Matìù 6:2 - Mundani

² “È wu ale, wòt me ŋa àghɨ abua wòt mbuŋ, tà ka ŋǎ a kètsìà banɔ̧̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨa a èbem lobte Mbɔ̧ɔ̧mà, mè ngɨa a tèngète balu̧ la. Bɔ̀ɔ ngɨ̀ bɔ me ghɨ̀ ale, bɔ wua nkɨà mbɨ̀Ꞌɨ̀ bòt aa me wùꞋtè àwɔb. Ane nkûŋ, e ngua shua wɨ̧ nê bɔ bɔ àbȩ̀ àyɔb tè ndɔ̀Ꞌ.

Matìù 6:2 ပူးပေါင်းရင်းမြစ်များ

Matìù 15:7

KwàꞋ bɨ̀a wàà bɨ̀a shua nê bɨ wu àghɨa kà wu yùà la! Àsayà li ndàꞋà nkûŋ zi ane yɨ̧ àfɨꞋa tà li nê Mbɔ̧ɔ̧mà laꞋnê:

Matìù 16:3

È wu a ntɔtetsɔ̌Ꞌ ègwet è me fene, mbɨ̀ŋ me kwèle, bɨ nê mbɨ̀ŋ naa lu. Bɨà nkòa ndȩ̀ ègwelebuule shu ndɨ àbȩ àa wu la, ka bɨ̀ ka wu eko shu ndɨ àbȩ àa la.

Matìù 22:18

Yesò ko mèmɨ̀ɨ̀te kàbɔ̀ŋ mɔb nê, “Bɨ̀a wu bɨ̀a shua nê bɨ wu àghɨa kà wu yùà la, bɨ ghɨ̀ na ka me taãaãte am à?

Matìù 23:5

“Bɔ̀ɔ ngɨ̀ bɔ̀ me ghɨ àghɨ àgème, bɔ wua nkɨ̀a wuê mbɨ̀Ꞌɨ̀ bòt aa me ye awɔb. Ye ndɨ è bɔb ne bakɔ̂b bu bɔ̀ɔ ndzìà èngǎ̧ Mbɔ̧ɔ̧mà nkùùla a mèsi mɔb la, bèa fàŋka la. Mè ndzì ndɨ bandǐ bu bɔ̀ɔ maꞋa àmî bɔb ntsàꞋte a Mbɔ̧ɔ̧mà la bèa sààtà la.

Matìù 23:6

Bɔ taꞋa wua nkɔ̀ŋkà èdziꞋi nɨ̧ a èdziꞋi mèpà̧ nè ètɨ̧ ntsɔ̧̀ à lobte Mbɔ̧ɔ̧mà tɔb.

Matìù 24:51

Mbɔ̂ ngu saãaãte atò màꞋa a si, e tsàà atò àdziꞋa bòt bu bɔ̀ɔ shua nê bɔ wu àghɨa kà wu yùà la, è wu la, àdziꞋa bɔ̀ɔ me dɨ̀a nkwèla àsɔŋ yɔb la.

Matìù 5:18

KwàꞋ ane nkûŋ, tsiꞋ è shu awɨ̧ nê ègwet bɔ̂ sitsǎꞋ e bakà lìà, àdziꞋ kǒ ane mbɨ̧ tàa, ka è màà nkòa wuê nà leꞋ, è kà nyɔ̂, tè àghɨ àgème a ntsè mbɨ̀Ꞌɨ̀ mbɨ̧tsə te shu la.

Matìù 6:16

“Bɨ me kɨ etseke kà jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, bɨ̀ ka màꞋà tèsȩtsə ane yɨ̧ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà la àa ngɨ̀à la. Bɔ̀ɔ ngɨ̀ bɔ màꞋà ngɨ̧̀ɨ̧̀nè ane yɔb mbɨ̀Ꞌɨ̀ bòt aa ko nê bɔ wua ntsèka kà jɨ àghɨ. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 6:3

Ka à me ŋa àghɨ abua wòt mbuŋ à ka ngɨ̀ àbuantoŋ ayê a ko àghɨa àbualu̧ ayê a ŋa la.

