Ntu̧ Ntsɔ̧̀ MAK 12:15 - Mundani

¹⁵ Ka Yesò tuꞋa yuŋ wɔb ntsɔ̀Ꞌɔ èngǎ̧ wu nê, “Bɨ ghɨ̀ na ka me taãaãte am à? Bɨ̀ nyɨꞋte am àkwȩkab è ndze.”

Ntu̧ Ntsɔ̧̀ MAK 12:15 ပူးပေါင်းရင်းမြစ်များ

Matìù 20:2

Tà ghǎ ale ndàŋkè bɔ̂ bɔfàꞋ bu nê yea ŋa wɔb àkwȩkab yeamɔꞋ ane àliabȩ mbɔ̂ ntsà àwɔb a mbȩ zi.

Matìù 22:18

Yesò ko mèmɨ̀ɨ̀te kàbɔ̀ŋ mɔb nê, “Bɨ̀a wu bɨ̀a shua nê bɨ wu àghɨa kà wu yùà la, bɨ ghɨ̀ na ka me taãaãte am à?

Ntu̧ Ntsɔ̧̀ MAK 10:2

Bèfalèsiì ko e kɨꞋɨ me kɨ enyɔ̀Ꞌte a Yesò, mbììte atò nê “Tè mbɨ̧ ta te bɨ̧ɨ̧nè nê, wòt tû̧ vi vi?”

Ntu̧ Ntsɔ̧̀ MAK 12:14

Bɔ kɨꞋɨ mbììte atò nê, “NyɨꞋtà, baa ko nê àà ndàꞋà wuê nkûŋ, à kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko. Àà ndâ nyɨ̀Ꞌta ndɨ Mbɔ̧ɔ̧mà nàa nkɨà nê bòt e wu me kùŋè àvi la. Tè mbɨ̧ ta tê bɨ̧ɨ̧nè nê bà me ŋa èkab taksì abua Sisà kò wu nê bà ka ŋa à? Àa mɨ̀ɨ̀tà nàà?”

Ntu̧ Ntsɔ̧̀ MAK 12:16

Bɔ nɨ àkwȩkab nkɨ̀Ꞌɨ̂ ŋǎ abua tò. Tà bììte awɔb nê “Àtsə yàa nè èlen làa adù̧ la wu ayea wàà?” Bɔ bɨ̀ɨ̀lè nê “Àtsəa Sisà.”

Lûk 20:23

Ka Yesò tuꞋa yuŋ wɔb ntsɔ̀Ꞌɔ èngà̧ wu nê,

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Jɔ̌n 8:6

Bɔɔ ndàꞋà ale ngua ntà̧à̧ta tò nkɨ eyute èngǎ̧ tàa shu la, mbɨ̀Ꞌɨ̀ eko ànəa bɔ̀ɔ zǐ àtsəa tò la. Yesò ŋɔ̀Ꞌne a si, nɨ̀ kèti fi me shɨ a si.

ÀfaꞋa 5:9

Ale, Pità è bììte atò nê, “Ghǎ ghɨ̂ ka bɨ lu̧ wê e kwàꞋtè nê bɨa fɨte Fo Mbɔ̧ɔ̧mà à?” Mbɔ̂ mè shu abua tò nê, “Bòt bu bɔ nɨ lu̧ wê ngà ntuê la, bɔ kɨꞋɨ tê ngu a ètsələèꞋ. Bɔɔ ŋeꞋe awê àfɨ̀Ꞌ yaa enɨ ghǎ etu mɨ̧̂.”

1 Kɔlìn 10:9

Bà ka nkɨka a Mbɔ̧ɔ̧mà nê ba kɨ e ye àghɨa tàa ghɨ̌ ane ya la, mbɨ̀Ꞌɨ̀ àbəèꞋ àyɔb ako a li ngɨ̀ nyaãtekàbɔ̀ŋ te bùŋè àwɔb la.

Ebùlù 4:13

Àghɨa ko a ntsě betsiꞋa a lò̧ò̧tè a mbì Mbɔ̧ɔ̧mà la. Tàà ndzea àghɨ àgème a ngɔ̀ŋ ŋaa mbɨ̀Ꞌɨ̀ àa la, è mè ngu abua tò bàa li làꞋà ànəê àghɨ àgème bàa ngɨ̀à la.

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.