̧̀ MAK 5:7 ပူးပေါင်းရင်းမြစ်များ

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 26:63

Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”

Matìù 4:3

Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”

Matìù 8:29

Bòt mbɔŋ e bê ŋȩ nê, “Waã Mbɔ̧ɔ̧mà, à kɨ e ghɨ̀ na ane ya à? À kɨ zi àlɔꞋ ane ya ka àlia yu aa kùꞋuê?”

Ntu̧ Ntsɔ̧̀ MAK 1:24

“Yesò wòt Nazàlet, à kɨa ghà abua ya à? À kɨ̀Ꞌa a si ŋaa eliime awa à? Mâ ko wòt à wu wùà la. À wu ngule wantu̧ Mbɔ̧ɔ̧mà.”

Ntu̧ Ntsɔ̧̀ MAK 14:61

Yesò kà laꞋ. Àtsəa bèntsìà mèpɨ̧̀ yu a mè mbììte atò nê, “À wu Fɔ̧̀ wu Mbɔ̧ɔ̧mà li ndzɔꞋ etsàà, tà wu Waã Mbɔ̧ɔ̧mà wu bàa ngùꞋtà la à?”

Ntu̧ Ntsɔ̧̀ MAK 3:11

Àfɨ̀Ꞌ àgème bòt bu fote kàbɔ̀ŋ tèa ane yɔb la e ye atò la, bɔ kwene a si a mbì tò ŋȩ nê “À wu Waã Mbɔ̧ɔ̧mà!”

Ntu̧ Ntsɔ̧̀ MAK 5:6

Tà li ndze a Yesò a endɨ̌, ndùùlà nkɨ̀Ꞌɨ̂ ntèm tènjûŋ ti a si a mbì tò,

Ntu̧ Ntsɔ̧̀ MAK 5:8

(Tà li me shu ale, ngu ndɨ Yesò li ngua shua abua tò nê, “Fo kàbɔ̀ŋ, sǎ mbê waa la!”)

Lûk 1:32

Taa li wu wòt nɨ̧, bɔɔ me tɔ atò nê Waã Mbɔ̧ɔ̧mà Àtsèàngɔ̀ŋ. Mbɔ̧ɔ̧mà Lefɨ̀Ꞌ naa li ŋa atɨ̧ kèfɔ̧̀ tǎt nyaꞋ tò Dàbid abua tò.

Lûk 4:34

“Eeeè! Yesò wòt Nazàlet, à kɨa ghà ane yaa? À kɨꞋɨ̀ àdzìꞋ yaa eliime awa à? Mâ ko wòt a wu wùà la. À wu ngule wantu̧ Mbɔ̧ɔ̧mà.”

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Lûk 8:28

Mbɨ̀Ꞌɨ̀ tà ye a Yesò la, tà ŋȩ ane àtɔŋ ànɨ̧, nkwen a si a mbì tò mbììte atò ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Mâ shu̧u̧te awê nê à ka ngɨ̧̀ɨ̧̀nè am.”

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

ÀfaꞋa 16:17

Waàvi mbɔŋ me kùŋè àwa ba Pɔ̂l ba, ngȩ̀ȩ̀nà ŋȩ̀a shua nê, “Bòt ba wu bɔfàꞋ a Mbɔ̧ɔ̧mà Àtsèàngɔ̀ŋ. Bɔɔ̀ ngȩ̀ȩ̀nà shu awɨ̧ ndɨ bɨ̀a ghɨ̌ ka Mbɔ̧ɔ̧mà naa tsì àwɨ̧ a èbem kàbɔ̀ŋ wɨ̧ eŋa wɨ̧ mèmpème kàlìà la.”

ÀfaꞋa 19:13

Bèjuê ko e li ngua ngȩ̀ȩ̀nà ndùta tèkaŋtsə fəèà fote kàbɔ̀ŋ tèa ŋǎ bòt ngoꞋ la, me nyɔ̀Ꞌtè nkɨ enɨ èlen Yesò Lefɨ̀Ꞌ ka nɨ ghɨ̌ a èlɨ mbɔŋ. Bɔ ghɨ̀ bɔ shu abua fote kàbɔ̀ŋ tu nê, “Ane èlen Yesò wu Pɔ̂l nàa ndàꞋà la, mâ laꞋ nê, dù, ka tsi ŋǎ wòt waa ngoꞋ.”

ÀfaꞋa 8:36

Mbɨ̀Ꞌɨ̀ bɔ̀ɔ ngȩ̀ȩ̀nà aa alu̧ və nchua ngà la, bɔ ye àtɨ̀ŋ a mèleb adzìꞋ ako, wɔ̀jûŋ wu shu abua tò nê, “Ye mèleb, e ghǎ àa kele am nê ko mbɨ̀Ꞌɨ̀ bɔ zì am a èdzî à?”

Lûm 16:20

Mbɔ̧ɔ̧mà wu tàa ngɨ̀à baa bɔ àlàŋkè la, bele yàŋe tsòkè mètàŋ Satàn, e ghɨ̌ tàa tsiꞋi a èten lɨ̧̂. Maà ntsàꞋtà nê Yesò Klistò Lefɨ̀Ꞌ wa nyɨꞋte a ntsɔ̧̀ vi abua yɨ̧.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ebùlù 7:1

Mèkizedèk waa li ngu fɔ̧̀ Salèm, mè ngu ntsìà mèpɨ̧̀ Mbɔ̧ɔ̧mà Àtsèàngɔ̀ŋ. Tà li mbù̧ a Abàlàghâm nkua a èbet tà li bùŋè bèfɔ̧̀ la, fà̧à̧te atò.

Jimsì 2:19

Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.

2 Pità 2:4

Mbɔ̧ɔ̧mà li tà kà sa bɔntu̧ bi bu bɔ li ngɨa kàbɔ̀ŋ la bɔɔ gha àku. Tà li màꞋà wɔb a èbem nkɨ̀Ꞌnè ngoꞋ, àdziꞋa bɔ kuule awɔb ane fȩtsə nɔ̀ŋè a èbem kèbìꞋà me chɨ̀Ꞌɨ̀ Àlia èsaꞋa Mbɔ̧ɔ̧mà la.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

Jûd 1:6

Bɨ̀ ku̧u̧te ànəa bɔntu̧ Mbɔ̧ɔ̧mà bu bɔ li ngwaꞋa àdziꞋa tà tsia awɔb la ntsiꞋi me ghɨ a èlɨ tsa la. Tà kuule awɔb ane fȩte kà wu li loote, nɔ̀ŋè àwɔb a èbem kèbìꞋà me chɨ̀Ꞌɨ̀ àli yu tàa li saꞋa ngɔ̀ŋ yaa la.

Ètsə 12:12

È wu ale, tsiꞋ ègwet nè bòt bu a ègwet la è wùꞋtè àwɔb! Ka ngoꞋ naa wua sitsǎꞋ nè èbèm èdzî, nkàà nê Satàn e chu a si nè àlɨ̀ŋ àghɨ a zi, ndɨ̀ wu tà ko nê àfɨ̀Ꞌ àzi a nyɨꞋ la.”