Ntu̧ Ntsɔ̧̀ MAK 3:27 - Mundani

²⁷ BetsiꞋa wòt kà bəꞋə lob wòt tà bɔ ètɨ̧̂ nyaŋ la tè nɨ̀ èghɨ ŋut nɨŋ ngà. Tà bɔ ndɨ tàa bɨ̌ ekuule wòt kèkweelè wu ka bɔ ko eŋeꞋe èghɨ tò la.

Ntu̧ Ntsɔ̧̀ MAK 3:27 ပူးပေါင်းရင်းမြစ်များ

Matìù 12:29

“Wòt me kɨ ebəꞋə lob wòt kèkweelè enyi nɨ èghɨ tò, tà bɔ ndɨ tàa bɨ̌ kuule atò ka bɔ eŋeꞋe èghɨ tò ane ètɨ̧̂ la.

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Lûm 16:20

Mbɔ̧ɔ̧mà wu tàa ngɨ̀à baa bɔ àlàŋkè la, bele yàŋe tsòkè mètàŋ Satàn, e ghɨ̌ tàa tsiꞋi a èten lɨ̧̂. Maà ntsàꞋtà nê Yesò Klistò Lefɨ̀Ꞌ wa nyɨꞋte a ntsɔ̧̀ vi abua yɨ̧.

Kɔ̀losìà 2:15

Yesò Klistò li mpfə a mbɨ̧̀ mbasa ale ngɨ̀ fo tu tèa mbà̧aã èlaꞋ mè ntsìta mènəè la tè ka tsi mbɔ̀ mètàŋ. Tà li ntsè awɔb tè nkùùla awɔb ngɨ̀ bɔ tsiꞋa ngȩȩna akwen tò waa waa yea.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

1 Jɔ̌n 4:4

Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.