Ntu̧ Ntsɔ̧̀ MAK 10:14 - Mundani

¹⁴ Yesò è ye ndɨ bɔ ghɨ̀à la, a saa tò tà shu abua bɔkatè bi bu nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨ̀Ꞌɨ̀ bɔ̀ɔ̀ba wàà.

Ntu̧ Ntsɔ̧̀ MAK 10:14 ပူးပေါင်းရင်းမြစ်များ

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Matìù 18:4

Ale, wòt tà tsě bòt bàgème a kèfɔ̧̀ Mbɔ̧ɔ̧mà la wu wòt tà nɨa vi a si tè ntsìꞋi mbɨ̀Ꞌɨ̀ watèchɨɨle waa la.

Matìù 19:14

Yesò shuê nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨꞋɨ̀ bɔ̀ɔ̀ba wàà.”

Matìù 5:10

Ntsɔ̧̀ wu bòt bu bòt àa nkɨà àtsəa yɔb enɨ ndɨ̀ wu bɔ̀ɔ nkɨ e ghɨ̀ àghɨa Mbɔ̧ɔ̧mà nàa nkɨà la, kèfɔ̧̀ Mbɔ̧ɔ̧mà wu abua yɔb.

Matìù 5:3

“Ntsɔ̧̀ wu bòt bu bɔ ko nê, bɔ wu bòt mbuŋ a mbì Mbɔ̧ɔ̧mà la. Kèfɔ̧̀ Mbɔ̧ɔ̧mà wu abua yɔb.

Ntu̧ Ntsɔ̧̀ MAK 3:5

Yesò me lɨ̀ŋkè àwɔb nè èntɨ̧ɨ̧ bɨ̌, ntsòa ndɨ̀ wu bɔ tu̧ zǐ èntɨ̧ɨ̧ wɔb ane tò la, shu abua mbê wu nê, “Nyààbè àbu ayê.” Tà nyààbè àbu azi yu, a bê nkwèèlê.

Ntu̧ Ntsɔ̧̀ MAK 8:33

Ka Yesò ghèble avi ndɨ̀ŋkè bɔkatè bi, mbɔ̂ ŋȩte Pità nê, “LɔꞋɔ a ngèt yaã à Satàn! Àà nkèla alu̧ am. Mènəè maa à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Jɔ̌n 3:3

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà bi wòt a membǐ fi, tà kà nyi a kèfɔ̧̀ Mbɔ̧ɔ̧mà.”

Jɔ̌n 3:5

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà mè mbǐ wòt ane mèleb, Fo Mbɔ̧ɔ̧mà naa mě bi atò, tà kà nyi a kèfɔ̧̀ Mbɔ̧ɔ̧mà.

ÀfaꞋa 2:39

Mbɔ̧ɔ̧mà kàꞋà mènəè maa abua yɨ̧ nè bɔ̧ bɨ̧ bàgème. Tà kàꞋà mènəè maa mɨ̧̂ abua bòt bɔ bele a endɨ̌ la, nè waa waa tàa tɔ atò nê tà kɨꞋɨ nkùŋe àvi la.”

ÀfaꞋa 3:25

Mbɔ̧ɔ̧mà li ngɨ̀ bèndàꞋàtɔŋ bi e kàꞋà mènəè abua yɨ̧. Tà li ngɨ̀ mènkàꞋa kèkweelè bɔ̂ bètǎt nyaꞋ bɨ̧ nkàà àwɨ̧. Tà li shu abua Abàlàghâm nê, ‘Maa li tsě ane bòt àndà̧ yê elɔ̀ɔ̀le bòt sitsǎꞋ bàgème.’

Lûm 11:16

Kèpȩ bled mbì è wu èfe Mbɔ̧ɔ̧mà, ko bled mbɔŋ nènkèm wu we tò mɨ̧̂. Bɔ mè ngu ŋa tèghaŋke àyɨt abua Mbɔ̧ɔ̧mà, ko mèntaãaã wu abua tò mɨ̧̂.

Lûm 11:28

Ndɨ̀ wu bɔ tu̧u̧ Ntu̧ Ntsɔ̧̀ Yesò Klistò la, bɔ tsiꞋi bɔmbù̧ Mbɔ̧ɔ̧mà ambo yɨ̧. Ka è me wu mbɨ̀Ꞌɨ̀ Mbɔ̧ɔ̧mà li ndàà awɔb la, ko tà bèla kɔ̀ŋkà àwɔb nkàà àghɨa tà li nkàꞋ bètǎt nyaꞋ bɔb la.

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

1 Kɔlìn 7:14

À wu ale nkàà nê, Mbɔ̧ɔ̧mà nɨ mbâ̧ yu kà wu wòt Mbɔ̧ɔ̧mà la mbɨ̀Ꞌɨ̀ wòt vi nkàà vi tò, mè nɨ àvi wu kà wu wòt Mbɔ̧ɔ̧mà la mbɨ̀Ꞌɨ̀ wòt vi nkàà lu̧ tò. A bakà wu ale ko bɔ̧ bɨ̧ è ka wu bòt Mbɔ̧ɔ̧mà a, ka mbɨ̀Ꞌɨ̀ àa la, Mbɔ̧ɔ̧mà nɨ awɔb ane bòt bi.

Efesɔ̀s 4:26

À me tsoo ane wanyɨ wè, à ka mbɨ̧̀ɨ̧̀ne ntsǒ mbɔŋ ŋwèèlè awê à ghɨa kàbɔ̀ŋ. A ka ngɨ̀ ndzěm kwen ane ntsǒ a èntɨ̧ɨ̧ wê. À ka ŋà èlu̧ abua Satàn.

2 Tɔ̀màtià 1:5

Maa mè nkù̧ù̧ta ndɨ à li ndzì èntɨ̧ɨ̧ wê ane Yesò, wuê mbɨ̀Ꞌɨ̀ nyɨ̌ jûŋ wê Lɔsì bɔ̂ nyɨ̌ wè Yunìs e li ndzì mɔb la. Mâ lâ nko nê èntɨ̧ɨ̧ wê ewu wuê ane tò.

2 Tɔ̀màtià 3:15

mè nko ànəa Àkata Mbɔ̧ɔ̧mà a shua la, e bùꞋù tê àfɨ̀Ꞌ yu à li mbèle watèchɨɨle la. Letà waa nàa nyɨ̀Ꞌta ndɨ betsiꞋa à bɔ̌ èyì wu àa ghɨ̌ aa zǐ èntɨ̧ɨ̧ wê ane Yesò Klistò mbɨ̀Ꞌɨ̀ Mbɔ̧ɔ̧mà naa ŋa awê mèmpème mi la.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

Ètsə 14:5

Bɔ bakà li me làꞋà mèfà̧, àghɨa à ka meè ngu betsiꞋa wòt fèèlè àwɔb adù̧ la.