Matìù 5:10 - Mundani

¹⁰ Ntsɔ̧̀ wu bòt bu bòt àa nkɨà àtsəa yɔb enɨ ndɨ̀ wu bɔ̀ɔ nkɨ e ghɨ̀ àghɨa Mbɔ̧ɔ̧mà nàa nkɨà la, kèfɔ̧̀ Mbɔ̧ɔ̧mà wu abua yɔb.

Matìù 5:10 ပူးပေါင်းရင်းမြစ်များ

Matìù 10:23

Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.

Matìù 19:14

Yesò shuê nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨꞋɨ̀ bɔ̀ɔ̀ba wàà.”

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 5:3

“Ntsɔ̧̀ wu bòt bu bɔ ko nê, bɔ wu bòt mbuŋ a mbì Mbɔ̧ɔ̧mà la. Kèfɔ̧̀ Mbɔ̧ɔ̧mà wu abua yɔb.

Ntu̧ Ntsɔ̧̀ MAK 10:14

Yesò è ye ndɨ bɔ ghɨ̀à la, a saa tò tà shu abua bɔkatè bi bu nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨ̀Ꞌɨ̀ bɔ̀ɔ̀ba wàà.

Ntu̧ Ntsɔ̧̀ MAK 10:30

nàà nga taꞋa ebɔ èghɨ ko tsa àfɨ̀Ꞌ yaa. Tàa bɔ èghɨ ngaa èdziꞋ ènkɨ̀, te tsě ndɨ e li nguê la, lobtsə, bɔnyɨ (mbâ̧ nè àvi), bènyɨ̌, bɔ̧, mbȩtsə, fɔ̀ɔ̀lè ne ndɨ bòt àa me kɨ àtsəa tò enɨ la. Tà bɔ̂ ngu e ghɨ̀ ale, e li bɔ mèmpème kàlìà mɨ̧̂ ane ngɔ̀ŋ yu nga ekɨꞋɨ la.

Lûk 21:12

“Ka èghɨ ngaa aa li me laꞋ nê aa ngɨ̀à, bɔ baãaã awɨ̧, ngɨ̧̀ɨ̧̀nè àwɨ̧, ntsàà àwɨ̧ a lobte Mbɔ̧ɔ̧mà Bèjuê bɔ saꞋa awɨ̧, màꞋà àwɨ̧ a tèfȩ. Bɔɔ li esəèŋnè àwɨ̧ enɨ kɨꞋɨ a mbì bèfɔ̧̀ nè bɔɔjuŋ àlaꞋ, ambo yaã.

Lûk 22:29

Ale, mbɨ̀Ꞌɨ̀ Tǎt am è yɔꞋ am ane Fɔ̧̀ la, wu ndɨ màa yɔꞋɔ awɨ̧ la.

Lûk 6:20

Yesò lɔ̀kè àvi shu abua bɔkatè bi bu nê, “Ntsɔ̧̀ wu bɨ̀a bòt mbuŋ, kèfɔ̧̀ Mbɔ̧ɔ̧mà wu abua yɨ̧.

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Jɔ̌n 15:20

Bɨ̀ ku̧u̧te èngǎ̧ wu mâ yaã shu abua yɨ̧ la, wafàꞋ bakà tse a tǎt àfàꞋ vi. È wu nê bɔ li ngua nkɨà àtsəa am enɨ, ko bɔɔ me kɨa ayɨ̧ enɨ mɨ̧̂. È wu nê, bɔ li ngɨ̀ mbɨ̀Ꞌɨ̀ èngǎ̧ am e shua la, ko bɔɔ̀ me ghɨ̌ mbɨꞋɨ̀ bɨ shu la mɨ̧̂.

ÀfaꞋa 5:40

AfɨꞋa mbɔŋ, bɔ tɔ bɔntu̧ Yesò bu a lob, ngɨ̀ bɔ nèètè shu̧u̧ awɔb, mbɔ̂ mè səèŋkè ètû̧ bɔb nê, ko mbɨ̀Ꞌɨ̀ bɨ lɔ̀Ꞌ àlia mè ndàꞋà èngà̧ ane èlen Yesò. Bɔ ghɨ̀ ale, mbɔ̂ sà àwɔb.

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Filìpȩ 1:28

Ko mbɨ̀Ꞌɨ̀ bɨ bê mbɔ̀ɔ bɔmbù̧ bɨ̧. Bɨ bakà bɔɔ̀, ko àyaa aa nyɨꞋte awɔb nê, bɔɔ leme, ka bɨ bɔ̂ ngu epeme, nkàà nê wu Mbɔ̧ɔ̧mà ka tàa ŋǎ mèmpème mbɔŋ abua yɨ̧ la.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

2 Tɔ̀màtià 3:11

À ko ndɨ bɔ li ngua nkɨà àtsə am enɨ ane ànəa Yesò la, nè ngoꞋ e ndi ndzě a Antìɔ̀k, nè Ikoniòm, bɔ̂ Lislà la. Bɔ li ntaꞋa nyɔ̀Ꞌte a mànɨa àtsəa am, ka Tǎt wa ghɨ̀ e mpeme èvə ane mènəè ngaa ègème.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Jimsì 5:11

Baa nɨa wɔb nê bɔ wu bòt mèngùꞋte, nkàà nê bɔ li nkùùle mèntɨ̧ɨ̧ mɔb tè ngà ndìà. Bɨ zə ndɨ Job li nkùùle èntɨ̧ɨ̧ vi la, mè nko ndɨ a li ngà me lìà Mbɔ̧ɔ̧mà lɔɔle atò la, nkàà nê Mbɔ̧ɔ̧mà taꞋa wua nkua tèsȩ, tà kà meè ngua nkɔ̀ŋkà nê wòt ye ngoꞋ.

1 Jɔ̌n 3:12

Bà ka ngu mbɨ̀Ꞌɨ̀ Kên, tà li ngu wòt Satàn wòt kàbɔ̀ŋ, mbùŋè wanyɨ vi Abèl la. Bɨ ko àghɨ yu a li ngɨ̀ ka tà buŋè wanyɨ vi la à? Wu nê, tà li ngua ngɨ̀à mènəè kà kùꞋ, wanyɨ tò me ghɨ̀ mènəè e kùꞋù la.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.