Matìù 26:41 - Mundani

⁴¹ Bɨ̀ tseke àtatsi me tsàꞋte a Mbɔ̧ɔ̧mà mbɨ̀Ꞌɨ̀ bɨ kwen a èbem ètaãaãte mènəè. Èntɨ̧ɨ̧ aà ndâ nkɔ̀ŋkà e ghɨ̌ àghɨ, ka mbɨ̧̀ ènyit ka wua nkɨà.”

Matìù 26:41 ပူးပေါင်းရင်းမြစ်များ

Matìù 24:42

“È wu ale, bɨ̀ ghaꞋte àghɨ ayɨ̧ ntsɔ̧̀ nkàà nê, bɨ bakà ko àlia tǎt wɨ̧ nàa kɨꞋɨ la.

Matìù 25:13

“Yesò lìà nê, bɨ̀ tseke me lȩ̂ ntsɔ̧̀ nkàà nê bɨ bakà ko àlia, kò àfɨꞋa màa mě kɨꞋɨ la.

Matìù 26:38

Ale, tà shu abua yɔb nê, “Èntɨ̧ɨ̧ am aà ngò̧ò̧nà kwàꞋ ànyaꞋne, tè betsiꞋa e bùŋè am. Bɨ̀ tseke adzìꞋ yaa àtatsi me tsàꞋte a Mbɔ̧ɔ̧mà nè nà̧.”

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Ntu̧ Ntsɔ̧̀ MAK 14:38

Bɨ̀ tseke àtatsi me tsàꞋte a Mbɔ̧ɔ̧mà mbɨ̀Ꞌɨ̀ bɨ kwen a èbem ètaãaãte mènəè. Èntɨ̧ɨ̧ aà ndâ nkɔ̀ŋkà èghɨ àghɨ, ka mbɨ̧̀ ènyit ka wua nkɨà.”

Lûk 11:4

WaꞋa bèkàbɔ̀ŋ ba, mbɨ̀Ꞌɨ̀ bàambɔŋ e waꞋa bèkàbɔ̀ŋ bɔnyɨ ba la. À ka ntsàà wa àdziꞋa bɔ̀ɔ taãaãte awa la.’ ”

Lûk 21:36

Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”

Lûk 22:40

Tà kɨꞋɨ tê tà dzə abot, tà shu abua yɔb nê, “Bɨ̀ me tsàꞋte a Mbɔ̧ɔ̧mà shù̧ù̧te atò mbɨ̀Ꞌɨ̀ bɨ kwen a èbem ètaãaãte mènəè.”

Lûk 22:46

Tà bììte awɔb nê, “Bɨ̀ lia ghà à? Bɨ̀ lɔ̀Ꞌɔ a si me tsàꞋte a Mbɔ̧ɔ̧mà, mbɨ̀Ꞌɨ̀ bɨ kwen a èbem ètaãaãte mènəè.”

Lûk 8:13

Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

1 Kɔlìn 10:13

Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.

1 Kɔlìn 16:13

Bɨ̀ me ko awɨ̧, ntɨ̧̀ɨ̧ ntsɔ̧̀ ane èntɨ̧ɨ̧ wɨ̧ wu bɨ zi ane Yesò la, ntɨ̧ɨ̧ mbɨ̀Ꞌɨ̀ mbâ̧ mè me kweele.

1 Kɔlìn 9:27

Ka màa ngɨ̀ e me kuule mbɨ̧̀ ènyit yaã, ŋwèèlà èghɨ èntɨ̧ɨ̧ am e kɨa la ndzia a si, màa ngɨa ale mbɨ̀Ꞌɨ̀ ka e ndàꞋà èngǎ̧ Mbɔ̧ɔ̧mà abua bòt ko, a ghà me lìa Mbɔ̧ɔ̧mà nê e mbakà kùꞋ la.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

2 Pità 2:9

Mènəè maa ègème wua nyɨ̀Ꞌta nê, Mbɔ̧ɔ̧mà ko ndɨ tàa tsǐ bòt bu bɔ̀ɔ ngɨ̀a àghɨa tàa nkɨà la a èbem ngoꞋ tɔb la, mè nko ndɨ tàa nɔ̀ŋe bòt kàbɔ̀ŋ e me chɨ̀Ꞌɨ̀ àlia tàa saꞋa ngɔ̀ŋ e zi àwɔb a èbem ngoꞋ la.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.