Matìù 9:35 - Mundani

³⁵ Yesò li ngua ngȩ̀ȩ̀nà a èpfəè ènɨ̧ bu nè bɔbɔ èpfəè nyɨ̀Ꞌta a lobte Mbɔ̧ɔ̧mà tɔb, mè ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà, ndɔ̀Ꞌ mbəèa èghɔ̧ nè èlɔ̀Ꞌ ègème.

Matìù 9:35 ပူးပေါင်းရင်းမြစ်များ

Matìù 10:1

Yesò li ntɔ bɔkatè bi bu ntsɔ̀b babe la àdzìꞋ yeamɔꞋ ŋà àwɔb àtɔŋ ndɨ bɔ̀ɔ nɨ efəâ fote kàbɔ̀ŋ ane bòt e mě bə èghɔ̧ nè èlɔꞋ ègème la.

Matìù 11:1

È li ngu àfɨꞋa Yesò paa a màŋa nkɨ̀atsə abua bɔkatè bi bu ntsɔ̀b babe la, tà lɔꞋɔ abot me ghȩ̀ȩ̀ne nyɨ̀Ꞌta mè ndàꞋà èngǎ̧ Mbɔ̧ɔ̧mà a èbem èpfəè ènɨ̧ bu a ngèt abot la.

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Ntu̧ Ntsɔ̧̀ MAK 1:14

Àfɨ̀Ꞌ yu bɔ baãaã Jɔ̌n màꞋa a tèfȩ la, Yesò kɨ̀Ꞌɨ̂ a Galìlî me tsɔ̀te Ntu̧ Ntsɔ̧̀ Mbɔ̧ɔ̧mà,

Ntu̧ Ntsɔ̧̀ MAK 6:56

ÀdziꞋ àgème Yesò ghà la, a èpfəè techɨɨle nè èbe nɨ̧ kò mbȩtsə leꞋ, bòt e nɨ bòt èghɔ̧ nga èsà̧aã tèwentsə nɔ̀ŋè. Mbɔ̂ shù̧ù̧te atò nê tà tsiꞋ bèngɔ̧̀ bu è lem mbà̧à̧ta ka wuê ntseit ndǐ tò. Ngɨ̀ ale, wòt ègème tà mbà̧à̧te àtsəa ndǐ tò la, pem.

Ntu̧ Ntsɔ̧̀ MAK 6:6

A li ntàꞋa tsě atò ndɨ̀ wu bɔ li bɔ̀ ka zi èntɨ̧ɨ̧ wɔb ane tò la. Ale, Yesò me ghȩ̀ȩ̀ne a èbem èpfəè nyɨ̀Ꞌta bòt èngǎ̧ Mbɔ̧ɔ̧mà.

Lûk 13:22

Yesò le lɔ̂Ꞌ me tse èpfəè nɨ̧ nè bɔbɔpfəè nyɨ̀Ꞌta èngǎ̧ Mbɔ̧ɔ̧mà, ntsèà ngà a Jèlusalèm.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.