Matìù 26:18 - Mundani

¹⁸ Tà bɨ̀ɨ̀lè nê, “Bɨ̀ ghǎ a èbem àpfəèà nɨ̧, ko bɨa ye wòt kǒ. Bɨ̀ ye, bɨ shu abua tò nê, ‘NyɨꞋtà laꞋnê, èli bɔ̧ e tsiꞋi ètentem, maà nkɨa nê, bâ bɔkatè bɔ̧ è kɨꞋɨ njɨ̀ èghɨjɨ èpǎ̧ Màntsea a ègwet a lob yê.’ ”

Matìù 26:18 ပူးပေါင်းရင်းမြစ်များ

Matìù 21:3

Wòt è bììte awɨ̧ ànəê, bɨ nê ‘Lefɨ̀Ꞌ nàa nkɨà bùà.’ Ko taa bê sǎ bɨa nɨ ekɨꞋɨ.”

Matìù 23:10

Bɨ̀ ka mè mbɨ̧̀ɨ̧̀ne bɔ tɔ awɨ̧ ane tàt, nkàà nè bɨ bɔ wuê wòt wemɔ̀Ꞌ bɨ̀a tɔ atò ane tàt la. Wu Fɔ̧̀ wu Mbɔ̧ɔ̧mà li ndzɔꞋ ntsà la.

Matìù 23:8

“Ka è me wu awɨ̧, bɨ̀ ka mbɨ̧̀ɨ̧̀ne bòt e me tɔ awɨ̧ ane bènyɨꞋtà, nkàà nê bɨ̀agème bɨ wu bɔnyɨ, mè mbɔ nyɨꞋtà wuê wemɔ̀Ꞌ.

Matìù 26:19

Bɔkatè tò e ghà ngɨ̀ wuê mbɨ̀Ꞌɨ̀ tà shu la, ntàŋke èghɨjɨ èpǎ̧ Màntsea a ègwet wu.

Matìù 26:2

“Bɨ̀ ko nê, è tsìꞋi èlibȩ bebe, èpǎ̧ Màntsea a ègwet e kɨꞋɨ̀, è wù àlia bɔ̀ɔ baãaã Waã Wòt ezǐ a tèkitebu bòt, bɔ̀ɔ wu̧u̧te atò a mbɨ̧̀ mbasa la.”

Matìù 26:49

Judàs bê ngà abua Yesò nê, “NyɨꞋtà, àlàŋkè à wu ne nè!” Mbɔ̂ ntaꞋa atò.

Ntu̧ Ntsɔ̧̀ MAK 5:35

Yesò bela ndàꞋà, bɔntu̧ ko e dzə àpfəa Jalùs nkɨ̀Ꞌɨ̂ shu abua tò nê, “Waã wè wu è pfə tê ndɔ̀Ꞌ, è wu ale à ka tsi ŋǎ ngoꞋ abua nyɨꞋtà wu.”

Lûk 22:53

Maà wu ba nɨ̧̀ ba a èbem lob nɨ̧ Mbɔ̧ɔ̧mà àli àgème, ka bɨ̀ ka mbà̧aã am. Ka eyaa wu àfɨ̀Ꞌ àyɨ̧ nè àfɨꞋa Satàn bɔ mètàŋ mi ègème la.”

Jɔ̌n 11:28

Màta è làꞋa ànəê yaa ale, ngà ntɔ wanyɨ vi Màlià a ntsèm shu abua tò nê, “NyɨꞋtà wa è kɨꞋɨ, tàa ntɔ awê.”

Jɔ̌n 12:23

Yesò shu abua yɔb nê “AfɨꞋa Mbɔ̧ɔ̧mà nàa nyɨꞋte ènɨ̧ Waã Wòt la a kuêꞋ.

Jɔ̌n 13:1

È li ntsìꞋi àli yeamɔꞋ, àlia èpǎ̧ Màntsea a ègwet a kùꞋ, Yesò ko nê, àfɨꞋa ye bɔ ndɨ yèa sǎ sitsǎꞋ yàa e ghǎ ekwene ane tǎt vi la a tsiꞋa nkùꞋà. Mbɨ̀Ꞌɨ̀ tà yaŋe wua nkɔ̀ŋkà bòt bu è wu bi a ngɔ̀ŋ ŋaa la, tà pàa nyɨ̀Ꞌte èkɔŋ vi ane yɔb tè ngà ndìà.

Jɔ̌n 17:1

Mbɨ̀Ꞌɨ̀ Yesò làꞋà mèngà̧ maa la, tà lɔ̀kè àvi ndȩ̀ ègwet nê: “Tê, àfɨ̀Ꞌ yu a kuêꞋ, ghɨa bòt è ye ènɨ̧ Waã wè, mbɨ̀Ꞌɨ̀ Waã wè naa ghɨ̌ bòt aa ye ènɨ̧ wê mɨ̧̂.

Jɔ̌n 20:16

Yesò tɔ atò nê, “Màlià!” Tà gheble avi ntɔ atò ane ndɨ̧ Ebùlù nê, “Labɔnì!” (Ngua shua nê NyɨꞋtà).

Jɔ̌n 7:30

Bɔ zə ale, bòt ko abot e me kɨ baãaã tò ka wòt kà ziꞋ mbà̧à̧te atò nkàà nê àfɨꞋa mènəè maa li mbɔ̌ ndɨ nàa ghɨ ane tò la a li à ka ziꞋ nkùꞋ.

Jɔ̌n 7:6

Ale, Yesò shu abua yɔb nê, “AfɨꞋa màa ghà la a bakà nkùꞋ, ka è me wua wɨ̧ ko àfɨ̀Ꞌ àgème wu àfɨꞋa ntsɔ̧̀.

Jɔ̌n 7:8

Ale, bɨ̀ kɔꞋ nga a èpà̧ wu, è nka ghǎ, nkàà nê àfɨ̀Ꞌ am a bakà zìꞋ nkùꞋ.”