Matìù 9:2 - Mundani

² ÀfɨꞋa mbɔŋ, bòt ko e ŋeꞋè wòt àbâ ènyit tò a pfə la a ègwet àkwàŋkè nɨŋ nkɨ̀Ꞌɨ̂ abua tò. Yesò ye ndɨ bòt ngaa e bɔ ntɨ̀ ane zi la, shu abua mbê ngaa nê, “Waã am, à ka ngwàꞋ ndo̧o̧na, mâ waꞋa a kàbɔ̀ŋ wê.”

Matìù 9:2 ပူးပေါင်းရင်းမြစ်များ

Matìù 14:27

Ka Yesò shu abua yɔb kwàꞋ àfɨꞋa mbɔŋ nê “Bɨ̀ baãaã mèntɨ̧ɨ̧ mɨ̧! Wu mmɔ̌, bɨ̀ ka mbɔ̀a.”

Matìù 4:24

Àndǎ tò a ghà a èdziꞋ ègème a èbem àlaꞋ və fɔ̀ɔ̀le a èbem Silìà ègème. Bòt e zə ale, nɨ bòt tèwuute èghɔ̧ tègème, nɨŋ nkɨ̀Ꞌɨ̂ abua tò tà bə awɔb. Bòt ènyit saa e li ngu ayɔɔ bòt baa, nè bòt fote kàbɔ̀ŋ, nè èbe èghɔ̧ màkwena, fɔ̀ɔ̀le ne èbe èbâ ènyit bɔb è pfəꞋte la.

Matìù 6:12

WaꞋa èfaãnəè ba mbɨ̀Ꞌɨ̀ bàambɔŋ e waꞋa èfaãnəè bɔnyɨ ba la.

Matìù 8:10

Mbɨ̀Ꞌɨ̀ Yesò zə èngǎ̧ tò wu la, a bê ntse atò, tà shu abua bòt bu nkùŋà vi la nê, “Ane nkûŋ, e ngua shua wɨ̧ nê, e mbakà ye wòt kǒ ka wuê ayɔɔ bòt Izəèlȩê tà bɔ ngɨŋa ntɨ̀ yaa mbê waa è bɔ ane yaã la.

Matìù 8:16

Nyèm è fen, bɔ nɨ bòt nyaŋ fote kàbɔ̀ŋ tèa ane yɔb la, nkɨ̀Ꞌɨ̂ tà làꞋ èngà̧ nɨŋ fəè fote kàbɔ̀ŋ tu, mè mbəâ bòt bàgème bɔ̀ɔ ngò̧ò̧nà la.

Matìù 9:22

Yesò ghèble avi ndzè atò mbɔ̂ nê “Waã am, ka ngwàꞋ ndo̧o̧na, èntɨ̧ɨ̧ wu à zi ane yaã la, e ghɨ̂ à pem.” KwàꞋ àfɨꞋa mbɔŋ àvi wu bê nkwèèlê.

Matìù 9:5

Àyea ŋa àa njùa à, e shu nê ‘Mâ waꞋa kàbɔ̀ŋ wê’, kò wuê nê ‘Lɔ̀Ꞌɔ a si me ghȩ̀ȩ̀ne à?’

Matìù 9:6

Ka e nɨ enyɨꞋte awɨ̧ nê Waã Wòt bɔ àtɔŋ a sitsǎꞋ à màngwaꞋa kàbɔ̀ŋ.” Tà shu abua wòt wu àbâ ènyit tò a pfə la nê, “Lɔ̀Ꞌɔ a si ŋèꞋe àkwàŋkè àyê me ghǎ àpfəè.”

Ntu̧ Ntsɔ̧̀ MAK 1:32

ÀfɨꞋa nyèm èbàꞋà tê ndzěm bùꞋ me fene la, bòt e nɨ bòt àghɔ̧, nè bòt fote kàbɔ̀ŋ tèa ŋǎ wɔb ngoꞋ la nɨŋ nkɨ̀Ꞌɨ̂ Yesò naa bə a wɔb.

Ntu̧ Ntsɔ̧̀ MAK 10:49

Yesò tɨ̧ shu nê, “Bɨ̀ tɔ tò.” Ale, bɔ tɔ wòt àghɨ àleme wu nê, “WùꞋtè àwê; kȩ ndɔ̀Ꞌ a si, Yesò nàa ntɔ awê!”

Ntu̧ Ntsɔ̧̀ MAK 5:34

Yesò shu abua tò nê, “Waã am, èntɨ̧ɨ̧ wu à zi ane yaã la, e ghɨ̂ à pem. Ghǎ ane ntsɔ̧̀. À pem ane àghɔ̧ yê.”

Ntu̧ Ntsɔ̧̀ MAK 6:50

Ngu ndɨ bɔ ye atò ale ntaꞋa bɔa la. Yesò shu abua yɔb kwàꞋ àfɨꞋa mbɔŋ nê “Bɨ̀ baãaã mèntɨ̧ɨ̧ mɨ̧! Wu mmɔ̌, bɨ̀ ka mbɔ̀a.”

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Jɔ̌n 2:25

Ale, wòt ka tsi mbɔ̌ ndɨ tàa mèe shua tò àghɨa bɔ̀ wu yùà la nkàà nê tà ko àghɨa àa èntɨ̧ɨ̧ wɔ̀bȩ̂ la.

Jɔ̌n 21:5

ÀfɨꞋa mbɔŋ, Yesò bììte awɔb nê, “Bɨ bakà baãaã basə a bɔ̧ bà?” Bɔ nê “ChaꞋ ba bakà baãaã àghɨ.”

ÀfaꞋa 14:9

È li ngu ane àli ako tà wu a si tà tsekè me yute Ntu̧ Ntsɔ̧̀ yu Pɔ̂l tsɔ̀tà la. Pɔ̂l ye nê, betsiꞋa tà zì èntɨ̧ɨ̧ vi ane Yesò tè tà bə atò. Ale, tà tsìte àghɨ azi ane tò,

ÀfaꞋa 19:12

Bɔ ghɨ̀ bɔ̀ nɨ edziꞋi ndǐ bɔ̀ baãaãte ènyit tò, bɔ̀ ghǎ bɔ̀ nɔ̀ŋe adù̧ bòt àghɔ̧, bɔ kweelè. Fote kàbɔ̀ŋ te sà àwɔb.

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

Lûm 5:11

E ntsě wuê ndàꞋà àyùà, baa ngùꞋtà àwa mɨ̧̂ ndɨ̀ wu bàà tsiꞋi ne Mbɔ̧ɔ̧mà la, nkàà ndɨ Yesò Klistò Lefɨ̀Ꞌ wa ghɨ baa tsiꞋi ane àlàŋkè nè Mbɔ̧ɔ̧mà la.

Jimsì 2:18

Wòt kǒ naa laꞋnê, “A zi èntɨ̧ɨ̧ wê ane Mbɔ̧ɔ̧mà, e me fàꞋa èfaꞋa ntsɔ̧̀.” À bɨ̀ɨ̀lè am wu nê “NyɨꞋte am èntɨ̧ɨ̧ wu à zi ane Mbɔ̧ɔ̧mà la, è nɨ èfaꞋa ntsɔ̧̀ bɔ̧ nyɨ̀Ꞌte awê èntɨ̧ɨ̧ wu mâ zi ane Mbɔ̧ɔ̧mà la.”