Ntu̧ Ntsɔ̧̀ MAK 5:34 - Mundani

³⁴ Yesò shu abua tò nê, “Waã am, èntɨ̧ɨ̧ wu à zi ane yaã la, e ghɨ̂ à pem. Ghǎ ane ntsɔ̧̀. À pem ane àghɔ̧ yê.”

Ntu̧ Ntsɔ̧̀ MAK 5:34 ပူးပေါင်းရင်းမြစ်များ

Matìù 9:2

ÀfɨꞋa mbɔŋ, bòt ko e ŋeꞋè wòt àbâ ènyit tò a pfə la a ègwet àkwàŋkè nɨŋ nkɨ̀Ꞌɨ̂ abua tò. Yesò ye ndɨ bòt ngaa e bɔ ntɨ̀ ane zi la, shu abua mbê ngaa nê, “Waã am, à ka ngwàꞋ ndo̧o̧na, mâ waꞋa a kàbɔ̀ŋ wê.”

Matìù 9:22

Yesò ghèble avi ndzè atò mbɔ̂ nê “Waã am, ka ngwàꞋ ndo̧o̧na, èntɨ̧ɨ̧ wu à zi ane yaã la, e ghɨ̂ à pem.” KwàꞋ àfɨꞋa mbɔŋ àvi wu bê nkwèèlê.

Ntu̧ Ntsɔ̧̀ MAK 10:52

Yesò shu abua tò nê, “Dù me gha wê, èntɨ̧ɨ̧ wê wu à zi ane yaã la, e ghɨ̂ à pem.” KwàꞋ àfɨꞋa mbɔŋ, àghɨ atò a ghaꞋtè tà me kuŋe a Yesò a alu̧ və.

Ntu̧ Ntsɔ̧̀ MAK 3:10

Tà li mbəâ bòt nyaŋ tè bòt àghɔ̧ e me ŋwèèla nkɨ ebaãaãte atò.

Ntu̧ Ntsɔ̧̀ MAK 5:29

Tà bà̧à̧te ndǐ Yesò, mbàŋ yu bê ndòa, tè tà zə a èbem ènyit zi nê ye pem.

Ntu̧ Ntsɔ̧̀ MAK 5:33

Àvi wu ko àghɨa a ghɨ̂ ane zi la, nkɨ̀Ꞌɨ̂ me benta mbɔ̀a nkwen a mbì tò, shu atò nkûŋ.

Lûk 17:19

Yesò shu abua tò nê, “Ndɨ̀ wu à zi èntɨ̧ɨ̧ wê ane yaã la, à pem. Lɔ̀Ꞌɔ a si me ghǎ àwê.”

Lûk 18:42

Yesò shu abua tò nê, “Me ye èdziꞋ, èntɨ̧ɨ̧ wê wu à zi ane yaã la, e ghɨ̂ à pem.”

Lûk 7:50

Ka Yesò, shu abua àvi wu nê, “Ghȩ̀ȩ̀ne ntsɔ̧̀, à peme ndɔ̀ kàbɔ̀ŋ wê ndɨ̀ wu à zǐ èntɨ̧ɨ̧ wê ane yaã la.”

Lûk 8:48

Yesò shu abua tò nê, “Waã am, èntɨ̧ɨ̧ wu à zi ane yaã la, e ghɨ̂ à pem. Ghǎ ane ntsɔ̧̀.”

ÀfaꞋa 14:9

È li ngu ane àli ako tà wu a si tà tsekè me yute Ntu̧ Ntsɔ̧̀ yu Pɔ̂l tsɔ̀tà la. Pɔ̂l ye nê, betsiꞋa tà zì èntɨ̧ɨ̧ vi ane Yesò tè tà bə atò. Ale, tà tsìte àghɨ azi ane tò,

ÀfaꞋa 15:33

ÀfɨꞋa bɔ tseke nyaŋ abàꞋ və la, bɔnyɨ ba bu e làꞋnè àwɔb nè èntɨ̧ɨ̧ wɔb wemɔ̀Ꞌ nê, bɔ̀ wèna abua bòt bu bɔ li ntsàà àwɔb la.

ÀfaꞋa 16:36

Tà shu abua Pɔ̂l àfɨꞋa mbɔŋ nê, “Bèkěm bu e tsɔ̀te ntu̧ nê bɔ̀ sà àwɨ̧ bɨ Sȩlàs bɨ̀ me ghǎ. È wu ale, bɨ me ghà àwɨ̧ bò̧ bò̧.”

Jimsì 2:16

wòt kǒ ane yɨ̧ shu abua tò nê, “Ghȩ̀ȩ̀ne ntsɔ̧̀, fo ka mbà̧à̧te awê, ndzitsə tè ka nkùà wê.” Tè tà shu ale ka mbakà ŋa èghɨ bu ŋut kɨ̀ŋkà la, tà ko nê ye ghɨ̌ ka ànəa ntsɔ̧̀ à?