Matìù 5:28 - Mundani

²⁸ Ka e ngua shua wɨ̧ nê, wòt tà ye àvi mɨ̀ɨ̀tè nê ye wu paꞋte atò la, è jɨ̀ àbȩ bɔ̂ tò a èntɨ̧ɨ̧ vi tè ndɔ̀Ꞌ.

Matìù 5:28 ပူးပေါင်းရင်းမြစ်များ

Matìù 15:19

Ngu nê èghɨ àa ndzəa èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màmbuŋa wɔ̀bȩ̂, mànjɨa àbȩ, màpaꞋte wòt kà bɨ tò eyɔꞋ, màntsɔa, màndzia mèfà̧ àtsəa bòt, mè nè màntsoke èlen wòt.

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Matìù 5:39

Ka e ngua shua wɨ̧ nê, wòt ka mvəè èsiꞋ ane wòt tà ghɨ atò a kàbɔ̀ŋ la. Wòt dèbè ngòꞋ àbâ àbualu̧ ayê à gheble ye kǒ tà dèb.

Lûm 7:14

Baà ko nê mbɨ̧ yaa dzəa abua Mbɔ̧ɔ̧mà, ka e ngu wuê wɔ̀bȩ̂, mè ngu àbùꞋ abua kàbɔ̀ŋ.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

1 Jɔ̌n 2:16

Èghɨ bu ègème a ngɔ̀ŋ ŋaa, è wu èghɨ mbɨ̧̀ ènyit nàa nkɨà la, nè èghɨ bòt àa ndzea mè nkɨà la, nè àghɨ àgème a sitsǎꞋ ŋàa bòt àa ŋèꞋa tèkwȩ tɔb adù̧ la, è ka dzə abua Tǎt wa Mbɔ̧ɔ̧mà. Èghɨ mbɔŋ wu èghɨ sitsǎꞋ.