Matìù 27:54 - Mundani

⁵⁴ Mbɨ̀Ꞌɨ̀ tǎt bèshujà bu, nè bèshujà bu be li ngu bɔ̂ tò ba mbààba Yesò la, e ye ndɨ sitsǎꞋ nyìꞋnè la, nè àghɨa a ghɨ̀ la, bɔ taꞋa bɔa tè nê, “Ane nkûŋ, mbê waa li ngu Waã Mbɔ̧ɔ̧mà.”

Matìù 27:54 ပူးပေါင်းရင်းမြစ်များ

Matìù 26:63

Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”

Matìù 27:36

Bɔ ghàbtè ale mbɔ̂ ntsèke a si me baabe atò.

Matìù 27:40

shua nê “Àwɔ̀ wu à li nê yea bùù lob nɨ̧ Mbɔ̧ɔ̧mà e mě bɔ̧ɔ̧ ane èlibȩ betat la, tɨŋe awê àwɔ̀ mbɔŋ. À wu Waã Mbɔ̧ɔ̧mà, à lɔ̀Ꞌ a ègwet mbasa wu nchu a si.”

Matìù 27:43

Tà li ndzì èntɨ̧ɨ̧ vi ane Mbɔ̧ɔ̧mà mè nê ye wu waã tò. Bà ye nê Mbɔ̧ɔ̧mà naa kɨꞋɨ etɨŋe atò àfɨ̀Ꞌ yaa leꞋ.”

Matìù 27:51

ÀfɨꞋa mbɔŋ, ndǐ yu bɔ nɨŋ ntsòŋâ ngàbtè lob nɨ̧ Mbɔ̧ɔ̧mà la saãaãnà èbâ babe, ebuꞋu àtsə e ghǎ wua lə, sitsǎꞋ nyiꞋnè tèwutsə te saãaãtè àbâ abà.

Matìù 4:3

Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”

Matìù 8:5

Yesò me nyi a Kàpenàwuêm, tǎt bèshujà Luêm kǒ kɨꞋɨ̀ me shù̧ù̧te atò nê,

Ntu̧ Ntsɔ̧̀ MAK 15:39

Mbɨ̀Ꞌɨ̀ tǎt banyà̧ wu tà tɨ̧ɨ̧ me ye atò la, è ye ndɨ Yesò pfə la, tà nê, “Ane nkûŋ, mbê waa li ngu Waã Mbɔ̧ɔ̧mà.”

Lûk 22:70

Bɔ mè ntsìꞋi biite atò nê, “Nko nê à wu Waã Mbɔ̧ɔ̧mà à?” Tà shu abua yɔb nê, “Bɨ shuê nê e ngu wùà.”

Jɔ̌n 19:7

Bèjuê bu e mè shu abua tò nê, “Baa bɔ mbɨ̧ kǒ nàa nyɨ̀Ꞌta nê, bɔ bɔ ndɨ bɔ̀ɔ bùŋe atò nkàà nê, tàa shua nê, ye wu Waã Mbɔ̧ɔ̧mà la.”

ÀfaꞋa 10:1

Wòt kǒ li ngu àpfəè ako bɔ̀ɔ ntɔ nê Sìsalìà la, èlen tò wu Kɔ̀nilìà. Tà wu tǎt bèshujà à Luêm. Bɔ li ngua ntɔ bèshujà tò nê, “Àlaã bèshujà Itàlì.”

ÀfaꞋa 2:37

Mbɨ̀Ꞌɨ̀ bòt bu abot la e zə èngà̧ waa la, e baãaãte awɔb a mèntɨ̧ɨ̧ mɔb. Bɔ biitè a Pità nè bɔntu̧ Yesò ko bu nê, “Bɔnyɨ ba, baa chɨɨme ghɨ̀ naà?”

ÀfaꞋa 21:32

KwàꞋ àfɨꞋa mbɔŋ, tǎt banyà̧ wu nɨ banyà̧ ko bɔ̂ bɔɔjuŋ ko ane yɔb ndùùlà nchu ngà nkwène ane ènɔ̧̂ bòt bu. ÀfɨꞋa bòt bu e ye atò nè banyà̧ akwèn zi la, bɔ̀ ka tsi ndènè a Pɔ̂l.

ÀfaꞋa 23:17

Pɔ̂l wu, tɔ wajûŋ banyà̧ kǒ, shu abua tò nê, “Nɨ wakèsà waa nga abua tǎt banyà̧ wu, tà bɔ ànəê àko tàa nkɨ eshu abua tò la.”

ÀfaꞋa 23:23

ÀfɨꞋa mbɔŋ, tǎt banyà̧ wu tɔ bɔɔjuŋ banyà̧ ko babe, shu abua yɔb nê, “Bɨ̀ taŋke banyà̧ ènkɨ̀ yebe, bɔ̀ɔ gha Sìsalìà la. Bɨ̀ taŋke beko èghem yesà̧à̧mbe bèa kɔꞋɔ a ègwet bèloà la, fɔ̀ɔ̀lè ne èbeko ènkɨ̀ yebe bèa bèà tèghɔŋtsə la. Bɨ̀ me taŋke ale, bɨ ko nê, naa me wu ane nyèm tebəèꞋa ètsəꞋ waa, bɨ lɔꞋɔ a mànga.

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 27:43

Ka wajûŋ bèshujà bu kele awɔb, ndɨ̀ wu tà li tà kà wua nkɨ̀a nê Pɔ̂l pfə la. Tà tsiꞋi shu abua wòt ègème tàa ko eyɔꞋɔ la nê, bɔ̀ kȩ ndebe a èbem mèleb, ndzɔꞋ nga aguŋ,

Lûm 1:4

Enɨ nyɨꞋte nê tà wu Waã Mbɔ̧ɔ̧mà, Mbɔ̧ɔ̧mà nɨ mètàŋ mi è ghe la, njù̧ù̧me atò a èbem èvə. Waã tò mbɔŋ wu Tǎt wa Yesò Klistò.

Ètsə 11:13

Si bentè ànyaꞋne kwàꞋ àfɨꞋa mbɔŋ, àbâ yeamɔꞋ ane àpfəèà nɨ̧ yu bɔ ghabte ane èdziꞋ èghem la a kwèà. SitsǎꞋ kwèà ale, bòt bètɔsì basà̧à̧mbe be pfəꞋtè. È bu nè bòt kà pfəèꞋte la e bɔɔ kwàꞋ ànyaꞋne tè nkùkte a Mbɔ̧ɔ̧mà wu a ègwet la ane ènɨ̧ tò.