Matìù 3:11 - Mundani

¹¹ “Maà ndzìà wɨ̧ a èdzî nɨ̀a nyɨ̀Ꞌta nê bɨ waꞋa mènəè kàbɔ̀ŋ mɨ̧. Ka tòa wu nkɨ̀Ꞌa akwèn yaã la e taꞋa tsě am nyaŋ. E mbakà lem nkùꞋ èwe màa ŋeꞋe gubte tò la. Taa tsiꞋi me zǐ Fo Kèfə ane yɨ̧ nè èwet.

Matìù 3:11 ပူးပေါင်းရင်းမြစ်များ

Matìù 3:6

Bɔ gha ale, mbɨ̧ɨ̧nè mènəè kàbɔ̀ŋ mɔb, tà zì àwɔb a èdzî Jodàn.

Ntu̧ Ntsɔ̧̀ MAK 1:4

Ale, Jɔ̌n ndzìà èdzî li nkɨꞋɨ àbâ àlaꞋ àyuube me tsɔ̀te nê, “Bòt è waꞋa mènəè kàbɔ̀ŋ mɔb, nkɨ̀Ꞌɨ̂ bɔ̀ zì àwɔb a èdzî mbɨ̀Ꞌɨ̀ taa waꞋa mènəè kàbɔ̀ŋ mu bɔ̀ɔ ngɨ̀à la.”

Lûk 1:17

Mbɔ̧ɔ̧mà naa li zǐ Fo yu tà li ndzi ane Èlȩjà la ane tò, taa bɔ mètàŋ eghǎ a mbì Mbɔ̧ɔ̧mà. Taa ghɨ̌ ale mbɨ̀Ꞌɨ̀ gheble mèntɨ̧ɨ̧ bètǎt ètsəꞋne awɔb bɔ̂ bɔ̧ bɔb. Taa li gheble bòt àtsəa kekweelè, mbɨ̀Ꞌɨ̀ bɔɔ bɔ èyì elɔ̀Ꞌɔ kua akwèn e me kwàꞋtè mènəè mbɨ̀Ꞌɨ̀ bòt bɔ ntɨ̧ɨ̧ ndɨŋndɨ̀ŋ la, e mě taŋke bòt Mbɔ̧ɔ̧mà bɔɔ me chɨ̀Ꞌɨ àfɨ̀Ꞌ yu tàa li kɨꞋɨ la.”

Lûk 3:16

Jɔ̌n shu abua yɔb bàgème nê, “Maà ndzìà wɨ̧ a èdzî, ka wòt wu nkɨ̀Ꞌa la taꞋa tsě am nyaŋ. E mbakà lem nkùꞋ wòt tàa ŋɔꞋne a si eyààte mèliꞋ gubte tò la. Taa tsiꞋi me zǐ Fo Kèfə ane yɨ̧ nè èwet.

Lûk 3:3

Ale, tà bùꞋ me ghȩ̀ȩ̀ne tèpfəte èlaꞋ tu a ngèt èdzî Jodàn la ntsɔ̀tà nê, “Bɨ̀ waꞋa mènəè kàbɔ̀ŋ mɨ̧, nkɨ̀Ꞌɨ̂ bɔ̀ zì àwɨ̧ a èdzî, mbɨ̀Ꞌɨ̀ taa waꞋa mènəè kàbɔ̀ŋ mu bɨ̀à ngɨ̀à la.”

Jɔ̌n 1:15

Jɔ̌n lɔ̀Ꞌ shuê ànəa ye ye, mè nko ane tò la. Tà li ŋȩ nê, “Eyaa tòà wu e ndi ngua shuà, àfɨꞋa e ndi nê, ‘Wòt nkɨ̀Ꞌa akwene yaã la è tsè am, nkàà nê tà li ndzaŋe wu ka bɔɔ li e bi am la’.”

Jɔ̌n 1:30

Eyaa wu tòà wu e ndi shu nê, wòt kǒ nàà kɨꞋɨ akwene yaã tà tsè am la, nkàà nê bɔ li me bi am tà yaŋe wu la.

ÀfaꞋa 1:5

Jɔ̌n li ngua ndzìà bòt a èdzî, ka èli ko aa me tsě, Mbɔ̧ɔ̧mà naa zǐ Fo Kèfə ane yɨ̧.”

ÀfaꞋa 19:4

Pɔ̂l shua abua yɔb nê, “Jɔ̌n li ngua ndzìà wuê bòt bu bɔ waꞋa mènəè kàbɔ̀ŋ mɔb la a èdzî. Tà me zì ale, tà me shu abua bòt Izəèlȩê nê bɔ̀ zì mèntɨ̧ɨ̧ mɔb ane wòt wu nga ekɨꞋɨ akwen ezi la, tàa shu ale a Yesò la.”

ÀfaꞋa 8:36

Mbɨ̀Ꞌɨ̀ bɔ̀ɔ ngȩ̀ȩ̀nà aa alu̧ və nchua ngà la, bɔ ye àtɨ̀ŋ a mèleb adzìꞋ ako, wɔ̀jûŋ wu shu abua tò nê, “Ye mèleb, e ghǎ àa kele am nê ko mbɨ̀Ꞌɨ̀ bɔ zì am a èdzî à?”

ÀfaꞋa 8:38

Ale, wɔ̀jûŋ wu ghɨ̀ àkàt yu a tɨ̧̂, bɔ̂ Filìb e chu nga a èbem àtɨ̀ŋ yu tà zì atò a èbèm.

1 Kɔlìn 12:13

Wu wuê ndɨ bàagème, kò ba wu Bèjuê, kò bòt kà wu Bèjuê, kò èbùꞋ, kò bòt kà wu èbùꞋ leꞋ, bɔ zì àwa a èdzî baa bɔ Fo ngaa yemɔ̀Ꞌ ntsìꞋi mbɨ̧̀ ènyit yemɔ̀Ꞌ la. Mbɔ̧ɔ̧mà mè ndzì Fo ngaa a mèntɨ̧ɨ̧ ma bàagème.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Tȩtɔ̀s 3:5

ngɨ̀ ba pem, kà wu nê bàambɔŋ e ghɨ̀ àghɨa tàa nkɨà la. Tà li ngua ngɨ̀à ale ane tèsȩ ti. Fo Kèfə li shùù mènəè kàbɔ̀ŋ ma, mè ŋà àwa mèmpème fi tè ba tsiꞋi mbɨ̀Ꞌɨ̀ bòt bɔ mè mbì àwɔb la.

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”