Matìù 8:11 - Mundani

¹¹ TsiꞋ è shua wɨ̧ nê, bòt nyaŋ aa li dzə a bètɔꞋɔ ngɔ̀ŋ ekɨꞋɨ etseke a si bɔ̂ Abàlàghâm ba nè Asàk nè Jàkɔ̂b àdziꞋa èpǎ̧ wu a èbem ngɔ̀ŋ fi a kèfɔ̧̀ Mbɔ̧ɔ̧mà la.

Matìù 8:11 ပူးပေါင်းရင်းမြစ်များ

Matìù 21:41

Bɔ bɨ̀ɨ̀lè nê “Ko taa bùŋe bòt kàbɔ̀ŋ mbɔŋ kà ku tèsȩ, ebɔ ŋa mbȩ mbɔŋ abua bòt tsa bɔɔ me faꞋa ŋa èwe tò nè èghàb àfɨꞋa ntsɔ̧̀.”

Matìù 24:31

Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 8:10

Mbɨ̀Ꞌɨ̀ Yesò zə èngǎ̧ tò wu la, a bê ntse atò, tà shu abua bòt bu nkùŋà vi la nê, “Ane nkûŋ, e ngua shua wɨ̧ nê, e mbakà ye wòt kǒ ka wuê ayɔɔ bòt Izəèlȩê tà bɔ ngɨŋa ntɨ̀ yaa mbê waa è bɔ ane yaã la.

Lûk 12:37

Ntsɔ̧̀ wu bɔfàꞋ bu tǎt wɔb nàa me kua bɔɔ bele àtatsi nchɨ̀Ꞌà atò la. Ane nkûŋ, tsiꞋ è shu awɨ̧ nê tà kɨ̀Ꞌa ko taa kuule àleb azi, ebɔ ghɨ̌ bɔɔ tseke a si, tàa fàꞋa abua yɔb.

Lûk 16:22

“Àfɨ̀Ꞌ a me wu, wòt ntseb wu pfə, bɔntu̧ Mbɔ̧ɔ̧mà e kɨꞋɨ̀ ŋèꞋe atò nɨŋ ngà a ngèt Abàlàghâm. Wòt èkab wu tseke tè mpfəè àzi mɨ̧̂, bɔ tu atò.

ÀfaꞋa 10:45

Bòt Yesò bu bɔ̀ wu Bèjuê, bɔ li ndzə a Jopà nkɨ̀Ꞌɨ̂ bɔ̂ Pità ba la, e ye ndɨ Mbɔ̧ɔ̧mà zi Fo Kèfə ane bòt kà wu Bèjuê la, a taꞋa tsè àwɔb.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

ÀfaꞋa 14:27

ÀfɨꞋa bɔ nyi a Antìɔ̀k la, bɔ fetè bòt chɔsì bàgème adzìꞋ yeamɔꞋ. Mbɔ̂ shu awɔb ndɨ Mbɔ̧ɔ̧mà li ngɨ̀ nè nɔ̀b a lèghȩ̀ȩ̀nè wu la, mè shu awɔb ndɨ Mbɔ̧ɔ̧mà ghaꞋa alu̧ tè bòt kà wu Bèjuê e zì mèntɨ̧ɨ̧ mɔb ane Yesò la.

1 Kɔlìn 15:20

Ka ane nkûŋ, Yesò Klistò yu̧u̧me a èbem èsî, mbɨ̀Ꞌɨ̀ wòt mbì tà yu̧u̧me la e nɨ nyɨꞋte nê bòt bu bɔ pfəꞋte la aa li yu̧u̧me.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

Efesɔ̀s 3:6

Ànəa ndò̧ mbɔŋ wu nê Ntu̧ Ntsɔ̧̀ Mbɔ̧ɔ̧mà è ghɨ̀ bòt kà wu Bèjuê e wu li bɔ èghɨ ntsɔ̧̀ bu Mbɔ̧ɔ̧mà nàa ngɨa ane bòt Izəèlȩê la mɨ̧̂. Bɔ tsiꞋi mbɨ̧̀ ènyit yemɔꞋ, mè mbɔ̀ è wɔb ne èghàb ane èghɨ ntsɔ̧̀ bu Mbɔ̧ɔ̧mà kàꞋa bòt bi la, ndɨ̀ wu bɔ̀ tsiꞋi àghɨ yeamɔꞋ nè Yesò Klistò la.

Kɔ̀losìà 3:11

Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.

2 Tèsàlonikà 1:5

NgoꞋ yaa bɨ yea nyaŋ la bê nyɨ̀Ꞌta ndɨ Mbɔ̧ɔ̧mà nàa saꞋa bòt wuê mbɨ̀Ꞌɨ̀ bɔ bɔ ndɨ bɔ̀ɔ saꞋa wɔb la. Ale, bɨa li ekùꞋù èbe bɨa li ewu ne Mbɔ̧ɔ̧mà a kèfɔ̧̀ tò la, nkàà ngoꞋ tu te ye awɨ̧ la.

Ètsə 7:6

bètɔsì ntsɔ̀b babe be dzəa àndǎ̧ Ashà, bètɔsì ntsɔ̀b babe be dzəa àndǎ̧ Naptalì, bètɔsì ntsɔ̀b babe be dzəa àndǎ̧ Mànasì,