အွန်လိုင်း သမ္မာကျမ်းစာ

« အရင်

နောက်တစ်ခု »

Matìù 3:6 - Mundani

⁶ Bɔ gha ale, mbɨ̧ɨ̧nè mènəè kàbɔ̀ŋ mɔb, tà zì àwɔb a èdzî Jodàn.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matìù 3:6
35 ပူးပေါင်းရင်းမြစ်များ

Matìù 3:11

“Maà ndzìà wɨ̧ a èdzî nɨ̀a nyɨ̀Ꞌta nê bɨ waꞋa mènəè kàbɔ̀ŋ mɨ̧. Ka tòa wu nkɨ̀Ꞌa akwèn yaã la e taꞋa tsě am nyaŋ. E mbakà lem nkùꞋ èwe màa ŋeꞋe gubte tò la. Taa tsiꞋi me zǐ Fo Kèfə ane yɨ̧ nè èwet.

အခန်းကိုကြည့်ပါ။

Ntu̧ Ntsɔ̧̀ MAK 1:5

ÀlaꞋ a Jùdià nè bòt Jèlusalèm bàgème e li ngà abua tò, mbɨ̧̀ɨ̧̀nè mènəè kàbɔ̀ŋ mɔb, tà zì àwɔb a èdzî Jodàn.

အခန်းကိုကြည့်ပါ။

Lûk 1:16

Taa li ghɨ̌ bòt èpfəè àlaꞋ Izəèlȩê nyaŋ aa kua akwèn ekɨꞋɨ abua tǎt wɔb Mbɔ̧ɔ̧mà.

အခန်းကိုကြည့်ပါ။

Lûk 3:16

Jɔ̌n shu abua yɔb bàgème nê, “Maà ndzìà wɨ̧ a èdzî, ka wòt wu nkɨ̀Ꞌa la taꞋa tsě am nyaŋ. E mbakà lem nkùꞋ wòt tàa ŋɔꞋne a si eyààte mèliꞋ gubte tò la. Taa tsiꞋi me zǐ Fo Kèfə ane yɨ̧ nè èwet.

အခန်းကိုကြည့်ပါ။

ÀfaꞋa 1:5

Jɔ̌n li ngua ndzìà bòt a èdzî, ka èli ko aa me tsě, Mbɔ̧ɔ̧mà naa zǐ Fo Kèfə ane yɨ̧.”

အခန်းကိုကြည့်ပါ။

ÀfaꞋa 11:16

Ale, e ku̧u̧tè àghɨa Tè Yesò lè shuê la nê, ‘Jɔ̌n li ngua ndzìà bòt a èdzî, ka Mbɔ̧ɔ̧mà naa tsiꞋi ŋa awɨ̧ Fo Kèfə.’

အခန်းကိုကြည့်ပါ။

ÀfaꞋa 19:18

ÀfɨꞋa mbɔŋ bòt nyaŋ bɔ ghɨ ndzì mèntɨ̧ɨ̧ mɔb ane Yesò la e pùùlà a mbì ntùꞋtè mènəè kàbɔ̀ŋ bɔ ghɨ̀ la.

အခန်းကိုကြည့်ပါ။

ÀfaꞋa 22:16

È wu ale, à ka tsi ntsòkè àfɨ̀Ꞌ. Lɔ̀Ꞌɔ a si bɔ zì àwê a èdzî, tà waꞋa a kàbɔ̀ŋ wê mbɨ̀Ꞌɨ̀ àa ntsàꞋtà atò la.’ ”

အခန်းကိုကြည့်ပါ။

1 Kɔlìn 10:2

Bɔ li ndzì àwɔb a èdzî nè a èbem mbàꞋ bɔ tsiꞋi bòt bɔ̀ɔ nkuŋa Musì la.

အခန်းကိုကြည့်ပါ။

Kɔ̀losìà 2:12

Bɔ li ndzì àwɨ̧ a èdzî ale a wu nê bɨ pfəꞋtè bɔ tu awɨ̧ bɨ Yesò Klistò ba nɔ̂, bɔ mè ntsì àwɨ̧ ale a wu nê Mbɔ̧ɔ̧mà yu̧u̧me awɨ̧ bɨ Yesò ba nɔ̂. A li ngu anè nkàà nê, bɨ li ndzì èntɨ̧ɨ̧ wɨ̧ ane mètàŋ Mbɔ̧ɔ̧mà mu tà li nɨŋ njù̧ù̧me a Yesò la.

အခန်းကိုကြည့်ပါ။

Ebùlù 6:2

Bà ka tsi mè me làꞋa wuê ànəa balu̧ a màndzia èbem èdzî nè ànəa mànɔŋa èbu àtsəa bòt Mbɔ̧ɔ̧mà. Bà ka tsi me làꞋà wuê ndɨ bèmpfəà àa li yu̧u̧me la. Bà ka mè me làꞋa wuê ndɨ Mbɔ̧ɔ̧mà nàa li saꞋa bòt la.

အခန်းကိုကြည့်ပါ။

Ebùlù 9:10

Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.

အခန်းကိုကြည့်ပါ။

Jimsì 5:16

È wu ale, bɨ̀ me shu mènəè kàbɔ̀ŋ mɨ̧ abua bɔnyɨ bɨ̧, mè ntsàꞋta Mbɔ̧ɔ̧mà àtsəa waa waa mbɨ̀Ꞌɨ̀ ekweele. Wòt wu tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la nàa ngɨ̀ tà tsàꞋte atò, mèntsàꞋte mu bɔ mètàŋ, ànəa tà kɨa la a bê mè ngu wuê yùà.

အခန်းကိုကြည့်ပါ။

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

အခန်းကိုကြည့်ပါ။

1 Jɔ̌n 1:9

Ka ba bɨ̧ɨ̧ne mènəè kàbɔ̀ŋ ma a mbì Mbɔ̧ɔ̧mà, ko taa ghɨ̀ mbɨꞋɨ̀ tà li nkàꞋ la, e ghɨ̀ àghɨa a kùꞋù la, e waꞋà bèkàbɔ̀ŋ ba, e mě shùù awa ane èbɨꞋte ènəê ègème ba li mè ghɨ̀ la.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