Matìù 5:7 - Mundani

⁷ Ntsɔ̧̀ wu bòt bu bɔ̀ɔ nkùa tèsȩte èbeko la, Mbɔ̧ɔ̧mà naa li ku tɔb ne tèsȩ.

Matìù 5:7 ပူးပေါင်းရင်းမြစ်များ

Ntu̧ Ntsɔ̧̀ MAK 11:25

À tɨ̧ me tsàꞋte a Mbɔ̧ɔ̧mà, à waꞋa kàbɔ̀ŋ bòt e ghɨ ane yê la, mbɨ̀Ꞌɨ̀ Tǎt wè wu a ègwet la naa waꞋa kàbɔ̀ŋ wê mɨ̧̂. [

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Lûm 11:30

Bɨ̀a bòt kà wu Bèjuê è le kaꞋa wua ndzəa Mbɔ̧ɔ̧mà, ka àfɨ̀Ꞌ yaa tà ku tèsȩ tɨ̧, ndɨ̀ wu Bèjuê àa ka zə atò la.

1 Kɔlìn 7:25

È me wu ane ànəa bòt kà yɔꞋ, ko ànəa ko Tè Yesò shu am nê è ndaꞋa la a ntsě, ka maa shu ndɨ màa ndzea la, mbɨ̀Ꞌɨ̀ wòt Tè Yesò nɨ tèsȩ ti ngɨ̀ tà kùꞋù è we bòt àa lɨ̀Ꞌɨ̀ àwɔb ane tò la.

2 Kɔlìn 4:1

Ale, ndɨ̀ wu Mbɔ̧ɔ̧mà nɨ tèsȩ ti ŋà àwa àfàꞋ màshua bòt mènəè Fo Mbɔ̧ɔ̧mà maa la, baa kà kaãaã a mà faꞋa.

Efesɔ̀s 4:32

Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

1 Tɔ̀màtià 1:16

Ka Yesò Klistò li nkù tèsȩ taã, è ngu wòt kàbɔ̀ŋ mbì la, mbɨ̀Ꞌɨ̀ enɨ e nyɨꞋte bɔbȩ ndɨ ye wu mbɔɔlà wòt ane àlia nè àlia la. Tà li ngùa nyɨ̀Ꞌta àyaa ane àlȩê enɨ elɔ̀ktè àtsəa bòt bu bɔ̀ɔ zì mèntɨ̧ɨ̧ mɔb ane tò, taa ŋa awɔb mèmpème kàlìà la.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

Jimsì 2:13

Aa ale nkàà nê, Mbɔ̧ɔ̧mà naa li saꞋa bòt bu bɔ̀ɔ ka ku tèsȩ la kà ku tèsȩ. Ka bòt bu bɔ̀ɔ nkua tèsȩ la e bakà tsi mbɔ̌ ndɨ bɔ̀ɔ mèe me bɔɔ èsaꞋa Mbɔ̧ɔ̧mà la.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

1 Pità 2:10

È li ngu àfɨ̀Ꞌ àko bɨ̀ ka wu bòt Mbɔ̧ɔ̧mà, ka nè àfɨ̀Ꞌ yaa bɨ̀ tsiꞋi bòt tò. È li ngu àfɨ̀Ꞌ àko Mbɔ̧ɔ̧mà kà wua nkua tèsȩ tɨ̧, ka nè àfɨ̀Ꞌ yaa tà ku tèsȩ tɨ̧.