အွန်လိုင်း သမ္မာကျမ်းစာ

« အရင်

နောက်တစ်ခု »

Matìù 26:39 - Mundani

³⁹ Tà mè nyaꞋa ngà nè mbì, nchùŋe àtsə azi a si, ntsàꞋtè a Mbɔ̧ɔ̧mà nê, “Tê, èlu̧ e wua à nɨ ndɔŋ ngoꞋ yàa àbu am la, ka à ka ngɨ̀ mbɨ̀Ꞌɨ̀ e nkɨa la, ghɨ̀ wuê mbɨ̀Ꞌɨ̀ àa nkɨà la.”

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Matìù 26:39
27 ပူးပေါင်းရင်းမြစ်များ

Matìù 20:22

Yesò bɨ̀ɨ̀lè nê “Bɔ̧ bè e bakà ko àghɨa bɔ biità la. Tè betsiꞋa bɨ nu ndɔŋ ngoꞋ yaa maà nu la à?” Bɔ nê “Baa ko nu.”

အခန်းကိုကြည့်ပါ။

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

အခန်းကိုကြည့်ပါ။

Matìù 26:42

Tà mè nkua akwèn ngà ntsàꞋtè a Mbɔ̧ɔ̧mà nê, “Tê, à bakà wu enɨ ndɔŋ ngoꞋ yaa kà e nu yùà, a tsiꞋ a wu mbɨ̀Ꞌɨ̀ àa nkɨà la.”

အခန်းကိုကြည့်ပါ။

Ntu̧ Ntsɔ̧̀ MAK 13:22

Bòt nyaŋ aa li kɨꞋɨ me fɨta shua nê bɔ wu Fɔ̧̀ mbɔŋ, èbeko aa me fɨte nê bɔ wu bèndàꞋàtɔŋ Mbɔ̧ɔ̧mà. Bɔɔ li me ghɨ̀ èghɨ àa nyɨ̀Ꞌta mètàŋ Mbɔ̧ɔ̧mà la e mě me lute tèkaŋtsə, enɨ fɨte bòt Mbɔ̧ɔ̧mà, na bɔ wu ko e ghɨ̀ la.

အခန်းကိုကြည့်ပါ။

Lûk 17:16

Nkɨ̀Ꞌɨ̂, ntèmè tènjûŋ ti a si a mbì Yesò, me ŋa atò mènkɔ̀ŋke. Ŋut bɔ̂ ngu wòt Sàmalìà.

အခန်းကိုကြည့်ပါ။

Jɔ̌n 11:41

Ale, bɔ bɨŋè èti lu ntsì, Yesò lɔ̀ke àvi ndȩ̀ ègwet nê, “Tê, mâ taꞋa kɔ̀ŋke ndɨ̀ wu à yute èngǎ̧ am la.

အခန်းကိုကြည့်ပါ။

Jɔ̌n 14:31

Ka mâ ghɨ̀ wuê mbɨ̀Ꞌɨ̀ Tǎt am è shu nê, è ngɨa la, mbɨ̀Ꞌɨ̀ bòt ngɔ̀ŋ yaa aa ko nê maà nkɔ̀ŋkà atò. “Bɨ̀ lɔ̀Ꞌɔ a si bà lɔꞋɔ.”

အခန်းကိုကြည့်ပါ။

Jɔ̌n 18:11

Yesò shu abua Pità nê, “Zi àlùmbà̧ ayê a èbem baꞋ zi; Tè à mɨ̀ɨ̀tè nê è nka nu ndɔŋ ngoꞋ yaa Tǎt am è ŋa abua am la à?”

အခန်းကိုကြည့်ပါ။

Jɔ̌n 5:19

Ale, Yesò shuê abua yɔb nê, “Ane nkûŋ, tsiꞋ è shua wɨ̧ nê, betsiꞋa Waã ka ghɨ̂ àghɨ ane mi ne mèmɨ̀ɨ̀te tè è bəa wuê àghɨa tà ye tǎt tò me ghɨ̀ la. Àghɨa tǎt nàa ngɨ̀à la, wu yùà yu Waã nàa ngɨ̀à la mɨ̧̂.

အခန်းကိုကြည့်ပါ။

Jɔ̌n 5:30

“Maa kà nɨ mètàŋ mɔ̧ ka nɨŋ ngɨ̀ àghɨ. Maà saꞋa ànəa wòt wuê mbɨ̀Ꞌɨ̀ mâ zə abua Tǎt am la. Màa ngɨ̀ è saꞋ ànəê, bɔ ko nê a kuêꞋ, nkàà nê maa kà ghɨ wuê àghɨa èntɨ̧ɨ̧ am àa nkɨà la, maa ngɨ̀ wuê àyea wòt wu tà tsàà am la, nàa nkɨà la.

အခန်းကိုကြည့်ပါ။

Jɔ̌n 6:38

È nka chua a ègwet e ghɨ̀ àghɨa èntɨ̧ɨ̧ am àa nkɨà la; e nkɨ̀Ꞌa e ghɨ̀ àghɨa wòt tà tsàà am la nàa nkɨà la.

အခန်းကိုကြည့်ပါ။

ÀfaꞋa 10:25

Mbɨ̀Ꞌɨ̀ Pità nàa nkɨ eghǎ a lob la, Kɔ̀nelìà kɨ̀Ꞌɨ̂ nkwène ane tò ŋɔꞋne a si a mbì tò, e kukta tò.

အခန်းကိုကြည့်ပါ။

Filìpȩ 2:8

Tà ghɨ̀ ale, nɨ̀ àvi a si, ndzə ànəa Mbɔ̧ɔ̧mà shu la, mbɨ̧̀ɨ̧̀ne epfə, tè mpfəè èwuu èvə lu bɔ̀ɔ ngù̧ù̧ta wòt a mbɨ̧̀ mbasa la.

အခန်းကိုကြည့်ပါ။

Ebùlù 5:7

È li ngu àfɨꞋa Yesò wu a sitsǎꞋ ŋàa la, tà me ŋȩ nè mèsi ntsàꞋta Mbɔ̧ɔ̧mà nè èntɨ̧ɨ̧ vi ègème shua mènəè abua tò wu betsiꞋa tà ko ngɨ̀ tè Yesò wu tseke kà pfə la. Mbɔ̧ɔ̧mà li njùte ànəa tà dɨ̀à shua la ndɨ̀ wu Yesò li ngua mbɔ̀ɔ̀le avi ndzəa tò la.

အခန်းကိုကြည့်ပါ။

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