Ntu̧ Ntsɔ̧̀ MAK 4:19 - Mundani

¹⁹ ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.

Ntu̧ Ntsɔ̧̀ MAK 4:19 ပူးပေါင်းရင်းမြစ်များ

Matìù 13:22

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.

Matìù 19:23

Yesò shu abua bɔkatè bi nê, “TsiꞋ è shua wɨ̧ ane nkûŋ nê, a taꞋa wua nkwèèla abua wòt èkab taa nyi a Kèfɔ̧̀ Mbɔ̧ɔ̧mà.

Matìù 3:10

Adzà̧ tsiꞋi a tèghàŋke àyɨt bɔ nɔ̀ŋè la. Àyɨt àgème kà wua nkɔ̀ɔ̀la tètaãaãte ntsɔ̧̀ bɔ̀ɔ ngà ekòꞋo ayùà emàꞋa a èbem èwet.

Ntu̧ Ntsɔ̧̀ MAK 4:18

Èbeko, e wu mbɨ̀Ꞌɨ̀ èsaãaãme wu e kwentè a èbem àdzɔ̧ la. Bɔ wu mbɨ̀Ꞌɨ̀ bòt bu bɔ zə èngà̧ wu,

Lûk 10:41

Yesò tɔ atò nê, “Màta, Màta leꞋ, aà ŋǎ awê ngoꞋ ane èghɨ nyaŋ.

Lûk 21:34

Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la

Jɔ̌n 15:2

Tàa ngɨ̀ tà fààtè mèntaãaã ègème, è wu àdziꞋa ènyit yaã nàa ka kɔɔle tètaãaãtsə la ntsì, mbɔ̂ ntsènè nèètè è me nàa nkɔ̀ɔ̀lâ la, mbɨ̀Ꞌɨ̀ naa tsène ekɔɔle ntsɔ̧̀.

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Efesɔ̀s 6:12

Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Filìpȩ 4:6

Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

2 Pità 1:8

Bɨ me ghɨ̌ èghɨ bàa ntsɔ̧̀ nɨa ngà nè mbì, ko bɨa paa eko a Yesò Klistò Lefɨ̀Ꞌ wa, èghɨ tà ghɨ ane yɨ̧ la è ka wu etsè àku.

Jûd 1:12

Bòt ba aà ndòa mèkù mɨ̧ ndɨ̀ wu bɔ̀ɔ njɨ̀a bɨ tò ba àdziꞋa bɨ bù̧ù̧te ane èkɔŋ me jɨ èpǎ̧ wɨ̧ la, nkàà nê bɔɔ ngɨ̀à mènəè àtsəa kɔꞋɔ a kètsìà wɨ̧ mè ndzəa wuê è tɔb nè tèbèm. Bɔ wu mbɨ̀Ꞌɨ̀ mbɨ̀ŋ è kɨɨlà àfeme àa nɨa ndèa la, mè ngu mbɨ̀Ꞌɨ̀ èyɨt kà wua nkɔ̀ɔ̀la àfɨꞋa èyɨt àa nkɔ̀ɔ̀la la. Bɔ pfəꞋte nenkèm wuê mbɨ̀Ꞌɨ̀ èyɨt bɔ tsɔꞋte ne tèghàŋtsə la.