Matìù 25:34 - Mundani

³⁴ “ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 25:34 ပူးပေါင်းရင်းမြစ်များ

Matìù 13:35

Tà li ngɨ̀ anè, mbɨ̀Ꞌɨ̀ e ghɨ̌ àghɨa ndàꞋàtɔŋ Mbɔ̧ɔ̧mà li shu la aa wu nkûŋ nê, “Maa me laꞋa abua yɔb ane mèngà̧teme. Maa shu awɔb èghɨ kà bɔ li te mè ko, ebuꞋu tee àfɨꞋa Mbɔ̧ɔ̧mà li ngɨ̀ ngɔ̀ŋ la.”

Matìù 19:29

Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.

Matìù 20:23

Yesò mè shu nê “Wu nkûŋ nê bɨa li ko enu ndɔŋ yaã, ka e tseke àbâ àbualu̧ am kò a yea ntɔŋ leꞋ è ntse mmɔ̌ màa ghɨ̀ la. ÈdziꞋ baa e wu abua bòt bu Tǎt am taŋkè nê bɔ̀ tseke abot la.”

Matìù 21:5

Bɨ̀ shu bòt Zayɔ̀n nê “Bɨ̀ ye; Fɔ̧̀ wɨ̧ nàà nkɨ̀Ꞌa abua yɨ̧, Tà nɨa vi a si tè ntsèke nè ègwet jàkâ. Wu waã anyà̧ nàa ŋèꞋa àbòꞋà la.”

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Matìù 25:23

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la maa tsia wê àtsəa èghɨ nyaŋ. Nyi a lob ba nè efɔte ngùꞋtè àwa.’

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Matìù 27:37

Bɔ shɨ èngà̧ wu bɔ nɨŋ fèèlè atò la ngù̧ù̧te àtsəa tò a mbɨ̧̀ àyɨt nê, “Eyaa wu Yesò Fɔ̧̀ Bèjuê.”

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 5:19

È wu ale, wòt tà tu̧ nɔ̀ŋè ka wuê awa mbɨ̧ kǒ ane tu te lìa kwèn la, mbɔ̂ fɨte bòt ko nê bɔ̀ ghɨ mbɨ̀Ꞌɨ̀ zìa la, naa li wu tandiakwèn a kèfɔ̧̀ Mbɔ̧ɔ̧mà. Ka wòt tàa nɔ̀ŋà mbɨ̧te mbɔŋ mè nyɨ̀Ꞌta bòt nê bɔ̀ me ghɨ̀ wuê a èlɨ mbɔŋ la, naa li wu wòt ènɨ̧ a kèfɔ̧̀ Mbɔ̧ɔ̧mà.

Ntu̧ Ntsɔ̧̀ MAK 10:17

Yesò li ndɔ̀Ꞌ me ghǎ, wòt kǒ lùùlà nkɨ̀Ꞌɨ̂ ntèm tènjûŋ ti a mbì tò mbììte nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”

Ntu̧ Ntsɔ̧̀ MAK 10:40

Ka e tseke àbâ àbualu̧ am kò a yea ntɔŋ leꞋ, è ntsě mmɔ̌ maa ghɨ̀ la. ÈdziꞋ baa e wu abua bòt bu Tǎt am taŋkè nê bɔɔ tseke abot la.”

Lûk 11:28

Yesò bɨ̀ɨ̀lè èngǎ̧ tò nê, “ÀwɔꞋ, ntsɔ̧̀ wu wuê bòt bu bɔ zə èngǎ̧ Mbɔ̧ɔ̧mà mè ngɨ̀ àghɨa èa shuà la.”

Lûk 11:50

Ale, Mbɔ̧ɔ̧mà naa li zi bòt laane a èbem ngoꞋ, nkàà bèndàꞋàtɔŋ Mbɔ̧ɔ̧mà bu bàgème, bɔ li mbùŋè e bùꞋu àfɨ̀Ꞌ a ngɔ̀ŋ li mbùꞋ la.

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Lûk 19:38

“TsiꞋ Mbɔ̧ɔ̧mà lɔ̀ɔ̀le a fɔ̧̀ wu nkɨ̀Ꞌa ane èlen tò la; Àlàŋkè a wu a kèfɔ̧̀ Mbɔ̧ɔ̧mà, mèngùꞋte wu abua Mbɔ̧ɔ̧mà wu a ègwet la.”

Jɔ̌n 1:49

Nàtanìà nê, “NyɨꞋtà, à wu Waã Mbɔ̧ɔ̧mà! À wu Fɔ̧̀ bòt Izəèlȩê!”

Jɔ̌n 12:13

Ale, bɔ nɨ ètsə maŋ ngà alu̧ ekwene ane tò. Me ghǎ ŋȩ̀a shua nê “MèngùꞋte wu abua Mbɔ̧ɔ̧mà; Mbɔ̧ɔ̧mà lɔ̀ɔ̀le a wòt wu nkɨ̀Ꞌa ane èlen tò la; Mbɔ̧ɔ̧mà lɔ̀ɔ̀la Fɔ̧̀ bòt Izəèlȩê.”