Matìù 6:5

“Àfɨ̀Ꞌ àgème bɨ̀a ntsàꞋta Mbɔ̧ɔ̧mà la bɨ̀ ka ngɨ̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨ̀à la. Bɔ̀ɔ ngɨ̀ bɔ̀ me tsàꞋte a Mbɔ̧ɔ̧mà, bɔ me kɔ̀ŋkè etɨ̧ɨ̧ àtatsi a èbem lobte Mbɔ̧ɔ̧mà, mè me kɔ̀ŋkè etɨ̧ɨ̧ a tèngète balu̧ mbɨ̀Ꞌɨ̀ bòt aa me ye awɔb. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 7:5

Yàa nè nè; Àwɔ̀ wu àa shua nê ye wu àghɨa kà wu yùà la, bɨa ntsì mpɨ̀ŋ yu a èghɨ lê la ka mbɨ̀Ꞌɨ̀ eko eye alààte kèsab fu a èghɨ wanyɨ wè la etsǐ.

Ntu̧ Ntsɔ̧̀ MAK 12:39

Bɔ̀ɔ ngɨ̀ bɔ̀ ghà a èdzìꞋi mèpà̧ bɔ̂ lobte Mbɔ̧ɔ̧mà, bɔ me kɨ wu ètɨ̧ ntsɔ̧̀ ka tseke a ègwet.

Ntu̧ Ntsɔ̧̀ MAK 7:6

Yesò tsɔ̀Ꞌɔ èngǎ̧ wɔb nê, “Àsayà li ndàꞋà nkûŋ zi ane yɨ̧, bɨa wàà bɨ̀a shua nê bɨ wu àghɨa kà wu yùà la, àfɨꞋa tà li nê Mbɔ̧ɔ̧mà laꞋnê, ‘Bòt baa aà ngùꞋtè am wuê ane èkuube ètsəê bɔb, ka mèntɨ̧ɨ̧ mɔb ka wu ane yaã.

Lûk 11:41

Ka bɨ̀ ŋa èghɨ bu a èbem ndɔŋ tɨ̧ nè bapfəèꞋ bɨ̧ la abua bòt ntseb, ndzè na àghɨa ko a ntsě àa kele awɨ̧ nê bɨ ka fəə a mbì Mbɔ̧ɔ̧mà la.

Lûk 11:43

“Aa li bɨa awɨ̧, bɨ̀a Bèfalèsiì, nkàà nê bɨ taꞋa wua nkɔ̀ŋkà ètɨ̧ nɨ̧ a lob Mbɔ̧ɔ̧mà, mè ntaꞋa wua nkɔ̀ŋkà bòt aa me ŋa kènuke abua yɨ̧, ntsàꞋtè àwɨ̧ a èsà̧aã tèwentsə.

Lûk 12:33

Bɨ̀ fɨ̧̀ɨ̧̀ne èghɨ bɨ̧ ègème, ngàbtè èkab abua bòt mbuŋ. Bɨ̀ kɨ ntaꞋte kà wu lène, mpàŋe èghɨ èkab bɨ̧ a èbèm, nɔ̀ŋè a ègwet, è wù àdziꞋa kà èghɨ mbɔŋ e wu li lɔ̀Ꞌɔ emǐ, tsɔŋ ka wu li elɔ̀Ꞌɔ etsě a ngèt, èsoꞋo è ka meè ngu lɔ̀Ꞌɔ àlia ekwele la.

Lûk 12:56

Ye bòt ko bɔ̀ɔ shua nê bɔ wu àghɨa kà wu yùà la. Bɨà nkoa ndȩ̀à ègwelebuule nè sitsǎꞋ shua ndɨ àa wu la. Ghǎ ghɨ̂ ka bɨ̀ ka wu eko shu ndɨ àbȩ àa la à?

