Matìù 5:12 - Mundani

¹² Bɨ̀ wùꞋtè àwɨ̧, ènyit yɨ̧ è bɔ, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Eyaa wu ndɨ bɔ li ngùa nkɨ enɨ àtsəa bèndàꞋàtɔŋ Mbɔ̧ɔ̧mà bu be li ndɔ̀Ꞌ ngu a mbì lɨ̧ la.

Matìù 5:12 ပူးပေါင်းရင်းမြစ်များ

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Matìù 6:16

“Bɨ me kɨ etseke kà jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, bɨ̀ ka màꞋà tèsȩtsə ane yɨ̧ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà la àa ngɨ̀à la. Bɔ̀ɔ ngɨ̀ bɔ màꞋà ngɨ̧̀ɨ̧̀nè ane yɔb mbɨ̀Ꞌɨ̀ bòt aa ko nê bɔ wua ntsèka kà jɨ àghɨ. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Lûk 13:34

“Bòt Jèlusalèm, bòt Jèlusalèm leꞋ, èghǎ ghɨ̂ ka àfɨ̀Ꞌ àgème Mbɔ̧ɔ̧mà tsàà bèndàꞋàtɔŋ bi abua yɨ̧ la, bɨ me temte awɔb ane àti mbùŋè àwɔb à? Mâ laꞋnê e nkɨ efete awɨ̧ ngò̧ nyaŋ ebaabe awɨ̧ mbɨ̀Ꞌɨ̀ nyɨ̌nkɔ̀Ꞌ nàa ngɨ̀ efete bɔ̧ bi a èten tèbààbè ti la, ka bɨ̀ ka bɨ̧ɨ̧nè.

Lûk 6:23

“Bɨ̀ ben ngùꞋtè àwɨ̧, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Bɨ̀ ko nê eyaa wu ndɨ bètǎt nyaꞋ bɔb e li ngɨ ane bèndàꞋàtɔŋ nyaꞋ Mbɔ̧ɔ̧mà la.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

ÀfaꞋa 16:25

È lɔ̀Ꞌ me wu a èntɨ̧ɨ̧ ètsəꞋ Pɔ̂l bɔ̂ Sȩlàs e me tsàꞋtè a Mbɔ̧ɔ̧mà, mè nkɔ̧̀ɔ̧ mètsəkù̧ abua tò. Bɔtefȩ ko bu e me yute ndɨ bɔ kɔ̧ɔ̧ la.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

1 Kɔlìn 3:8

Wòt wu tà nyɔ̀Ꞌ la, nè wòt tà zì mèleb la e wua ngɨ̀à wuê àfàꞋ yeamɔꞋ, Mbɔ̧ɔ̧mà na li ŋa àbȩ̀ waa waa mbɨ̀Ꞌɨ̀ tà ghɨ àfàꞋ àzi la.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Filìpȩ 1:29

Aa ale nkàà nê, Mbɔ̧ɔ̧mà è ŋa awɨ̧ èlu̧ a màfaꞋa abua Yesò Klistò nê bɨ̀ ka me zì wuê ndàꞋ mèntɨ̧ɨ̧ mɨ̧ ane tò, tà ŋǎ nê bɨ̀ me ye ngoꞋ ambo ànəa tò mɨ̧̂.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Kɔ̀losìà 3:24

Bɨ̀ me ghɨ ale ndɨ̀ wu bɨ ko nê, Tè Yesò naa li eŋa wɨ̧ àghɨa tà paŋe abua bòt bi la ane àbȩ̀ a yɨ̧, nkàà nê wu Tè Yesò Klistò ka tà wu ngule wòt bɨ faꞋa abua tò la.

1 Tèsàlonikà 2:15

Bèjuê ngaa e li mbuŋe a Yesò Lefɨ̀Ꞌ, mbɨ̀Ꞌɨ̀ bɔ̀ le lɔ̂Ꞌ mbùŋè bèndàꞋàtɔŋ Mbɔ̧ɔ̧mà, mè me kɨ ètsə ba enɨ àfɨ̀Ꞌ yaa la. Bɔɔ ngɨ̀à ale, a bɨa Mbɔ̧ɔ̧mà, bɔ mè ntsìꞋi bɔmbù̧ ba,

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.

Ebùlù 11:26

Tà li nko nê ye tseka ane ngɨ̧̀ɨ̧̀nè nkàà ànəa Yesò Klistò, ko aa taꞋa bɔ̀ te ntsě ndɨ yea bɔ èghɨ ntsɔ̧̀ ègème a Ejìb la. Tà li ngɨ̀ anè nkàà nê èntɨ̧ɨ̧ tò e li ngu wuê ane àbȩ̀ yu tàa li lɔ̀Ꞌɔ ebɔ la.

Ebùlù 11:33

Èntɨ̧ɨ̧ wu bɔ̀ɔ wàa e li ndzi ane Mbɔ̧ɔ̧mà la e li ngɨ̀ bɔ nù èlaꞋ ntsè, ngɨ̀ àghɨa Mbɔ̧ɔ̧mà nàa nkɨa la, tà ŋà àwɔb àghɨa tà li nkàꞋ la. Bɔ li mè ngɨ̀ bèsambàŋ e katè mètsəê mɔb,

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Jimsì 1:2

Bɔnyɨ bɔ̧, ngoꞋtsə te kwene ane yɨ̧, ka te màà ngu wuê nà leꞋ, bɨ wùꞋtè àwɨ̧,

Jimsì 5:10

Bɔnyɨ bɔ̧, bɨ̀ ku̧u̧te bèndàꞋàtɔŋ Mbɔ̧ɔ̧mà bu bɔ li ngua ndaꞋa ane èlen tò la, nɨ̀a wɔb mbɨ̀Ꞌɨ̀ àlȩê bòt bu bɔ li nkùùle mèntɨ̧ɨ̧ mɔb, ndzě ngoꞋ la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.