Matìù 26:28 - Mundani

²⁸ Eyaa wu àlo̧ am, Mbɔ̧ɔ̧mà wua nɨa nkùùla mènkàꞋa kèkweelè mi la. Àlo̧ am yàa a tsəète a si, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bòt nyaŋ.

Matìù 26:28 ပူးပေါင်းရင်းမြစ်များ

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Matìù 26:27

Tà mè nɨ ndɔŋ ŋà mènkɔ̀ŋke abua Mbɔ̧ɔ̧mà, mbɔ̂ ŋǎ abua yɔb shu nê “Bɨ̀agème bɨ̀ nu.

Matìù 26:29

Maa shua wɨ̧ nê, è nka li tsi nu mèlùꞋ màa bɔ ghɨ ane tètaãaãte vȩn la a, tè àli yu màa nu mèlùꞋ fi a kèfɔ̧̀ Tǎt am la a kùꞋ.”

Matìù 6:12

WaꞋa èfaãnəè ba mbɨ̀Ꞌɨ̀ bàambɔŋ e waꞋa èfaãnəè bɔnyɨ ba la.

Ntu̧ Ntsɔ̧̀ MAK 1:4

Ale, Jɔ̌n ndzìà èdzî li nkɨꞋɨ àbâ àlaꞋ àyuube me tsɔ̀te nê, “Bòt è waꞋa mènəè kàbɔ̀ŋ mɔb, nkɨ̀Ꞌɨ̂ bɔ̀ zì àwɔb a èdzî mbɨ̀Ꞌɨ̀ taa waꞋa mènəè kàbɔ̀ŋ mu bɔ̀ɔ ngɨ̀à la.”

Ntu̧ Ntsɔ̧̀ MAK 14:24

Tà nê “Eyaa wu àlo̧ am, Mbɔ̧ɔ̧mà wua nɨa nkùùla mènkàꞋa kèkweelè mi la. Àlo̧ am yàa a tsəète a si, ambo bòt nyaŋ la.

Lûk 22:19

Tà mè nɨa bled, ŋà mènkɔ̀ŋke abua Mbɔ̧ɔ̧mà, mbɔ̂ mbòꞋtê ŋa abua bɔntu̧ bi nê, “Eyaa wu mbɨ̧̀ ènyit yaã mâ ŋa abua yɨ̧ la. Bɨ̀ me ghɨa nɨa mɨ̀ɨ̀tè am.”

Lûk 22:20

Tà lɔ̀Ꞌ mè ngɨ̀ wuê a èlɨ ngaa nè ndɔŋ yu è shu nê, “Ndɔŋ yaa wu mènkàꞋa fi Mbɔ̧ɔ̧mà màa nɨ àlo̧ am enɨ ghɨ̌ aa tsəète a si nkàà wɨ̧ la.

Lûm 5:15

Ka betsiꞋa bɔ̀ ka fɨꞋnè àghɨ yu Mbɔ̧ɔ̧mà nɨa ntsɔ̧̀ vi ngɨ̀ la ane àghɨ yu Adàm li ngɨ̀ a màmpaata mbɨ̧ la. Wòt wemɔ̀Ꞌ li ngɨa kàbɔ̀ŋ nɨ̀ èvə ekɨꞋɨ adù̧ wòt ègème, ka àghɨa Mbɔ̧ɔ̧mà ghɨ̀ la a taꞋa tsè àyaa. Mbɔ̧ɔ̧mà li ntsè ane wòt wemɔ̀Ꞌ, è wu Yesò Klistò la, nyɨ̀Ꞌte a ntsɔ̧̀ vi ànyaꞋne abua bòt bàgème àku.

Lûm 5:19

Wòt wemɔ̀Ꞌ li ntu̧u̧ e ghɨ̀ àghɨa Mbɔ̧ɔ̧mà shu la, a ghɨ̀ bòt nyaŋ e tsiꞋi bòt kàbɔ̀ŋ, wu wuê ndɨ wòt wemɔ̀Ꞌ tà li ngua ndzəèa Mbɔ̧ɔ̧mà la, li ngɨ̀ Mbɔ̧ɔ̧mà nɨ bòt nyaŋ ane bòt bɔ̂ tɨ̧ɨ̧ ndɨŋndɨ̀ŋ a mbì li la.

1 Kɔlìn 11:25

Tà lɔ̀Ꞌ mè ngɨ̀ wuê a èlɨ ngaa nè ndɔŋ yu, mbɔ̂ shu nê, “Ndɔŋ yaa wu mènkàꞋa kèkweelè fi Mbɔ̧ɔ̧mà, màa nɨ àlo̧ am nɨ ghɨ̀ la. Àfɨ̀Ꞌ àgème bɨ̀a nua la bɨ me nɨa mɨ̀ɨ̀tè am.”

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Kɔ̀losìà 1:14

Wu Waã tò waa ka tà li nchùꞋ ètsə ba la. Àyaa a wua shua nê, Mbɔ̧ɔ̧mà è waꞋa a kàbɔ̀ŋ wa.

Kɔ̀losìà 1:20

Mbɔ̧ɔ̧mà li ntse ane Waã vi mbɔŋ ka ngɨ̀ èghɨ ègème e mè ngwènè a èten Mbɔ̧ɔ̧mà wu. Èvə Waã Mbɔ̧ɔ̧mà a mbɨ̧̀ mbasa ka e li ngɨ̀ Mbɔ̧ɔ̧mà ghɨ̀ àlàŋkè, èghɨ ègème a ègwet nè sitsǎꞋ e mè ngwènè a èten tò la.

Ebùlù 10:29

Tè a wu ewu anè ane bòt baa, ko bɨ mɨɨtè nê, àa wu na ane wòt wu tà waa Waã Mbɔ̧ɔ̧mà la à? Àa wu na nè wòt wa tà nɨ̀ àlo̧ yu bɔ nɨŋ ngɨ̀ mènkàꞋa kèkweelè mu è shùa kàbɔ̀ŋ tò la, mbɨ̀Ꞌɨ̀ è ntsě àghɨ, mè ndaꞋa kàbɔ̀ŋ adù̧ Fo Mbɔ̧ɔ̧mà yu nàa nyɨ̀Ꞌta a ntsɔ̧̀ Mbɔ̧ɔ̧mà la à? Bɨ̀ la nkwàꞋtè èwuu ngoꞋ ŋut wu nàa eye la!

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Jɔ̌n 2:2

Yesò Klistò waa wu wòt tà ŋa àtsəa zi nɨŋ nchùꞋù ètsə ba ane bèkàbɔ̀ŋ ba la. Tàa kà ghɨ̀ bɔɔ waꞋa wuê bèkàbɔ̀ŋ ba bàa ndziꞋne, tàà ngɨ̀à bɔ waꞋa kàbɔ̀ŋ waa waa mɨ̧̂.

Ètsə 7:14

E shu abua tò nè, “Tê, wu àwɔ̀ ka à ko la.” Tà mè shu abua am nê, “Eyaa wu bòt bu bɔ tse a èbem ngoꞋ kèkweelè yu la. Bɔ nɨ àlo̧ Wanjɨ̀ wu shùù ndǐ tɔb tè te fəətè.

Ètsə 7:9

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.