Lûk 13:15

Yesò bɨ̀ɨ̀lè èngǎ̧ tò nê, “Ye awɨ̧, bɨ̀a bòt ko, bɨ̀a ngɨ̀ bɨ me shu ànəê, mbɔ̂ ngɨ̀à àyea tsa la. Wòt wu ane yɨ̧ tàa sǎ mpɔ̀ŋ zi, kò loà vi leꞋ a èbem àkàt àliapfəèa Bèjuê kà yaa enɨ ghǎ ŋa mèleb abua tò la wu wàà?

Lûk 20:46

“Bɨ̀ me ko awɨ̧ ane bènyɨꞋtà mbɨ̧te Musì. Bɔ taꞋa wua nkɔ̀ŋkà me kwaãaã mèmǎ̧ mɔb ngȩ̀ȩ̀nà, mè ntàꞋa wua nkɔ̀ŋkà bòt aa me tsàꞋtè àwɔb mè nkùkte awɔb àsà̧aã tèwentsə. Bɔ̀ɔ ngɨ̀ bɔ gha èdziꞋi mèpà̧, bɔ̂ lobte Mbɔ̧ɔ̧mà bɔ me kɨ wu ètɨ̧ ntsɔ̧̀ ka tseke a ègwet.

Lûk 6:24

Aa li bɨ̀a awɨ̧, bɨ̀a wu bɨ̀ wu bòt èghɨ nyaŋ àfɨ̀Ꞌ yaa la, bɨ bɔ mèntsèke lèyu mɨ̧ tè ndɔ̀Ꞌ.

Lûk 6:42

À ghɨ̀ na me shu abua wanyɨ wè nê tà tsiꞋ yè tsì kèsaabe àyɨt fu a èghɨ tò la, nè ndɨ à bɔ taꞋà mpɨ̀ŋ a lê nè èghɨ la à? Àwɔ̀ wu àa shua nê ye wu àghɨa kà wu yùà la, bɨa ntsì mpɨ̀ŋ yu a èghɨ lê la mbɨ̀Ꞌɨ̀ e ko ye èdziꞋ ntsɔ̧̀ etsì alaate àyɨt yu a èghɨ wanyɨ wè la.

Jɔ̌n 13:29

Èbeko e me mɨ̀ɨ̀te nê Yesò shu abua Judàs nê, tà gha nju̧ èghɨ bɔ̀ɔ baãaãte àdziꞋa èpà̧ wu la, mbə tà ŋà àghɨa ko abua bòt ntseb, na tà li ngu wòt tàa mpàŋa ambè èkab la.

Jɔ̌n 5:41

“Maa kà kɨ mèngùꞋte è dzə abua bɔbȩ la,

Jɔ̌n 5:44

Bɨ̀a nkɔ̀ŋkà wòt wɨ̧ naa me wùꞋtè wanyɨ vi, ka bɨ̀ ka wua nyɔ̀Ꞌtà nkɨ̌ è ghɨ̌ èghɨ ndàꞋa Mbɔ̧ɔ̧mà nàa wùꞋtè àwɨ̧ la.

Jɔ̌n 7:18

Wòt tàa ndaꞋa ane èlen li zìambɔŋ la wua nkɨà mbɨ̀Ꞌɨ̀ bòt aa me ŋeꞋe atò a ègwet, ka wòt tàa nkɨà nê bɔ̀ ŋeꞋe wuê èlen wòt wu tà tsàà avi la, wua ndàꞋa nkûŋ, ànəa ko à ka wu ane tò è wu ànəa fɨte la.

ÀfaꞋa 10:2

Ta li ngu wòt Mbɔ̧ɔ̧mà, me wùꞋtè a Mbɔ̧ɔ̧mà bɔ̂ bòt bi bàgème, mè ntàꞋa wua ntɨ̀ŋa bòt ntseb ayɔɔ Bèjuê, mè ntsàꞋtà a Mbɔ̧ɔ̧mà àfɨ̀Ꞌ àgème.

