Matìù 6:25 - Mundani

²⁵ “Ale e ngua shua wɨ̧ nê bɨ̀ ka me mɨ̀ɨ̀te nê bɨ̀a jɨ ghǎ ko nu ghǎ ka etseke leꞋ. Bɨ̀ ka ndem mɨ̀ɨ̀tè nê bɨ̀a kwaã ghǎ a mbɨ̧̀ tɨ̧ leꞋ. Tè mèmpème wɔ̀bȩ̂ bakà tse èghɨjɨ, mbɨ̧̀ tò naa mě tsě ndǐtsə?

Matìù 6:25 ပူးပေါင်းရင်းမြစ်များ

Matìù 10:19

ÀfɨꞋa bɔ nɨ awɨ̧ nɨŋ ngà la, bɨ̀ ka me mɨ̀ɨ̀te ndɨ bɨ̀a shu la nyaŋ kò ànəa bɨ̀a shu la leꞋ, nkàà nê èngǎ̧ bɨ̀a làꞋà la aa kɔꞋɔ àtsəa ayɨ̧ àfɨꞋa mbɔŋ.

Matìù 13:22

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.

Matìù 6:31

Ale, bɨ̀ ka me dèbè ènyit yɨ̧ nê, ‘Bàa jɨ ghǎ?’ kò ‘Nu ghǎ?’ kò ‘Kwaã ghǎ leꞋ?’

Matìù 6:34

Mbɨ̀Ꞌɨ̀ àa anè la, bɨ̀ ka me mɨ̀ɨ̀te atetsɔꞋ nyaŋ. Bɨa sàꞋa atetsɔꞋ ka bɨ me mɨ̀ɨ̀tè àlia mbɔŋ. TsiꞋ mènəè àliabȩ kùꞋu ane àliabȩ ngaa.

Ntu̧ Ntsɔ̧̀ MAK 13:11

ÀfɨꞋa bɔ zì èbu ane yɨ̧ me nɨa nga a lob èsaꞋa la, bɨ̀ ka me kwàꞋte ànəa bɨ̀a ghǎ eshu la. Naa wu àfɨꞋa mbɔŋ bɨ làꞋà wuê àghɨa a kɔꞋ a mèntɨ̧ɨ̧ mɨ̧ la, nkàà nê èngǎ̧ mbɔŋ e ka dzə abua yɨ̧, e dzə abua Fo Kèfə.

Ntu̧ Ntsɔ̧̀ MAK 4:19

ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.

Lûk 12:11

“AfɨꞋa bòt e səèŋnè àwɨ̧ nɨŋ nkɨ̀Ꞌɨ̂ a lob Mbɔ̧ɔ̧mà, a mbì bɔɔjuŋ bɔ̂ bègɔvanɔ̀ nè bèfɔ̧̀ bɔɔ saꞋa awɨ̧ la, bɨ̀ ka me mɨ̀ɨ̀te ànəa bɨ̀a shu enɨ fà àwɨ̧ la.

Lûk 8:14

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa, ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngà̧ wu e ka tsi nyî te e ghɨ̀ àghɨa e wu ghɨ̀ la.

Lûm 8:32

Tè tò wu tà li tà kà shuulè waã vi, ŋa tò nê tà pfə ambo ya bàgème la, ka mèe ŋa awa èghɨ ko tsa mbɨ̀Ꞌɨ̀ tà ŋa waã vi la à?

1 Kɔlìn 7:32

Maà kà kɨ nê bɨ̀ me mɨ̀ɨ̀tè mènəè nyaŋ. Mbâ̧ kà yɔꞋ è wu wòt Mbɔ̧ɔ̧mà la nàa ngɨ̀ tà nɔ̀ŋè èntɨ̧ɨ̧ vi a màngɨa wuê mènəè Tè Yesò, mɨ̀ɨ̀tà wuê ndɨ yèa me ghɨ̀ mènəè nàa mbɔ̀ Tè Yesò la.

Filìpȩ 4:6

Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.

2 Tɔ̀màtià 2:4

Ko nê, shujà nàa ngɨ̀ tà gha a èbet, tà me nùa nkɨ̀a ndɨ àà me bɔ̀ wòt wu tà wu àtsə ayɔb la. Ale, tà kà wua ndzìà àbu àzi a èbem mènəè bòt kà wu bèshujà.

1 Pità 5:7

Bɨ̀ me zì mènəè ègème nàa ntsèà wɨ̧ la a tèkitebu Mbɔ̧ɔ̧mà, nkàà nê wu tòà ka tàa ndɨ̀ŋkà wɨ̧ la.