Ntu̧ Ntsɔ̧̀ MAK 10:17 - Mundani

¹⁷ Yesò li ndɔ̀Ꞌ me ghǎ, wòt kǒ lùùlà nkɨ̀Ꞌɨ̂ ntèm tènjûŋ ti a mbì tò mbììte nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”

Ntu̧ Ntsɔ̧̀ MAK 10:17 ပူးပေါင်းရင်းမြစ်များ

Matìù 17:14

Mbɨ̀Ꞌɨ̀ bɔ kua akwèn tè nkɨ̀Ꞌɨ̂ nkwene ane ènɔ̧̂ bòt bu la, wòt kǒ kɨꞋɨ ntèmè tènjûŋ ti a si a mbì tò

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 28:8

Ale, bɔ lɔ̀Ꞌ àtsəasì yu me lùùla ngà e shu bɔkatè Yesò, ngà ale mbɔ̀â, ka mbɔ̂ me wùꞋtè àwɔb kwàꞋ ànyaꞋne ane àghɨa a ghɨ̀ la.

Ntu̧ Ntsɔ̧̀ MAK 1:40

Wòt kǒ àghɔ̧atsɔꞋɔ a baãaã tò la li nkɨ̀Ꞌɨ̂ ntèm tènjûŋ ti a mbì Yesò ndɨ̀ nê, “À kɔ̀ŋkà, ko betsiꞋa à ghɨ̀ e pem àghɔ̧ yaa.”

Ntu̧ Ntsɔ̧̀ MAK 10:18

Yesò bììte atò nê, “À ghɨ̀ na ka me tɔ am ane wòt ntsɔ̧̀ à? Wòt kǒ tsa ntsě tà wu wòt ntsɔ̧̀ ka nè Mbɔ̧ɔ̧mà la.

Ntu̧ Ntsɔ̧̀ MAK 12:14

Bɔ kɨꞋɨ mbììte atò nê, “NyɨꞋtà, baa ko nê àà ndàꞋà wuê nkûŋ, à kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko. Àà ndâ nyɨ̀Ꞌta ndɨ Mbɔ̧ɔ̧mà nàa nkɨà nê bòt e wu me kùŋè àvi la. Tè mbɨ̧ ta tê bɨ̧ɨ̧nè nê bà me ŋa èkab taksì abua Sisà kò wu nê bà ka ŋa à? Àa mɨ̀ɨ̀tà nàà?”

Ntu̧ Ntsɔ̧̀ MAK 9:25

Yesò me ko ènɔ̧̂ bòt e me lùùla nkɨ̀Ꞌa a mbɨ̧̀ tò. Tà ŋȩ fo kàbɔ̀ŋ yu nê “Àwɔ̀, fo kàbɔ̀ŋ yaa àa ngɨ̀à bòt e kwena mbuꞋtsə la, mâ laꞋnê sà waã wàa, tè à ka ndi me pfə mè mbà̧à̧te atò!”

Lûk 10:25

NyɨꞋtà mbɨ̧te Musì ko li nkɨ̀Ꞌɨ̂ me kɨ etaãaãte a Yesò, mbììte atò nê, “NyɨꞋtà, betsiꞋa e ngɨ̀ nà ka mbɔ̀ mèmpème kàlìà à?”

Jɔ̌n 3:2

È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

Jɔ̌n 6:40

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

ÀfaꞋa 16:30

Tà ghɨ̀ ale, tà nɨ̀ àwɔb nga àbȩ mbɔ̂ mbììte nê, “Tê, màa ghɨ̀ na ka ebɔ mèmpème à?”

ÀfaꞋa 2:37

Mbɨ̀Ꞌɨ̀ bòt bu abot la e zə èngà̧ waa la, e baãaãte awɔb a mèntɨ̧ɨ̧ mɔb. Bɔ biitè a Pità nè bɔntu̧ Yesò ko bu nê, “Bɔnyɨ ba, baa chɨɨme ghɨ̀ naà?”

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

ÀfaꞋa 9:6

Ka, lɔ̀Ꞌɔ a si nga a èbem àpfəèà nɨ̧ yu, ko bɔɔ shu awê àghɨa à bɔ̂ ndɨ àa ghɨ̌ la.”

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Tȩtɔ̀s 3:7

mbɨ̀Ꞌɨ̀ Mbɔ̧ɔ̧mà wu naa ku tèsȩ ta, e mě ghɨ̀ mènəè ma naa tɨ̧ɨ̧ ndɨŋndɨ̀ŋ a mbì li. Tà li ngua ngɨ̀à ale mbɨ̀Ꞌɨ̀ baa bɔ mèmpème kàlìà mu ba nɔ̀ŋe ntɨ̀ ya adù̧ la.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

1 Pità 1:4

Mbɨ̀Ꞌɨ̀ àa ale la, ba tsiꞋa anè nchɨ̀Ꞌà èghɨ bu Mbɔ̧ɔ̧mà nɔ̀ŋe a ègwet abua bòt bi la. BetsiꞋa èghɨ mbɔŋ è ka bɨ, àghɨ à ka wuê etsòke, è ka meè ngu efəa.

1 Jɔ̌n 2:25

Eyaa wu àghɨa Yesò Klistò zìambɔŋ li nkàꞋ àwa la. Tà li nkàꞋ àwa mèmpème kàlìà.