Matìù 24:36 - Mundani

³⁶ “Ka wòt kǒ ntsě tà ko àlia èghɨ bàà àa ghɨ̀ la, ka wuê bɔntu̧ Mbɔ̧ɔ̧mà bu a ègwet la, kò Waã Wòt leꞋ. Wu ndàꞋ Mbɔ̧ɔ̧mà ka tà ko la.

Matìù 24:36 ပူးပေါင်းရင်းမြစ်များ

Matìù 24:42

“È wu ale, bɨ̀ ghaꞋte àghɨ ayɨ̧ ntsɔ̧̀ nkàà nê, bɨ bakà ko àlia tǎt wɨ̧ nàa kɨꞋɨ la.

Matìù 24:44

È wu ale, bɨ̀ ye nê, bɨ taŋke awɨ̧ ntsɔ̧̀, nkàà nê Waã Wòt naa kɨꞋɨ àfɨꞋa kà bɨ ko nê tàà nkɨ̀Ꞌâ.

Matìù 25:13

“Yesò lìà nê, bɨ̀ tseke me lȩ̂ ntsɔ̧̀ nkàà nê bɨ bakà ko àlia, kò àfɨꞋa màa mě kɨꞋɨ la.

Ntu̧ Ntsɔ̧̀ MAK 13:32

“Ka wòt kǒ ntsě tà ko àlia èghɨ bàà àa ghɨ̀ la, ka wuê bɔntu̧ Mbɔ̧ɔ̧mà bu a ègwet la, kò Waã Wòt leꞋ. Wu ndàꞋ Mbɔ̧ɔ̧mà ka tà ko la.

ÀfaꞋa 1:7

Yesò tsɔ̀Ꞌɔ èngǎ̧ wɔb nê, “Wu Tǎt am zìambɔŋ ka tàa nyɨꞋte àfɨꞋa èghɨ bàa àa li me ghɨ̀ la. BetsiꞋa bɨ̀ ka koê.

1 Tèsàlonikà 5:2

Bɨ̀a mbɔŋ e neetè nko nê, Tǎt wa Yesò naa li kɨꞋɨ ka bòt e koê, mbɨ̀Ꞌɨ̀ tsɔŋ nàa ngɨ̀ tà kɨꞋɨ ètsəꞋ kà bòt e koê la.

2 Pità 3:10

Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.