Ntu̧ Ntsɔ̧̀ MAK 3:5 - Mundani

⁵ Yesò me lɨ̀ŋkè àwɔb nè èntɨ̧ɨ̧ bɨ̌, ntsòa ndɨ̀ wu bɔ tu̧ zǐ èntɨ̧ɨ̧ wɔb ane tò la, shu abua mbê wu nê, “Nyààbè àbu ayê.” Tà nyààbè àbu azi yu, a bê nkwèèlê.

Ntu̧ Ntsɔ̧̀ MAK 3:5 ပူးပေါင်းရင်းမြစ်များ

Matìù 12:13

Tà ghɨ̀ ale, shu abua wòt wu nê, “Nyààbè àbu ayê.” Tà nyààbè àbu azi yu, a kweelè tè ntsìꞋi mbɨ̀Ꞌɨ̀ àyea ntsɔ̧̀ yu.

Ntu̧ Ntsɔ̧̀ MAK 3:4

Yesò bɔ̂ mbììte bòt bu nê, “Mbɨ̧ ta te laꞋnê bà me ghɨ̀ na ane àliapfəè ya à? Nê bà ghɨa kàbɔ̀ŋ, kò ntsɔ̧̀ à?” Nê, bà bə wòt kò ba buŋa leè? Ka bɔ̀ ka tsɔ̀Ꞌɔ èngǎ̧ tò.

Lûk 13:15

Yesò bɨ̀ɨ̀lè èngǎ̧ tò nê, “Ye awɨ̧, bɨ̀a bòt ko, bɨ̀a ngɨ̀ bɨ me shu ànəê, mbɔ̂ ngɨ̀à àyea tsa la. Wòt wu ane yɨ̧ tàa sǎ mpɔ̀ŋ zi, kò loà vi leꞋ a èbem àkàt àliapfəèa Bèjuê kà yaa enɨ ghǎ ŋa mèleb abua tò la wu wàà?

Lûk 17:14

Yesò lɔ̀kè àvi ndzè àwɔb, mbɔ̂ shu abua yɔb nê, “Bɨ̀ ghǎ nyɨ̀Ꞌte awɨ̧ abua bèntsìà mèpɨ̧̀ Mbɔ̧ɔ̧mà.” Bɔ lɔ̀Ꞌ me ghǎ, mbele alu̧ me ye ènyit yɔb e yɔ̀à.

Lûk 6:10

Yesò me lɨ̀ŋkè àwɔb bàgème shu abua tò nê, “Nyààbè àbu ayê.” Tà nyààbè àbu azi yu, a bê nkwèèle.

Jɔ̌n 9:7

mbɔ̂ shu abua tò nê, “Ghà shùù àghɨ a ye a èbem àtɨ̀ŋ Silòàm.” Silòàm wua shua nê “Tsaa.” Ale, mbê wu ghà shùù me kɨꞋɨ ntsìꞋa ndzea èdziꞋ.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

2 Kɔlìn 3:14

Bɔ li ngu bɔ̀ɔ ngɨ̀ bɔ̀ zə ndɨ wòt tɔ àkata mènkàꞋa kèkweelè nyǎꞋ Mbɔ̧ɔ̧mà la, bɔ̀ ka ko ànəa a shua la, ngu nê ètsə bɔb e li è ka ghaꞋtè. Eyaa wu èlɨ ètsə bɔb ngaa è bele ekɨꞋɨ dzəè laane la. Wòt nàa ngɨ̀ tà tsìꞋi àghɨ yeamɔꞋ nè Yesò Klistò, ka ndǐ mbɔŋ bɔ̂ ndzə a èsi tò.

Efesɔ̀s 4:18

ÀkwàꞋte àyɔb a kwene ndzěm. Bɔ bakà bɔ mèntsèke fi mu Mbɔ̧ɔ̧mà nàa ŋǎ abua bòt la, nkàà nê bɔɔ ngɨ̀à mèntɨ̧ɨ̧ mɔb kweelà, bɔ̀ ka ko àghɨ, bɔ̀ ka mê ngua nkɨ eyute ànəa Mbɔ̧ɔ̧mà shua la.

Efesɔ̀s 4:26

À me tsoo ane wanyɨ wè, à ka mbɨ̧̀ɨ̧̀ne ntsǒ mbɔŋ ŋwèèlè awê à ghɨa kàbɔ̀ŋ. A ka ngɨ̀ ndzěm kwen ane ntsǒ a èntɨ̧ɨ̧ wê. À ka ŋà èlu̧ abua Satàn.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

Ebùlù 3:10

Eyaa wu àghɨa a li ngɨ̀ e ntsoo ane bòt ngaa tè nê, ‘Mèntɨ̧ɨ̧ bòt ba te ntsě ane yaã, bɔ mè ntû̧ eko àghɨa màa kɨa nê bɔ̀ me ghɨ̀ la.’

Ebùlù 3:17

Bòt bu Mbɔ̧ɔ̧mà li ngua ntsoa ane yɔb ane èngùꞋebȩ èghem yekwì la wu wà ba à? Ka wu bòt bu bɔ li ngɨa kàbɔ̀ŋ, mpfəèꞋta àbâ àlaꞋ àyuube la à?

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Ètsə 6:16

Bɔ lò̧ò̧te ale me shu abua tèbȩ tu nè àti yu nê, è kabte awɔb mbɨ̀Ꞌɨ̀ ka wòt wu tà tseke a ègwet àtɨ̧a kèfɔ̧̀ yu la ye awɔb, Wanjɨ̀ wu mè nɔ̀ŋè ngoꞋ a ègwet lɔb.