Matìù 5:19 - Mundani

¹⁹ È wu ale, wòt tà tu̧ nɔ̀ŋè ka wuê awa mbɨ̧ kǒ ane tu te lìa kwèn la, mbɔ̂ fɨte bòt ko nê bɔ̀ ghɨ mbɨ̀Ꞌɨ̀ zìa la, naa li wu tandiakwèn a kèfɔ̧̀ Mbɔ̧ɔ̧mà. Ka wòt tàa nɔ̀ŋà mbɨ̧te mbɔŋ mè nyɨ̀Ꞌta bòt nê bɔ̀ me ghɨ̀ wuê a èlɨ mbɔŋ la, naa li wu wòt ènɨ̧ a kèfɔ̧̀ Mbɔ̧ɔ̧mà.

Matìù 5:19 ပူးပေါင်းရင်းမြစ်များ

Matìù 11:11

Ane nkûŋ, tsiꞋ è shu awɨ̧ nê bɔ bakà li tè me bi wòt kǒ tà tsèa Jɔ̌n ndzìà èdzî la, ka wòt tà wu tandiakwèn a kèfɔ̧̀ Mbɔ̧ɔ̧mà la, è tsě a Jɔ̌n.

Matìù 19:28

Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

Matìù 20:26

À bakà bɔ ndɨ àa wu anè a kètsìà wɨ̧ la, ka wòt me kɨ ewu wɔ̀jûŋ ayɔɔ yɨ̧ tà bɔ ndɨ tàa wu mbɨꞋɨ̀ wafàꞋ abua ebeko la,

Matìù 28:20

mbɔ̂ nyɨ̀Ꞌte awɔb nê bɔ̀ me ghɨ̌ àghɨ àgème e ndi shu awɨ̧ la, nko nê maa wu nè nɨ̧̀ tê ghǎ dzəâ àfɨꞋa ngɔ̀ŋ nàa li lìà la.”

Lûk 1:15

Taa li wu wòt nɨ̧ a mbì Mbɔ̧ɔ̧mà. Tà ka li nu mèlùꞋ kèkweelè à, Mbɔ̧ɔ̧mà mè ngu elu̧u̧ne èntɨ̧ɨ̧ tò nè Fo Kèfə ka bɔɔ bi atò.

Lûk 11:42

“Aa li bɨa awɨ̧, bɨ̀a Bèfalèsiì, bɨ̀a ngɨ̀ bɨ ghàbtè èghɨ mbȩ bɨ̧ ane èdziꞋ èghem, ègha wu ka wuê ane tèfɔbtsə, ŋǎ èghab Mbɔ̧ɔ̧mà. Ka bɨ̀ ka wua nkɨ̀a nê mènəè mɨ̧ tɨ̧ɨ̧ ndɨŋndɨ̀ŋ, bɨ̀ ka mě ngua nkɔ̀ŋkà Mbɔ̧ɔ̧mà. Eyaa wu èghɨ bɨ bɔ ndɨ bɨ̀a ghɨ̀ ka waꞋa ebeko bu la.

Lûk 9:48

mbɔ̂ shu abua yɔb nê, “Wòt sèè watèchɨɨle kǒ mbɨ̀Ꞌɨ̀ waa ane èlen laã, tà ko nê ye wua sèè am. Wòt tà sèè am la, ko nê ye sèè wòt wu tà tsàà am la. Ngu nê wòt tà wu a kwèn ane yɨ̧ la è tsě bòt bàgème.”

ÀfaꞋa 1:1

Wòt èkɔŋ am Tìofilɔ̀s, e ndi shɨ̀ mènəè Yesò li ngɨ̀ mè nyɨ̀Ꞌte àfɨꞋa tà li mbùꞋa àfàꞋ àzi la,

Lûm 3:8

Tè betsiꞋa wòt me ghɨa kàbɔ̀ŋ mbɨ̀Ꞌɨ̀ me ye a ntsɔ̧̀? Eyaa wu àghɨa bòt ko àa ntsɔ̧̀ɔ̧̀tà àwa, shua nê wu àghɨa bàa ndàꞋà la. Bɔ̀ɔ ye ngoꞋ ane àghɨa bɔ̀ɔ ngɨ̀à la.

Lûm 6:1

Bà wu anè e laꞋ nê ghàà? Tè bàa me ghɨa kàbɔ̀ŋ ngà wuê nè mbì mbɨ̀Ꞌɨ̀ Mbɔ̧ɔ̧mà naa me nyɨꞋta ntsɔ̧̀ vi abua ya nɨ̀a ngà nè mbì?

Lûm 6:15

Tè àa wu naa? Tè baa me ghɨ̀ wuê a kàbɔ̀ŋ ndɨ̀ wu è te ntsě ànəa mbɨ̧, è tsìꞋi wuê ànəa ntsɔ̧̀ Mbɔ̧ɔ̧mà la? BetsiꞋa à ka wu ale!

1 Tɔ̀màtià 6:11

Ka àwɔ̀, wòt Mbɔ̧ɔ̧mà, à ka ndzì àbu ayê ane àghɨ ako ane èghɨ ba mâ tɨ̧ɨ̧ tê ndɔ̀Ꞌ la. NyɔꞋta me ghɨ̀ àghɨa Mbɔ̧ɔ̧mà nàa nkɨà la mè me zə wuê atò, mè ndzìà èntɨ̧ɨ̧ wê wuê ane tò, mè nèètà nkɔ̀ŋkà bɔbȩ ko. Me kuule èntɨ̧ɨ̧ wê mè njùa ane mènəè mê.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

1 Pità 5:4

Bɨ me ghɨ̀ ale, ko naa li ngu àfɨꞋa Yesò Klistò wu tà wù àtsəa bèmbaabà njɨ̀ la è kɨꞋɨ la, tà tsɔ̀Ꞌɔ àfàꞋ àyɨ̧ nè ènɨ̧ vi wu kà wu li elìa la.

1 Jɔ̌n 3:4

Waa waa tàa ngɨ̀à kàbɔ̀ŋ la ko nê ye pààte mbɨ̧te Mbɔ̧ɔ̧mà, ngu nê màngɨa kàbɔ̀ŋ wu màntu̧a Mbɔ̧ɔ̧mà bɔ̂ mbɨ̧te tò.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.