ÀfaꞋa 10:31

nê, ‘Kɔ̀nelìà! Mbɔ̧ɔ̧mà è zə àtsàꞋtè ayê, mè nkù̧ù̧te àfaꞋa ntsɔ̧̀ àyê adù̧ bòt ntseb.

ÀfaꞋa 10:4

Tà tsitè àghɨ azi ane tò, ènyit tò e kȩ. Tà bɔ̂ mbììte a wantu̧ wu nê, “Tê, à kɨa ghà à?” Wantu̧ wu bɨ̀ɨ̀lè nê, “Ntsɔ̧̀ wu àa ngɨa ane bòt ntseb la, nè ndɨ̀ wu àa ntsàꞋta Mbɔ̧ɔ̧mà la e ghɨ̂ tà kù̧ù̧te awê.

ÀfaꞋa 11:29

Bɔkatè Yesò bu e làŋkè nê waa waa ane yɔb chùbtè àghɨa ye bɔ la, bɔ tsaa nɨŋ ntɨ̀ŋe bɔnyɨ bɔb bu a Jùdià la.

ÀfaꞋa 24:17

“E ndi ntsèke ane mèngùꞋ nyaŋ kà gha a Jèlusalèm. Ndɔ̀Ꞌ ale, ka nê e kɨ eghǎ abàꞋ və enɨ èkab ko eghǎ eŋa abua Bèjuê ba ko. E ndi ngua ngà mɨ̧̂ ekɨ̧ɨ̧me nyà̧ enɨ ŋa mènkɔ̀ŋke abua Mbɔ̧ɔ̧mà.

ÀfaꞋa 9:36

Àvi kǒ li ngu a Jopà, èlen tò wu Tàbità, tà wu wakatè Yesò la. (Ane ndɨ̧ Glɨ̂k èlen tò lu wu Dɔkàs, ngua shua nê tà wu èmvə.) Tà li ntàꞋa wua ngɨ̀à ntsɔ̧̀ mè ntɨ̀ŋa bòt ntseb àfɨ̀Ꞌ àgème.

Lûm 12:8

Wòt èwe tò nè èghàb wu màndzìa mèntɨ̧ɨ̧ bòt la, tà me zǐ, wòt èwe tò wu màŋa èghɨ abua bòt la, tà me ŋa ka kuule abua. Wòt tà wu àtsə bòt la, me fàꞋa ntsɔ̧̀, wòt tàa ngɨa ntsɔ̧̀ la me ghɨ nê àŋwàŋne.

1 Kɔlìn 13:3

E màà ŋǎ wuê èghɨ mâ bɔ la abua bòt, tè ŋa fɔ̀ɔ̀le mbɨ̧̀ ènyit yaã nê bɔ̀ to̧a, ka mbakà wua nkɔ̀ŋkà bòt, ko àbȩ̀ ko màa bɔ la a ntsě.

Gàlashìà 2:10

NdàꞋ ànəa bɔ li shu la wu nê, bà me ku̧u̧te bòt ntseb àfɨ̀Ꞌ àgème, è wù àghɨa e ndi ngua mɨɨta è ghɨ̀ la.

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

1 Tèsàlonikà 2:6

Ba li bà ka wua nyɔ̀Ꞌtà nkɨà bòt aa me kukte awa ka wuê bɨ̀a kò bòt ko tsa leꞋ, è wu àghɨa bàa mbɨ̀Ꞌɨ̀ bɔntu̧ Yesò Klistò e wu ko e ghɨ̀ la.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

Fȩlemùn 1:7

Wanɔ̧, èkɔŋ wu à bɔŋ ane bòt Mbɔ̧ɔ̧mà la e taꞋa lɔ̀kte èntɨ̧ɨ̧ am, mè ngɨ̀ e ntaꞋa bɔ mèngùꞋte, nkàà nê à ghɨ mèntɨ̧ɨ̧ bòt Mbɔ̧ɔ̧mà me bɔ̌.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.