Ntu̧ Ntsɔ̧̀ MAK 12:7 - Mundani

⁷ “Ka bòt bu e làꞋ a kètsìà wɔb nê, ‘Eyaa wu waã tǎt èbàꞋ lu. Bɨ̀ kɨꞋɨ bà bùŋe atò mbɨ̀Ꞌɨ̀ jɨ èbàꞋ mbɔŋ.’

Ntu̧ Ntsɔ̧̀ MAK 12:7 ပူးပေါင်းရင်းမြစ်များ

Matìù 2:16

Mbɨ̀Ꞌɨ̀ Elɔ̀d tseke te ndze nê bòt èyì bu e fɨte avi la, ànəa mbɔŋ a lu̧u̧me atò kwàꞋ ànyaꞋne. Ale, tà tsà bòt nê bɔ̀ ghǎ a Betèlèghêm nè èdziꞋ ègème a ngèt və mbùŋè bɔmbâ̧ bàgème be lu̧u̧ èngùꞋebȩ yebe la, nè ebe kà zìꞋ ndù̧ èngùꞋebȩ yebe. Tà le me shu ale, nko laꞋ nê ye kwaꞋtè ebuꞋu ane àfɨ̀Ꞌ yu bòt èyì bu e le shua vi nê bɔ ye kěnto̧ fu la.

Matìù 21:34

ÀfɨꞋa mànkaaba tètaãaãte vȩn tu a tseke te nkùꞋ, tà tsà bɔfàꞋ bi nê bɔ̀ gha ngɨ̀ bèlentà bu è ŋa evi ne èghàb ane èghɨ bɔ fùꞋù la.

Ntu̧ Ntsɔ̧̀ MAK 12:12

Bèkěm Bèjuê e lɔ̀Ꞌ abot me kɨ baãaã Yesò ngu nê bɔ ko nê tà tèma èngà̧ waa ŋǎ abua yɔb. Ka ngɨ̀ ale me bɔa ènɔ̧̂ bòt bu, ntsiꞋi sǎ tò abot me ghà wɔb.

Ntu̧ Ntsɔ̧̀ MAK 12:6

“NdàꞋ wòt mbê wu li ngu tsiꞋi tsà la le wu waã èkɔŋ tò. A me lìa tà tsà waã vi abua yɔb nê, ‘A ghɨ̀ nà leꞋ ko bɔɔ baãaãte ngule waã am ntsɔ̧̀’.

Ntu̧ Ntsɔ̧̀ MAK 12:8

Ale, bɔ baãaã waã wu mbùŋè, màꞋà àpfəꞋte tò akwene mbȩ yu.”

ÀfaꞋa 2:23

Mbɔ̧ɔ̧mà zìambɔŋ li ndzaŋe làŋke mè nko ndɨ bòt kàbɔ̀ŋ aa li ŋa Yesò abua yɨ̧ la. Bɨ li ngɨ̀ bòt kàbɔ̀ŋ e wu̧u̧te atò a mbɨ̧̀ mbasa, mbùŋè.

ÀfaꞋa 5:28

Nê, “Ba li bà ka səèŋkè ètû̧ bɨ̧ nê bɨ̀ ka tsi ndàꞋà èngà̧ ane èlen mbê waa à? Bɨ ye àghɨa bɨ ghɨ̀ la à? Bɨ ghɨ̀ èngǎ̧ wɨ̧ e saŋe a Jèlusalèm ègème tè waa waa zə. Bɨ kɨ zì èvə tò àtsəa ya à?”

ÀfaꞋa 7:52

Ngule ndàꞋàtɔŋ Mbɔ̧ɔ̧mà kǒ nàà və bètǎt nyaꞋ bɨ̧ e li bɔ̀ ka wua nkɨà àtsəa tò enɨ la à? Bɔ li mbùŋè bòt bu Mbɔ̧ɔ̧mà li ntsàà nê bɔ̀ kɨꞋɨ ntsɔ̀tè ànəa mènkɨ̀Ꞌɨ̂ WafaꞋ vi wu tàa ndzəa vi ntsɔ̧̀ la. Bɨ me wu àfɨ̀Ꞌ yaa ko nê bɨ jɨ mènàŋ tò mbùŋe atò.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.