Matìù 5:3 - Mundani

³ “Ntsɔ̧̀ wu bòt bu bɔ ko nê, bɔ wu bòt mbuŋ a mbì Mbɔ̧ɔ̧mà la. Kèfɔ̧̀ Mbɔ̧ɔ̧mà wu abua yɔb.

Matìù 5:3 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Matìù 11:6

Ntsɔ̧̀ wu wòt wu tàa ka màkè àghɨa è ngu yùà la.”

Matìù 13:16

È me wu awɨ̧ ko bɨ wu ane ntsɔ̧̀ nkàà nê, àghɨ ayɨ̧ aa ndzea, ètû̧ bɨ̧ e zəa.

Matìù 19:14

Yesò shuê nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨꞋɨ̀ bɔ̀ɔ̀ba wàà.”

Matìù 24:46

WafàꞋ ngaa naa taꞋa wùꞋtè àvi, na tǎt àfàꞋ tò me kɨꞋɨ àpfəè ndze atò fàꞋà la.

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 8:11

TsiꞋ è shua wɨ̧ nê, bòt nyaŋ aa li dzə a bètɔꞋɔ ngɔ̀ŋ ekɨꞋɨ etseke a si bɔ̂ Abàlàghâm ba nè Asàk nè Jàkɔ̂b àdziꞋa èpǎ̧ wu a èbem ngɔ̀ŋ fi a kèfɔ̧̀ Mbɔ̧ɔ̧mà la.

Ntu̧ Ntsɔ̧̀ MAK 10:14

Yesò è ye ndɨ bɔ ghɨ̀à la, a saa tò tà shu abua bɔkatè bi bu nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨ̀Ꞌɨ̀ bɔ̀ɔ̀ba wàà.

Lûk 11:28

Yesò bɨ̀ɨ̀lè èngǎ̧ tò nê, “ÀwɔꞋ, ntsɔ̧̀ wu wuê bòt bu bɔ zə èngǎ̧ Mbɔ̧ɔ̧mà mè ngɨ̀ àghɨa èa shuà la.”

Lûk 18:14

Yesò nê, “TsiꞋ è shu awɨ̧ nê, wu ndàꞋa fetà èkab taksì waa tà li me laꞋnê yea ngà àpfəè, Mbɔ̧ɔ̧mà ghɨ̀ mènəè tò tɨ̧ɨ̧ ndɨŋndɨ̀ŋ a mbì li la. Aa ale nkàà nê wòt ègème tàa ŋèꞋe avi a ègwet la, Mbɔ̧ɔ̧mà naa shuke atò a si, è we tà nɨ avi a si la, Mbɔ̧ɔ̧mà ŋèꞋe atò a ègwet.”

Lûk 22:29

Ale, mbɨ̀Ꞌɨ̀ Tǎt am è yɔꞋ am ane Fɔ̧̀ la, wu ndɨ màa yɔꞋɔ awɨ̧ la.

Lûk 22:30

Bɨa li jɨ e mě nu ne nà̧ àfɨꞋa màa li tseke a ègwet àtɨ̧ kèfɔ̧̀ am la. ÀfɨꞋa mbɔŋ bɨa tsekte a ègwet ètɨ̧ nɨ̧, ka me saꞋa lətelob bòt Izəèlȩê tu èghem ntsɔ̀b tebe la.”

Lûk 4:18

“Fo Tǎt wa Mbɔ̧ɔ̧mà wu ane yaã, nkàà nê tà yɔꞋɔ am nê e nga ntsɔ̀tè Ntu̧ Ntsɔ̧̀ abua bòt mbuŋ. Tà tu̧u̧ am nê, è ntsɔ̀ta nê bòt mènəè è kuule awɔb la, è dzəa, mè ngɨ̀ bòt àghɨ àleme è me ye èdziꞋ. Tà tu̧u̧ am nê, è ntsì bòt ngoꞋ a èbem ngoꞋtsə,

Jɔ̌n 20:29

Yesò nê, “À bɨ̧ɨ̧nè àfɨ̀Ꞌ yaa ambo na à ye am la à? Ntsɔ̧̀ wu bòt bu bɔ baka ye mbɔ̂ mbɨ̧̀ɨ̧̀ne la.”

Jimsì 1:10

È wu tà wu wòt èkab la wùꞋtè àvi nê Mbɔ̧ɔ̧mà shuke atò a si, nkàà nê tà ko nê yea pfə wuê mbɨꞋɨ̀ ètesɔɔ bafəèꞋ àa ngɨ̀ e yu̧ nkwènte a si la.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

Ètsə 19:9

Wantu̧ Mbɔ̧ɔ̧mà wu shu abua am nê “Shɨ ayaa a si: Ntsɔ̧̀ wu bòt bu bɔ tɔ awɔb nê bɔ̀ kɨꞋɨ njɨ èpǎ̧ ndzɔꞋɔ Wanjɨ̀ wu la.” Tà mè shu abua am nê, “Eyaa wu mèngǎ̧ nkûŋ è dzəè abua Mbɔ̧ɔ̧mà la.”

Ètsə 22:14

Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.

Ètsə 3:17

Bɨà shua nê bɨ wu bòt èsi ntsɔ̧̀, mbɔ àghɨ àgème, tè bɨ ka tsi ngua mbùa àghɨ. Ka bɨà shua ale bɨ̀ ka lem nko nê bɨ bakà bɔ àghɨ, ngu mbɨ̀Ꞌɨ̀ bòt bòt aa me ku tèsȩ tɨ̧ la, ngȩ̀ȩ̀nà mbɨ̀Ꞌɨ̀ bòt ntseb kà kwaãaã ndǐtsə, mè ngu mbɨ̀Ꞌɨ̀ bòt àghɨ àleme.