Ntu̧ Ntsɔ̧̀ MAK 4:24 - Mundani

²⁴ Tà mè shu abua yɔb nê, “Bɨ̀ me ko awɨ̧ ndɨ bɨ̀a njùta èngǎ̧ Mbɔ̧ɔ̧mà la. Ndɨ bɨ̀a ngɨ̀à nè wùà la, wu ndɨ Mbɔ̧ɔ̧mà nàa ghɨ̀ ne nɨ̧̀ te kwèꞋnè la.

Ntu̧ Ntsɔ̧̀ MAK 4:24 ပူးပေါင်းရင်းမြစ်များ

Matìù 7:2

Ko nê ndɨ àa ndzəèà èfaãnəè bòt ko la wu ndɨ Mbɔ̧ɔ̧mà nàa li zəèəè è bê la. Ndɨ àa ngɨ ane bòt ko la wu wuê ndɨ tàa li ghɨ̌ ane yê la.

Ntu̧ Ntsɔ̧̀ MAK 9:7

ÀfɨꞋa mbɔŋ, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ ko a tse a èbem mbàꞋ yu nê, “Eyaa wu waã èkɔŋ am, bɨ̀ yute èngǎ̧ tò!”

Lûk 8:18

È wu ale, bɨ̀ me ko awɨ̧ ndɨ bɨ̀a njùtâ èngǎ̧ Mbɔ̧ɔ̧mà la. Nkàà nê bɔɔ kwèꞋne àghɨ wòt bɔ la, ka wòt tà tanda nê ye bɔ àghɨ la bɔɔ paa ka wuê adzìꞋ wu tà bɔ la enɨ.”

Jɔ̌n 10:16

Mâ bɔ njɨ̀te ko kà zìꞋ ngu a èbem àlaã yàa. Mâ bɔ ndɨ màa fete tùà mɨ̧̂ la. Tea zə àtɔŋ am ekɨꞋɨ, àlaã njɨ̀ yu aa tsiꞋi yeamɔꞋ e mě bɔ a mbaabà wemɔ̀Ꞌ.

Jɔ̌n 10:27

Njɨ̀ taã teà ndzəa ànəa màa shua la, e mè ndâ nko awɔb, te mè me kùŋè am.

Jɔ̌n 5:25

Ane nkûŋ, tsiꞋ è shua wɨ̧ nê, àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa bèmpfəà àa zə àtɔŋ Waã Mbɔ̧ɔ̧mà la, mbɔ̂ bòt bɔ zə la, aa peme.

ÀfaꞋa 17:11

Bèjuê bu adzìꞋ yaa la e li ngu bòt bɔ̀ɔ nkɨ eyute èngǎ̧ Mbɔ̧ɔ̧mà la, tè ntsè bòt Tèsàlonikà. Bɔ̀ɔ ngɨ̀, bɔ me nèèta njùta èngǎ̧ Mbɔ̧ɔ̧mà wu, tè è ghɨ̀ è wu àli àgème, bɔ me ghaꞋte èdziꞋ èkatè Mbɔ̧ɔ̧mà ndɨ̀ŋkà nê tè èngǎ̧ wu Pɔ̂l è làꞋa la lâ ngu nkûŋ leꞋ.

2 Kɔlìn 9:6

Bɨ̀ ku̧u̧te nê, wòt nàa ndìꞋa mpiꞋa, ta fùꞋù mpiꞋa, wòt liꞋi nyaŋ tà fùꞋù nyaŋ.

Ebùlù 2:1

MbɨꞋɨ àa nè la, ba neeta mbà̧à̧ mènəè nkûŋ mu ba zə la ntsɔ̧̀, mbɨ̀Ꞌɨ̀ ka àghɨa ko a ghɨ̀ ba sà mùà.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.