Matìù 5:46 - Mundani

⁴⁶ Bɨ me kɔ̀ŋkè wuê bòt bu bɔ̀ɔ nkɔ̀ŋkà àwɨ̧ la, ko àbȩ̀ yɨ̧ wu ghà à? Ka wuê bòt bu bɔ̀ɔ nɨ̀a èkab taksì la a ngɨ̀à wuê a èlɨ mbɔŋ à?

Matìù 5:46 ပူးပေါင်းရင်းမြစ်များ

Matìù 11:19

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ ko’. A batè ngu ale, ka bòt e bɔ̂ ndâ me ye èyǐ Mbɔ̧ɔ̧mà ane èghɨ èyǐ mbɔŋ àa ngɨ̀à la.”

Matìù 18:17

Bɨ làꞋ ale tà bakà mè mbɨ̧̀ɨ̧̀ne, bɨ ghà shu ànəa àgème abua chɔsì, tà bakà mè njùte ànəa chɔsì è shu abua tò la, bɨ tsì àwɨ̧ ane tò mbɨ̀Ꞌɨ̀ bɨ̀a ntsìà ane wòt tàa nɨa èkab taksì nè wòt kà ko a Mbɔ̧ɔ̧mà la.

Matìù 5:47

Bɨ me tsàꞋte wuê ndàꞋà bɔnyɨ bɨ̧, bɨ ko nê bɨ ghɨ ghà tè ntsè bòt ko à? Ka bòt bu kà ko a Mbɔ̧ɔ̧mà la aà ngɨ̀à wuê a èlɨ mbɔŋ à?

Matìù 6:1

“Bɨ̀ me ko mbɨ̀Ꞌɨ̀ ka bɨ me ghɨ̀ èghɨ bɨ̀a ngɨa ane èlen Mbɔ̧ɔ̧mà la a kètsìà banɔ̧̀ mbɨ̀Ꞌɨ̀ bɔɔ ye. Bɨ me ghɨ̀ ale, ko bɨ̀ ka bɔ àbȩ̀ abua tǎt wɨ̧ wu a ègwet la a.

Ntu̧ Ntsɔ̧̀ MAK 2:15

Mbɨ̀Ꞌɨ̀ Yesò tsekè me jɨ èghɨ a lob Levì la, bòt nyaŋ bɔ̀ɔ nɨ̀a èkab taksì la nè bòt kàbɔ̀ŋ e tsekè a si bɔ̂ Yesò ba nè bɔkatè tò me jɨ èghɨjɨ. A li ngu anè nkàà nê èwuu bòt bàa e li ntàꞋa wua nkuŋa tò.

Ntu̧ Ntsɔ̧̀ MAK 2:16

BènyɨꞋtà mbɨ̧te Musì ko è wu Bèfalèsiì la e ye ndɨ tà fɔta èghɨjɨ bɔ̂ bènɨa èkab taksì nè bòt kàbɔ̀ŋ la, mbììtè bɔkatè Yesò bu nê, “Tà ghɨ̀ na ka me fɔte èghɨjɨ bɔ̂ èwuu bòt ba à?”

Lûk 15:1

È le wu àfɨ̀Ꞌ àko bèmbaãaã taksì nè bòt bɔ tsì àwɔb ayɔɔ la, bɔ kɨꞋɨ eyute àghɨa Yesò lè wua shua la.

Lûk 18:13

“È me wu a fetà èkab taksì wu, tà tɨ̧ɨ̧ a endɨ̌, tà kà lem ndɔ̀kè àtsə azi a ègwet, mbɔ̂ màꞋà èbu bi a tèkwȩ ti shuê nê, ‘Mbɔ̧ɔ̧mà, ku tèsȩ taã, e ngu wòt kàbɔ̀ŋ.’ ”

Lûk 19:2

Tǎt bèfetà èkab taksì kǒ tà lè taꞋa bɔ èghɨ la wu àpfəè və, bɔ mè tɔ̀ atò nê Zàkià.

Lûk 19:7

Bòt bu bàgème bɔ wu abot la, bɔ bùꞋ me lèmte shùa nê, “Tà gha eli a lob wòt mènəè kàbɔ̀ŋ?”

Lûk 3:12

Tà shu ale, bèfetà èkab taksì èko bɔ kɨꞋɨ̀ bɔɔ zì àwɔb a èdzî la, e biite a Jɔ̌n wu nê, “Tê, bàa ghɨ̀ naà?”

Lûk 5:29

Levì kàꞋà taꞋa èpǎ̧ abua tò a lob zi. Bènɨa èkab taksì nyaŋ nè bòt ko tsa e li ngua njɨ̀a bɔ̂ tò ba.

Lûk 5:30

Bèfalèsiì nè bènyɨꞋtà mbɨ̧te Musì bɔb e biite bɔkatè Yesò nê, “Ghǎ ghɨ̂ ka bɨ me jɨ mè nua bɨ bènɨa èkab taksì nè bòt kàbɔ̀ŋ à?”

Lûk 7:29

Mbɨ̀Ꞌɨ̀ bɔ zə àghɨa Yesò è shu la, bòt nyaŋ fɔ̀ɔ̀le nè bèmbaãaã taksì e bɨ̧ɨ̧ne nê alu̧ Mbɔ̧ɔ̧mà wu alu̧ nkûŋ, nkàà nê bɔ li ndzaŋe bɨ̧ɨ̧ne èngǎ̧ Jɔ̌n mɨ̧̂ tè tà zì àwɔb a èdzî.

Lûk 7:34

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ!’