Matìù 6:24 - Mundani

²⁴ “BetsiꞋa wòt kà ko fàꞋ abua bètǎt àfàꞋ babe, nkàà nê tà bakà wua mpààbà wekǒ, nkɔ̀ŋkà wekǒ, ko taa me zə wekǒ ngwàa wekǒ. BetsiꞋa wòt kà me kùŋe a Mbɔ̧ɔ̧mà mè nkùŋà èkab.

Matìù 6:24 ပူးပေါင်းရင်းမြစ်များ

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

Lûk 16:11

Ale, tè bɨ bakà ko mbà̧à̧te èghɨ sitsǎꞋ yàa ndɨŋndɨ̀ŋ, ko wàà naa li lɔ̀Ꞌɔ evi àghɨa ko eŋa abua yɨ̧ nê wu àyɨ̧ à?

Lûk 16:13

“BetsiꞋa wafàꞋ kà ko fàꞋ abua bètǎt àfàꞋ babe, nkàà nê tà bakà wua mpààbà wekǒ, nkɔ̀ŋkà wekǒ, mbə taa me zə wekǒ ngwǎ wekǒ. BetsiꞋa wòt kà me kùŋa Mbɔ̧ɔ̧mà mè nkùŋà èkab.”

Lûk 16:9

Yesò mè nê tsiꞋ è shu awɨ̧, bɨ̀ nɨ èghɨ ngɔ̀ŋ ngɨ̀ bèshu̧ mbɨ̀Ꞌɨ̀ è baka tsi ngu, ateko bɔ sèè àwɨ̧ adzìꞋa kà wòt wu li tsi epfə.

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.