Matìù 26:64 - Mundani

⁶⁴ Yesò bɨ̀ɨ̀lè nê, “Wuê mbɨ̀Ꞌɨ̀ à shu la, ka tsiꞋ è shua wɨ̧ bɨ̀agème nê, ebuꞋu àfɨ̀Ꞌ yaa me ghà ne mbì, bɨa ye Waã Wòt, tà tseke àbâ àbualu̧ a Mbɔ̧ɔ̧mà Àtsèàngɔ̀ŋ la, e mě ye atò nchua a ègwet a èbem mbàꞋ la!”

Matìù 26:64 ပူးပေါင်းရင်းမြစ်များ

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Matìù 16:28

Ane nkûŋ, tsiꞋ è shu awɨ̧ nê bòt ko aa adzìꞋ yaa betsiꞋa èvə è ka nɨ awɔb kà bɔ ye Waã Wòt nkɨ̀Ꞌa nè Kèfɔ̧̀ Mbɔ̧ɔ̧mà la.”

Matìù 22:44

‘Mbɔ̧ɔ̧mà Lefɨ̀Ꞌ shu abua Lefɨ̀Ꞌ am nê, Tseke àbâ àbualu̧ am tè e ŋà èlu̧ à tsite èka bê a ègwet bɔmbù̧ bê.’

Matìù 24:30

“ÀfɨꞋa mbɔŋ, àghɨa àa nyɨꞋte nê, Waã Wòt kɨꞋɨ la, a saꞋ a ègwet, bòt èndà̧ ègème a sitsǎꞋ e bùù mèdɨ̀, mbɨ̀Ꞌɨ̀ bɔ ye Waã Wòt nkɨ̀Ꞌa ègwelebuule a èbem mbàꞋ, nè mètàŋ bɔ̂ mèngùꞋte ènɨ̧ Mbɔ̧ɔ̧mà la.

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Matìù 26:25

Judàs wu tà li fɨ̧ɨ̧ne atò la biite nê, “NyɨꞋtà, wu mmɔ̌?” Yesò bɨ̀ɨ̀lè nê, “À shu àwɔ̀ mbɔŋ.”

Matìù 27:11

Yesò è tɨ̧ɨ̧ a mbì gɔvanɔ̀ ale, tà bììte atò nê “À wu Fɔ̧̀ Bèjuê?” Yesò bɨ̀ɨ̀lè nê, “Wuê mbɨ̀Ꞌɨ̀ à shu la.”

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Ntu̧ Ntsɔ̧̀ MAK 14:62

Yesò nê, “E ngu tòà. Bɨa li ye Waã Wòt tà tseke àbâ àbualu̧ a Mbɔ̧ɔ̧mà Àtsèàngɔ̀ŋ, e mě ye atò nchua a ègwet a èbem mbàꞋ la!”

Lûk 21:27

ÀfɨꞋa mbɔŋ, ko Waã Wòt naa dzə a èbem mbàꞋ a ègwet, nè mètàŋ bɔ̂ mèngùꞋte ènɨ̧ Mbɔ̧ɔ̧mà.

Lûk 22:69

Ka e bùꞋu àfɨ̀Ꞌ yaa, me ghà ne mbì Waã Wòt naa tseke àbâ àbualu̧ a Mbɔ̧ɔ̧mà Àtsèàngɔ̀ŋ.”

Lûk 22:70

Bɔ mè ntsìꞋi biite atò nê, “Nko nê à wu Waã Mbɔ̧ɔ̧mà à?” Tà shu abua yɔb nê, “Bɨ shuê nê e ngu wùà.”

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”

ÀfaꞋa 1:11

è shu nê, “Bòt Galìlî, bɨ̀ ka tsi ndzě ngoꞋ yɨ̧ ndɨ̀ŋkè ègwelebuule. Èlɨ Mbɔ̧ɔ̧mà nɨ Yesò waa, abua yɨ̧ nɨŋ nga a ègwet la, wu wuê ndɨ tàa li mě kɨꞋɨ la.”

Lûm 14:10

À ghɨ̀ na ka me tsǐ mpəəte wanyɨ wè à? À ghɨ̀ na mè me waa wanyɨ wè à? À ka ngɨ̀ ale ndɨ̀ wu bàagème àa li tɨ̧ɨ̧ a mbì èsaꞋa Mbɔ̧ɔ̧mà la.

1 Tèsàlonikà 4:16

Naa li ngu ane àlia mbɔŋ, bòt è zə àtɔŋ a ŋȩ la, tǎt bɔntu̧ Mbɔ̧ɔ̧mà ŋȩ, bòt e zə èsɔndɨk Mbɔ̧ɔ̧mà e làꞋà la, Tè Yesò Klistò zìambɔŋ bɔ̂ nchu a ègwet. Bòt bu bɔ li ndzì mèntɨ̧ɨ̧ mɔb ane Yesò ka mpfəèꞋte la e bɨ̀ njù̧ù̧mê.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!

Ètsə 20:11

ÀfɨꞋa mbɔŋ e ndze taꞋa àtɨ̧a kèfə. Wòt kǒ wu a ègwet tà tseke la. SitsǎꞋ bɔ̂ ègwet e nyɔ̂ a mbì ŋut tè bɔ̀ ka tsi ndze.