“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.
A màà mbakà wu ale, ko àfuꞋ ànɨ̧ a ghàbtè àwa ba nè ba. BetsiꞋa wòt kà lɔꞋɔ adzìꞋ ya nkɨ̀Ꞌɨ̂ ayɨ̧ ne adzìꞋ yu. Wòt kà meè ngu ko elɔ̀Ꞌɔ ayɨ̧ ne adzìꞋ etu̧ àfuꞋa mbɔŋ ekɨꞋɨ aya mɨ̧̂.’
Mbɔ̧ɔ̧mà nàà li ghɨ̌ bɔɔ ye ngoꞋ kèkweelè kà wu li e lìa. NgoꞋ yaa wu nê taa lo awɔb etsǐ ane Yesò, e ghɨ̌ bɔɔ baka ye ènɨ̧ tò wu e ghe la.
Aa ale nkàà nê, Mbɔ̧ɔ̧mà naa li saꞋa bòt bu bɔ̀ɔ ka ku tèsȩ la kà ku tèsȩ. Ka bòt bu bɔ̀ɔ nkua tèsȩ la e bakà tsi mbɔ̌ ndɨ bɔ̀ɔ mèe me bɔɔ èsaꞋa Mbɔ̧ɔ̧mà la.