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jɔ̌n 19:15

Bɔ ŋȩ nê, “Bɔ̀ Bùŋe atò! Bɔ bùŋe atò! Bɔ wu̧u̧te atò a mbɨ̧̀ mbasa.” Pȩlèt bììte awɔb nê, “Bɨa nkɨà nê, è ngu̧u̧te Fɔ̧̀ wɨ̧ a mbɨ̧̀ mbasa à?” Bètǎt bèntsìà mèpɨ̧̀ Mbɔ̧ɔ̧mà bu e nê, “Ba bakà bɔ fɔ̧̀ tsǎ ka nè Sisà.”

ÀfaꞋa 15:18

Eyaa wu ànəa Mbɔ̧ɔ̧mà li shu mè ngɨ̀ bòt e ko tê àfɨꞋa mbì la.’ ”

ÀfaꞋa 3:26

È wu ale, bɨ̀ ko nê, bɨ wu bòt mbì Mbɔ̧ɔ̧mà li ndȩ̀ Waã vi ntsaa abua yɨ̧ la. Tà li ntsaa atò nê tà ghɨa bɨ̀ sà mènəè kàbɔ̀ŋ mɨ̧ mbɨ̀Ꞌɨ̀ yea lɔ̀ɔ̀lè àwɨ̧.”

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

Gàlashìà 5:21

MàngoꞋna bòt, màmbuŋa wòt, màmbea mèlùꞋ, nè màngɨa àghɨ àgème èntɨ̧ɨ̧ wê àa nkɨà la, fɔ̀ɔ̀lè ne èghɨ ko tsa. TsiꞋ e mèe səèŋkè ètû̧ bɨ̧ mbɨ̀Ꞌɨ̀ e ndi ndzii ghɨ̀ la, nê bòt bu bɔ̀ɔ ngɨ̀à èwuu èghɨ mbɔŋ la è ka li nyi a kèfɔ̧̀ Mbɔ̧ɔ̧mà a.

Efesɔ̀s 5:5

Bɨ̀ ko ayaa nê wòt me kùŋè bèzi kò mbâ̧tsə leꞋ, ngɨ̀à èbɨꞋte èghɨ, kò ngu wòt aghàbà leꞋ, (na àyaa à wua nyɨ̀Ꞌta nê wòt nɨ èghɨ mbɔŋ ane mbɔ̧ɔ̧mà vi la) ko tà ka bɔ àdziꞋ a èbem kèfɔ̧̀ wu Yesò Klistò bɔ̂ Mbɔ̧ɔ̧mà àa bà̧aã la.

1 Tèsàlonikà 2:12

Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 11:16

Ka mbɨ̀Ꞌɨ̀ àa la, bɔ li ngua nkɨà àlaꞋ a bɔŋ te ntsè àyùà la, è wu àlaꞋ yu à wu a ègwet la. Ale, àtsəa Mbɔ̧ɔ̧mà aà kà kɔꞋ màmbɨ̧ɨ̧na laꞋnê ye wu Mbɔ̧ɔ̧mà wɔb nkàà nê tà tàŋke àpfəèà nɨ̧ abua yɔb.

Ebùlù 4:3

Bàa wu ba bɨ̧ɨ̧ne èngǎ̧ Mbɔ̧ɔ̧mà la aa nyia àdziꞋa mbɔŋ ndzètà wù mbɨ̀Ꞌɨ̀ Mbɔ̧ɔ̧mà shu la nê, “E ndi ntsǒ tê ndzì nkà̧ nê, ‘Bɔ̀ ka lɔ̀Ꞌ àlia ekɨꞋɨ àdziꞋa màa ghɨ̌ bɔɔ yètè la a!’ ” Tà li me làꞋà àyaa ale mbɔ̂ ndzaŋe taŋke àfàꞋ àzi te àfɨꞋa ngɔ̀ŋ li mbùꞋ la.

Ebùlù 9:26

Tà li me wu ale ngɨ̀ ale, ko tà li mbɔ̌ ndɨ tàa ye ngoꞋ a ngo̧ a ngò̧ ebuꞋu àfɨ̀Ꞌ yu Mbɔ̧ɔ̧mà li ngɨ̀ ngɔ̀ŋ la. Ka mbɨ̀Ꞌɨ̀ àa la, tà bê nkɨ̀Ꞌɨ̂ ngò̧ yemɔ̀Ꞌ, àfɨ̀Ꞌ yaa ngɔ̀ŋ tsìꞋa ndìà lìa la, ŋà àtsəa zi mbɨ̀Ꞌɨ̀ eyòò mènəè kàbɔ̀ŋ mu bòt àa ngɨ̀à la.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

1 Pità 1:9

nkàà nê bɨ ko nê mbɨ̀Ꞌɨ̀ bɨ zì mèntɨ̧ɨ̧ mɨ̧ ane Yesò Klistò la, Mbɔ̧ɔ̧mà nàà ŋǎ wɨ̧ mèmpème.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.

Ètsə 19:16

Bɔ shɨ èlen ko a ègwet ndǐ tò nè ègwet ètaã tò nê, “Fɔ̧̀ bèfɔ̧̀, nè Tǎt bètàt.”

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

Ètsə 5:10

À ghɨ̀ àwɔb ane bòt lèfɔ̧̀ wê, bɔ mè ngu bèntsìà mèpɨ̧̀ abua Tǎt wa Mbɔ̧ɔ̧mà. Bɔ̀ɔ li me baãaã ngɔ̀ŋ yaa.”