Matìù 5:6 - Mundani

⁶ Ntsɔ̧̀ wu bòt bu bɔ̀ɔ mbê ndâ nkɨ ghɨ̌ àghɨa Mbɔ̧ɔ̧mà nàa nkɨà la, Mbɔ̧ɔ̧mà naa ghɨ̌ aa wu ale.

Matìù 5:6 ပူးပေါင်းရင်းမြစ်များ

Lûk 1:53

Tà jɨɨ bòt ndzìtsə tèa nkua wɔb la ane èghɨ ntsɔ̧̀, èfèle bòt èkab bɔ ghà èbu fə.

Lûk 6:21

Ntsɔ̧̀ wu bɨ̀a wu ndzìtsə tèa nkua wɨ̧ àfɨ̀Ꞌ yaa la, bɨa li jɨ te yele. Ntsɔ̧̀ wu bɨ̀a wu bɨ̀a ndɨ̀à àfɨ̀Ꞌ yaa la, bɨa li tsoꞋo.

Lûk 6:25

Aa li bɨ̀a awɨ̧, bɨ̀a wu bɨ̀a njɨ̀a àfɨ̀Ꞌ yaa ndzèla la, bɨa li tseke ndzìtsə. Aa li bɨa awɨ̧, bɨ̀a wu bɨ̀a ntsòꞋa ngùꞋtà àwɨ̧ àfɨ̀Ꞌ yaa la, bɨa li lù èvə me dɨ̀ mèsi.

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

Jɔ̌n 6:27

Bɨ̀ ka ŋà àtsəa yɨ̧ ane èghɨjɨ àa lɔ̀Ꞌɔ elìa la. Ka bɨ̀ ŋa wuê ane èghɨjɨ bu àa ŋǎ mèmpème kàlìà la. Eyaa wu èghɨjɨ bu Waã Wòt nàa ŋa abua yɨ̧ la, nkàà nê wu tòà Tǎt wa Mbɔ̧ɔ̧mà nyɨꞋtè nê tà wu wòt ye laa nê tà me ghɨ àfàꞋ yaa la.”

Jɔ̌n 7:37

È tseke tè ngu àlia màndia, è wu kwàꞋ àlia nɨ̧ ane èpǎ̧ wu la, Yesò lɔ̀Ꞌɔ a si ndɔ̀kè àtɔŋ zi ntsaa ègwet nê, “Àtɔŋ wòt a yu̧a tà kɨ̀Ꞌɨ̂ e ŋa mèleb tà nu.

Ètsə 7:16

Ndzəètsə tè ka li tsi eku awɔb a, ètɔŋ bɔb è ka wu li tsi eyu̧. Nyèm ka li tsi ete awɔb a, è kà mě ngu li tsi etɔ̧̀ɔ̧̀tè àwɔb.