Matìù 9:8 - Mundani

⁸ Mbɨ̀Ꞌɨ̀ ènɔ̧̂ bòt bu e ye ale la, kèbɔɔ ke baãaã wɔb, bɔ tsiꞋi me wùꞋte a Mbɔ̧ɔ̧mà wu tà ŋa èwuu àtɔŋ yàa abua wɔ̀bȩ̂ la.

Matìù 9:8 ပူးပေါင်းရင်းမြစ်များ

Matìù 12:23

Ale, a taꞋa tsě bòt bu bàgème, tè bɔ tsiꞋa shua nê, “Tê mbê waa chɨɨme ntsě Waã Dàbid?”

Matìù 15:31

Ènɔ̧̂ bòt bu e ye ndɨ mbûꞋtsə te ntsiꞋa ndàꞋà, bòt bɔ̀ɔ ŋɔ̧ɔ̧ma a si la e lɔ̀Ꞌtè tsìꞋa ngȩ̀ȩ̀nà àtetsi, èka bòt e li ŋɔꞋte la, e tsiꞋi tɨ̧ɨ̧ ndɨŋndɨ̀ŋ, mè ndze ndɨ àghɨ a bòt àghɨ àleme, a ghaꞋtè la ànəa mbɔŋ a bê ntsè àwɔb, bɔ tsiꞋi me ŋa mèngùꞋte abua Mbɔ̧ɔ̧mà bòt Izəèlȩê.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Matìù 9:7

Ŋut bê ndɔ̀Ꞌ a si me ghǎ àpfəè.

Ntu̧ Ntsɔ̧̀ MAK 2:12

Ŋut bê ndɔ̀Ꞌ a si ŋèꞋe àkwàŋkè zi yu me ghà àbȩ a mbì lɔb bàgème. A tsè ènɔ̧̂ bòt bu, bɔ tsiꞋi me wùꞋte a Mbɔ̧ɔ̧mà shua nê, “Ba te bakà ye ànəê àko anè!”

Ntu̧ Ntsɔ̧̀ MAK 7:37

Wòt ègème tà li ndzəâ ànəa ngaa la li ntsiꞋi ghaꞋa ètsəê vi me shu nê, “Tà ghe tàa ngɨ̀à èghɨ ègème la. Tàa ngɨ̀à fɔ̀ɔ̀le mbuꞋtsə te zəa èdziꞋ mè ndàꞋà.”

Lûk 13:13

Yesò ghɨ̀ ale, nɔ̀ŋè àbu azi àtsə atò, kɔ̧̀ tò yu bê ndɔ̀Ꞌ tè àvi wu tɨ̧ɨ̧ ndɨŋndɨ̀ŋ, mbɔ̂ ngùꞋtè a Mbɔ̧ɔ̧mà.

Lûk 17:15

Wòt kǒ ane yɔb ye ndɨ ye peme la, ngèble avi mbùꞋ me ŋȩa ngùꞋtè a Mbɔ̧ɔ̧mà.

Lûk 17:18

Nko nê wòt kǒ tsa ghɨ̀ tà kà wuê tàa kɨꞋɨ eŋa mènkɔ̀ŋke abua Mbɔ̧ɔ̧mà la kà wu wòt waa tà dzə àtu̧a tsa la à?”

Lûk 18:43

KwàꞋ àfɨꞋa mbɔŋ, àghɨa ŋut a ghaꞋtè tè tà bùꞋ me ye èdziꞋ, nkùŋa a Yesò, ŋa mènkɔ̀ŋke abua Mbɔ̧ɔ̧mà. Ènɔ̧̂ bòt bu e ye àghɨa a ghɨ̀ la, ŋà mènkɔ̀ŋke abua Mbɔ̧ɔ̧mà mɨ̧̂.

Lûk 2:20

Bèmbaabà njɨ̀ bu e ghɨ̀ ale, nkua akwèn me kɔ̧ɔ̧ ngùꞋtà Mbɔ̧ɔ̧mà ane mènəè bɔ zə mè ndze la. A li mbê ngu mbɨ̀Ꞌɨ̀ wantu̧ Mbɔ̧ɔ̧mà shu awɔb la.

Lûk 23:47

Tǎt bèshujà wu tà wu abot la ye àghɨa a ghɨ̀ la, ŋà mèngùꞋte abua Mbɔ̧ɔ̧mà shu nê, “KwàꞋ ane nkûŋ, mbê waa li tà kà ghɨ̂ ànəa kàbɔ̀ŋ.”

Lûk 7:16

Kèbɔɔ ke baãaã awɔb bàgème, bɔ kɔ̧ ngùꞋtè a Mbɔ̧ɔ̧mà nê, “TaꞋà ndàꞋàtɔŋ Mbɔ̧ɔ̧mà è saꞋa a kètsìà wa. Mbɔ̧ɔ̧mà è kɨꞋɨ̀ etɨŋe bòt bi.”

Jɔ̌n 15:8

Bɨ me ghɨ̀ èghɨ ntsɔ̧̀ nyaŋ ko bòt aa ye nê bɨ wu bɔkatè bɔ̧ e lɔ̀kè èlen Tǎt am e tsaa ègwet.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 4:21

Bòt èsaꞋa bu e shu awɔb nê, bɔ mè ndàꞋ ànəê ane ànəa Yesò, ko aa bɨɨ abà yɔb. Mbɨ̀Ꞌɨ̀ bɔ ŋȩte awɔb ale la, bɔ bɔ̂ sà àwɔb bɔ me ghǎ. Bɔ ghɨ̀ ale, bɔ̀ ka ye èlu̧ bɔ̀ɔ ŋa awɔb ngoꞋ la, ngu ndɨ wu waa waa nàa ngùꞋtà a Mbɔ̧ɔ̧mà ane ànəa a ghɨ̀ la.

2 Kɔlìn 9:13

ÀfàꞋ yaa bɨ̀a ghɨ̀ la aa ghɨ̌ bòt aa me wùꞋte a Mbɔ̧ɔ̧mà, nkàà nê bɔ ye nê bɨa ngɨ̀à àghɨa Ntu̧ Ntsɔ̧̀ Yesò Klistò yu bɨ̀a shua nê bɨ bɨ̧ɨ̧ne la, è laꞋ nê bɨ̀ me ghɨ̀ la. Bɔɔ mě me wùꞋte a Mbɔ̧ɔ̧mà nê, bɨ ŋa abua yɔb mè ŋǎ abua bòt ko tsa bàgème kà kuꞋte àbu.

Gàlashìà 1:24

Mbɨ̀Ꞌɨ̀ bɔ zə ale la, bɔ wuꞋta Mbɔ̧ɔ̧mà nkàà am.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.